Redmi Note 14 5G: రూ.15 వేలలో బడ్జెట్ 5జీ ఫోన్ - రెడ్‌మీ నోట్ 14 5జీ వచ్చేసింది!

Redmi New Phone: ప్రముఖ చైనీస్ స్మార్ట్ ఫోన్ బ్రాండ్ రెడ్‌మీ తన లేటెస్ట్ 5జీ ఫోన్‌ను లాంచ్ చేసింది. అదే రెడ్‌మీ నోట్ 14 5జీ. ఈ ఫోన్ ప్రస్తుతం చైనాలో అందుబాటులో ఉంది.

ప్రతీకాత్మక చిత్రం

Source : Redmi

Redmi Note 14 5G Launched: రెడ్‌మీ నోట్ 14 5జీ స్మార్ట్ ఫోన్ చైనాలో లాంచ్ అయింది. రెడ్‌మీ నోట్ 14 సిరీస్‌లో ఈ ఫోన్లు ఎంట్రీ ఇచ్చాయి. ఈ సిరీస్‌లో రెడ్‌మీ నోట్ 14 ప్రో, రెడ్‌మీ నోట్ 14 ప్రో ప్లస్ స్మార్ట్ ఫోన్లు ఉన్నాయి. ఆండ్రాయిడ్ 14 ఆధారిత హైపర్ఓఎస్ అవుట్ ఆఫ్ ది బాక్స్ ఆపరేటింగ్ సిస్టంపై పని చేయనుంది. ఇందులో 6.67 అంగుళాల అమోఎల్ఈడీ డిస్‌ప్లేను అందించారు. కార్నింగ్ గొరిల్లా గ్లాస్ ప్రొటెక్షన్ కూడా ఇందులో ఉండనుంది. మీడియాటెక్ డైమెన్సిటీ 7025 అల్ట్రా చిప్‌సెట్‌పై ఇది రన్ కానుంది. 12 జీబీ వరకు ర్యామ్ ఇందులో ఉంది. దీని బ్యాటరీ సామర్థ్యం 5110 ఎంఏహెచ్ కాగా, 45W వైర్డ్ ఫాస్ట్ ఛార్జింగ్ సపోర్ట్ ఉండనుంది.

రెడ్‌మీ నోట్ 14 5జీ ధర (Redmi Note 14 5G Price)
ఇందులో నాలుగు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 6 జీబీ ర్యామ్ + 128 జీబీ స్టోరేజ్ మోడల్ ధర రూ.1,199 చైనీస్ యువాన్లుగా (మనదేశ కరెన్సీలో సుమారు రూ.14,300) నిర్ణయించారు. 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.1,399 చైనీస్ యువాన్లుగానూ (మనదేశ కరెన్సీలో సుమారు రూ.16,700), 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.1,499 చైనీస్ యువాన్లుగానూ (మనదేశ కరెన్సీలో సుమారు రూ.17,900), టాప్ ఎండ్ మోడల్ అయిన 12 జీబీ ర్యామ్ + 256 జీబీ స్టోరేజ్ వేరియంట్ ధర రూ.1,499 చైనీస్ యువాన్లుగానూ (మనదేశ కరెన్సీలో సుమారు రూ.20,300) ఉంది.

మొదటి సేల్‌లో భాగంగా ఈ స్మార్ట్ ఫోన్‌పై 100 యువాన్ల (సుమారు రూ.1,200) తగ్గింపు లభించనుంది. షావోమీ చైనా ఈ-స్టోర్ నుంచి ఈ ఫోన్ కొనుగోలు చేయవచ్చు. మిడ్‌నైట్ బ్లాక్, ఫాంటం బ్లూ, స్టార్ వైట్ కలర్ ఆప్షన్లలో దీన్ని కొనుగోలు చేయవచ్చు.

రెడ్‌మీ నోట్ 14 5జీ స్పెసిఫికేషన్లు, ఫీచర్లు (Redmi Note 14 5G Specifications)
ఇందులో 6.67 అంగుళాల ఫుల్ హెచ్‌డీ+ అమోఎల్ఈడీ స్క్రీన్‌ను అందించారు. దీని స్క్రీన్ రిఫ్రెష్ రేట్ 120 హెర్ట్జ్ కాగా, టచ్ శాంప్లింగ్ రేట్ 240 హెర్ట్జ్‌గానూ,పీక్ బ్రైట్‌నెస్ 2100 నిట్స్‌గానూ ఉంది. కార్నింగ్ గొరిల్లా గ్లాస్ ద్వారా స్క్రీన్‌కు ప్రొటెక్షన్ అందించనున్నారు. ఆక్టాకోర్ 6 ఎన్ఎం మీడియాటెక్ డైమెన్సిటీ 7025 అల్ట్రా చిప్‌సెట్‌పై ఈ ఫోన్ రన్ కానుంది. 12 జీబీ వరకు ఎల్పీడీడీఆర్4ఎక్స్ ర్యామ్, 512 జీబీ వరకు యూఎఫ్ఎస్ 2.2 స్టోరేజ్ కూడా ఇందులో ఉంది. ఆండ్రాయిడ్ 14 ఆధారిత హైపర్ఓఎస్ ఆపరేటింగ్ సిస్టంపై రెడ్‌మీ నోట్ 14 5జీ పని చేయనుంది.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు ఆప్టికల్ ఇమేజ్ స్టెబిలైజషన్ సపోర్ట్, 2 మెగాపిక్సెల్ డెప్త్ సెన్సార్ అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ సెన్సార్ అందుబాటులో ఉంది.

దీని బ్యాటరీ సామర్థ్యం 5110 ఎంఏహెచ్ కాగా, 45W వైర్డ్ ఫాస్ట్ ఛార్జింగ్‌ను సపోర్ట్ చేయనుంది. ఇన్ డిస్‌ప్లే ఫింగర్ ప్రింట్ సెన్సార్ అందుబాటులో ఉంది. డ్యూయల్ 5జీ ఎల్టీఈ, 4జీ ఎల్టీఈ, వైఫై, బ్లూటూత వీ5.3, జీపీఎస్, గ్లోనాస్, యూఎస్‌బీ టైప్-సీ పోర్టు అందించారు. డస్ట్, వాటర్ రెసిస్టెన్స్ కోసం ఐపీ64 రేటెడ్ బిల్డ్ ఉంది.