Budget Smartphone: రూ.10 వేలలోపే కొత్త ఫోన్.. అదిరిపోయే ఫీచర్లు, భారీ బ్యాటరీ!

ప్రముఖ స్మార్ట్ ఫోన్ బ్రాండ్ టెక్నో మనదేశంలో ఇటీవలే స్పార్క్ 8 స్మార్ట్ ఫోన్ లాంచ్ చేసిన సంగతి తెలిసిందే. ఇప్పుడు ఇందులో కొత్తగా 3 జీబీ వేరియంట్ అందుబాటులోకి తీసుకువచ్చారు.

టెక్నో స్పార్క్ 8 స్మార్ట్ ఫోన్

టెక్నో స్పార్క్ 8 కొత్త వేరియంట్ మనదేశంలో లాంచ్ అయింది. ఇప్పుడు తాజాగా లాంచ్ అయిన వేరియంట్‌లో 3 జీబీ ర్యామ్ + 32 జీబీ స్టోరేజ్‌ను అందించారు. దీని ధర రూ.9,299గా ఉంది. ఈ ఫోన్‌కు సంబంధించి గతంలో మనదేశంలో 2 జీబీ ర్యామ్ + 64 జీబీ స్టోరేజ్ వేరియంట్ మాత్రమే మనదేశంలో లాంచ్ అయింది.

గతంలో లాంచ్ అయిన టెక్నో స్పార్క్ 8కు, దీనికి మధ్య ర్యామ్, స్టోరేజ్ తప్ప మిగతా తేడాలు ఏవీ లేవు. అట్లాంటిక్ బ్లూ, టర్కోయిస్ సియాన్, ఐరిస్ పర్పుల్ రంగుల్లో ఈ ఫోన్ కొనుగోలు చేయవచ్చు.

టెక్నో స్పార్క్ 8 స్పెసిఫికేషన్లు
ఈ ఫోన్‌లో ఇండియన్ లాంగ్వేజ్ సపోర్ట్ కూడా అందించారు. దీని ద్వారా మీకు నచ్చిన వారికి మీ ఫీలింగ్స్‌ను మీ సొంత భాషలో తెలిపే అవకాశం ఉంటుంది. ఇందులో 6.5 అంగుళాల హెచ్‌డీ+ డిస్ ప్లేను అందించారు. 2 జీబీ ర్యామ్, 64 జీబీ స్టోరేజ్ ఇందులో ఉంది. స్టోరేజ్‌ను మైక్రో ఎస్‌డీ కార్డు ద్వారా ఇంకా పెంచుకునే అవకాశం ఉంది. ఆక్టాకోర్ మీడియాటెక్ హీలియో పీ22 ప్రాసెసర్‌పై ఈ ఫోన్ పనిచేయనుంది.

దీని బ్యాటరీ సామర్థ్యం 5000 ఎంఏహెచ్‌గా ఉంది. 10W ఫాస్ట్ చార్జింగ్‌ను ఇది సపోర్ట్ చేయనుంది.  ఆండ్రాయిడ్ 11(గో ఎడిషన్) ఆధారిత హైఓఎస్ 7.6 ఆపరేటింగ్ సిస్టంపై టెక్నో స్పార్క్ 8 పనిచేయనుంది. దీని మందం 0.84 సెంటీమీటర్లు కాగా, బరువు 190 గ్రాములుగా ఉంది.

ఇందులో వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 16 మెగాపిక్సెల్ కాగా, క్యూవీజీఏ సెన్సార్ కూడా ఇందులో ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందుబాటులో ఉంది. 4జీ వోల్టే, డ్యూయల్ బ్యాండ్ వైఫై, బ్లూటూత్ వీ5.0, జీపీఎస్/ఏ-జీపీఎస్, మైక్రో యూఎస్‌బీ పోర్టు, 3.5 ఎంఎం హెడ్ ఫోన్ జాక్ వంటి కనెక్టివిటీ ఫీచర్లను ఇందులో అందించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి