Miss World Grand Final : ప్రపంచంలో ఎక్కడున్నా.. హైదరాబాద్​లో జరిగే మిస్ వరల్డ్ గ్రాండ్ ఫైనల్​ని లైవ్​లో చూడొచ్చు, డిటైల్స్ ఇవే

Miss World Event Live : 72వ మిస్ వరల్డ్ ఫెస్టివల్ తుది దశకు చేరుకుంది. మిస్​ వరల్డ్​గా ఎవరు విజేతగా నిలవబోతున్నారో సాయంత్రం తెలిసిపోతుంది. ఈ ఈవెంట్​ని లైవ్​ ఎలా చూడాలంటే ఇవి ఫాలో అయిపోండి. 

ప్రపంచ సుందరి ఫైనల్ ఈవెంట్ డిటైల్స్ (Image Source : Miss World)

Source : Missworld

72nd Miss World Grand Final Event : తెలంగాణలో 72వ మిస్ వరల్డ్ పోటీలు అద్భుతంగా జరుగుతున్నాయి. మిస్ వరల్డ్ గ్రాండ్ ఫైనల్ హైదరాబాద్‌లో మొదలైంది. తెలంగాణలోని హైదరాబాద్​లో హైటెక్ ఎగ్జిబిషన్ సెంటర్​ ఈ వేడుకకు వేదికగా మారింది. దానికి సంబంధించిన ఏర్పాట్లన్నీ పూర్తి చేశారు. అయితే ఈ కార్యక్రమాన్ని ప్రపంచవ్యాప్తంగా ఉన్న ప్రేక్షకులు లైవ్​లో చూసేవిధంగా కూడా ఏర్పాట్లు చేస్తున్నారు. అవేంటో చూసేద్దాం. 

ప్రపంచ సుందరి ఎవరో తెలుసుకోవాలనే కోరిక ఉన్నవారందరూ.. ప్రపంచంలో ఎక్కడా ఉన్నా ఈ ఈవెంట్​ చూసేవిధంగా ఏర్పాట్లు చేస్తున్నారు. ఈ మిస్ వరల్డ్ గ్రాండ్ ఫినాలే ఈవెంట్​ను ఎంపిక చేసిన దేశాలలో అక్కడి నేషనల్ టెలివిజన్ ద్వారా లేదా www.watchmissworld.com అధికారిక వెబ్​సైట్ ద్వారా చూసే వెసులుబాటు కల్పిస్తున్నారు. దీనిలో మీరు మిస్​ వరల్డ్ పే-పర్-వ్యూ ప్లాటాఫామ్ ద్వారా హై డెఫినిషన్​లో చూడవచ్చు. 

She’s walked the talk of purpose. Tonight, she walks towards the crown. Watch Nandini Gupta at the Miss World Grand Finale, 6:30 PM on Sony LIV!#MissWorld #72MissWorld #MissWorldOnSonyLIV #BeautyWithAPurpose pic.twitter.com/OyoABeED4j

— Sony LIV (@SonyLIV) May 31, 2025

మిస్ వరల్డ్ గ్రాండ్ ఫైనల్ ప్రసార సమయాలు.. 

మిస్ వరల్డ్ గ్రాండ్ ఫైనల్ మే 31, 2025 అంటే శనివారం రోజున హైటెక్ ఎగ్జిబిషన్ సెంటర్​లో జరగనున్నాయి. సాయంత్రం 6.30 గంటలకు ఈవెంట్ స్టార్ట్ కానుంది. టీవీలో లైవ్ అందుబాటులో ఉంది కాబట్టి.. మీరు ఈవెంట్​ను చూడాలనుకుంటే స్థానికంగా ప్రసారమయ్యే ఛానల్స్​లో చూడవచ్చు. లేదంటే www.watchmissworld.com వెబ్​సైట్ ద్వారా వీక్షించవచ్చు.  ఇండియాలో ఈ ఈవెంట్​ని చూడాలనుకునేవారు SonyLIVలో చూడొచ్చు. 

అందం, అంతర్జాతీయ ఐక్యతకు వేడుకగా ఈ పోటీలు నిర్వహిస్తున్నారు. ప్రపంచవ్యాప్తంగా 108 మంది యువతులు మిస్​ వరల్డ్ పోటీల్లో పాల్గొననున్నారు. ఈ ఏడాది ఈ ఈవెంట్​కు తెలంగాణ ఆతిథ్యం ఇచ్చింది. తెలంగాణ సాంస్కృతిని ప్రతిబింబించేలా ఈ గ్రాండ్ ఫైనల్​ను ఏర్పాటు చేశారు. ఈ కార్యక్రమంలో బ్యూటీతో పాటు.. తెలివితేటలను కూడా కంటెస్టెంట్లు చూపించాల్సి ఉంటుంది. 'బ్యూటీ విత్​ ఎ పర్పస్​' అనే కాన్సెప్ట్​తో సామాజిక అవగాహన కల్పించనున్నారు. 

నందిని గుప్తా.. 

టాప్ మోడల్ విన్నర్స్​లో ఇండియాను రిప్రెజెంట్ చేస్తున్న నందిని గుప్తా నిలిచారు. ప్రపంచవ్యాప్తంగా 108 మంది పోటీదారులు పాల్గొనగా.. నాలుగు కాంటినెంటల్ విన్నర్స్​లో నందిని గుప్తా నిలిచి 72వ మిస్ వరల్డ్ ఫెస్టివల్ క్వార్టర్ ఫైనల్​లో ఫాస్ట్ ట్రాక్ స్థానాన్ని దక్కించుకుంది. ఇప్పటికే భారతీయులు ఈమె ప్రపంచ సుందరిగా గెలవాలని కోరుకుంటున్నారు. 

నందిని గుప్తా మిస్ వరల్డ్ కిరీటం అందుకుంటే ఇండియాను విజేతగా నిలిపిన 7 బ్యూటీగా నిలిస్తుంది. ఇప్పటివరకు రీటా ఫరియా, ఐశ్వర్య రాయ్, డయానా హెడెన్, యుక్తా ముఖి, ప్రియాంక చోప్రా, మానుషి చిల్లర్ మిస్ వరల్డ్ టైటిల్​ని సొంతం చేసుకున్నారు. 2017 తర్వాత ఇండియాకు ఈ మిస్ వరల్డ్ కిరీటం దక్కలేదు. ఈ ఏడాది వస్తుందో.. లేదో మరికొన్ని గంటల్లో తెలిసిపోతుంది. 

మరిన్ని చదవండి

మిస్ వరల్డ్ పోటీల్లో ఇండియాను రిప్రెజెంట్ చేస్తోన్న నందిని గుప్తా.. ఆమె గురించి ఈ విషయాలు తెలుసా?

మిస్ వరల్డ్ టైటిల్ గెలుచుకున్న ఇండియన్ భామలు వీరే.. ఇప్పుడు చూపంతా నందిని గుప్తా పైనే