Samsung Galaxy S23 Series: త్వరలోనే Galaxy S23 సిరీస్ లాంచింగ్, ఫీచర్లు మామూలుగా లేవుగా!
మొబైల్ ప్రియులు ఎంతగానో ఎదురు చూస్తున్న Samsung Galaxy S23 సిరీస్ లాంచింగ్ వివరాలను కంపెనీ అధికారికంగా వెల్లడించింది. ఈ సిరీస్ అంతా స్నాప్డ్రాగన్ 8 Gen 2- పవర్ తో వస్తున్నట్లు తెలుస్తోంది.
శామ్సంగ్ నుంచి చాలా రోజులుగా ఎదురుచూస్తున్న ఫ్లాగ్షిప్ లైనప్ Samsung Galaxy S23 సిరీస్ లాంచింగ్ ఎప్పుడో కంపెనీ వెల్లడించింది. 2023, ఫిబ్రవరి మొదటి వారంలో లాంచింగ్ ఈవెంట్ నిర్వహించబోతున్నట్లు తెలిపింది. ఈ వేడుకలో అధికారికంగా గెలాక్సీ S23 లైనప్ ను ఆవిష్కరించనున్నట్లు తెలిపింది. కరోనా వైరస్ మహమ్మారి తర్వాత గెలాక్సీ అన్ ప్యాక్డ్ ఈవెంట్ నిర్వహించడం ఇదే మొదటిసారి అని కంపెనీ తెలిపింది. ఈ లాంచింగ్ ఈవెంట్ శాన్ ఫ్రాన్సిస్కోలో జరిగే అవకాశం ఉందని మీడియాలో కథనాలు వస్తున్నాయి.
ఫిబ్రవరి మొదటి వారంలో జరిగే అన్ప్యాక్డ్ ఈవెంట్లో Samsung Galaxy సిరీస్ను అధికారికంగా ఆవిష్కరించనుంది. GSMArena యొక్క నివేదిక ప్రకారం.. ఫిబ్రవరిలో S23 సిరీస్ లాంచ్ అయిన కొద్ది రోజుల తర్వాత ప్రపంచ వ్యాప్తంగా విడుదల కానున్నట్లు తెలుస్తోంది. కొన్ని లీక్లు, ఊహాగానాల ప్రకారం Samsung Galaxy S23 సిరీస్ మొత్తం Snapdragon 8 Gen 2-పవర్డ్గా ఉండబోతోంది. Samsung Exynos చిప్సెట్ను పూర్తిగా తొలగించబోతున్నట్లు తెలుస్తోంది. ఇక Xiaomi 13 ఫ్లాగ్ షిప్ లైనప్ Qualcomm టాప్-టైర్ స్నాప్ డ్రాగన్ 8 Gen 2 మొబైల్ SoCతో ఈ వారం ఆవిష్కరించబడుతుంది. Vivo ఇప్పటికే దాని X90 Pro+ని Snapdragon 8 Gen 2 చిప్ సెట్ తో విడుదల చేసింది.
Samsung Galaxy S23 సిరీస్ స్పెక్స్, ఫీచర్లు ఇలా ఉండవచ్చు!
Galaxy S23 లైనప్ Apple iPhone 14 నుండి ఒక ఫీచర్ను తీసుకోబోతున్నట్లు తెలుస్తోంది. అటు ఫింగర్ ప్రింట్ సెన్సార్ ను కూడా అప్ గ్రేడ్ చేస్తుంది. టెక్ పబ్లికేషన్ ETNews ఇటీవలి నివేదిక ప్రకారం, Galaxy S23 సిరీస్ ఈ సంవత్సరం iPhone 14 లైనప్లో మనం చూసిన శాటిలైట్ కనెక్టివిటీని కలిగి ఉండే అవకాశం ఉంది. దక్షిణ కొరియా టెక్ దిగ్గజం Galaxy S23 లైన్కు ఒక విధమైన శాటిలైట్ కమ్యూనికేషన్ వ్యవస్థను తీసుకురావడానికి ఇరిడియం కమ్యూనికేషన్స్తో కలిసి పనిచేస్తోంది. ఇరిడియం కమ్యూనికేషన్స్ 66 లో ఆర్బిల్ ఉపగ్రహాల ద్వారా వాయిస్ కాలింగ్, డేటా కమ్యూనికేషన్ సేవలను అందిస్తోంది. శామ్సంగ్ తన స్మార్ట్ ఫోన్లకు శాటిలైట్ కనెక్టివిటీ ఫీచర్ను తీసుకురావడానికి ఇరిడియంతో కలిసి రెండేళ్లుగా పని చేస్తోంది.
ప్రపంచం ఇప్పటి వరకు చూడని అత్యుత్తమ కెమెరా
Galaxy S23 లైనప్ స్పెషల్ హైలైట్ Galaxy S23 అల్ట్రా. ఇది 200MP ప్రైమరీ కెమెరాతో లాంచ్ అయ్యే అవకాశం ఉంది. Samsung Galaxy S23 Ultra 200MP కెమెరా Xiaomi 12T ప్రోలో కనిపించే 200MP కెమెరా కంటే మెరుగ్గా ఉండవచ్చని ఊహాగానాలు వినిపిస్తున్నాయి. ప్రఖ్యాత లీక్స్టర్ ఐస్ యూనివర్స్ ప్రకారం, గెలాక్సీ S23లోని 200MP కెమెరా ప్రపంచం ఇప్పటి వరకు చూడని అత్యుత్తమమైన కెమెరాగా అభివర్ణించింది.
Read Also: జియో, ఎయిర్ టెల్ అదిరిపోయే ప్లాన్స్, రోజూ 2GB డేటా, అన్ లిమిటెడ్ కాల్స్, ఫుల్ డీటైల్స్ మీకోసం!
టాప్ హెడ్ లైన్స్
ట్రెండింగ్ వార్తలు
