Realme C31 Launch: రియల్‌మీ సీ31 వచ్చేసింది - రూ.8,500లోనే సూపర్ ఫీచర్లు - ఎలా ఉందో చూసేయండి!
ప్రముఖ స్మార్ట్ ఫోన్ బ్రాండ్ రియల్‌మీ తన కొత్త స్మార్ట్ ఫోన్‌ను లాంచ్ చేసింది. అదే రియల్‌మీ సీ31.
Realme C31: రియల్‌మీ సీ31 స్మార్ట్ ఫోన్ ఇండోనేషియాలో లాంచ్ అయింది. ఇందులో 6.5 అంగుళాల హెచ్‌డీ+ స్క్రీన్, యూనిసోక్ టీ612 ప్రాసెసర్, 4 జీబీ ర్యామ్, ఆండ్రాయిడ్ 11 వంటి ఫీచర్లు ఉన్నాయి. ఫోన్ వెనకవైపు 13 మెగాపిక్సెల్ కెమెరాను కూడా అందించారు.
రియల్‌మీ సీ31 ధర
ఇందులో రెండు వేరియంట్లు అందించారు. వీటిలో ప్రారంభ వేరియంట్ అయిన 3 జీబీ ర్యామ్ + 32 జీబీ స్టోరేజ్ వేరియంట్ ధర 15,99,000 ఇండోనేషియా రూపాయలుగా (సుమారు రూ.8,500) ఉంది. 4 జీబీ ర్యామ్ + 64 జీబీ స్టోరేజ్ వేరియంట్ ధర 16,49,000 ఇండోనేషియా రూపాయలుగా (సుమారు రూ.8,700) నిర్ణయించారు. లైట్ సిల్వర్, డార్క్ గ్రీన్ రంగుల్లో ఈ ఫోన్ కొనుగోలు చేయవచ్చు. ఈ ఫోన్ మనదేశంలో మార్చి 31వ తేదీన లాంచ్ కానుందని తెలుస్తోంది.
రియల్‌మీ సీ31 స్పెసిఫికేషన్లు
ఇందులో 6.5 అంగుళాల హెచ్‌డీ+ ఎల్సీడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 60 హెర్ట్జ్ కాగా... స్క్రీన్ టు బాడీ రేషియో 88.7 శాతంగా ఉంది. ఆక్టాకోర్ యూనిసోక్ టీ612 ప్రాసెసర్‌ను ఇందులో అందించారు. 4 జీబీ వరకు ర్యామ్, 64 జీబీ వరకు స్టోరేజ్ ఇందులో ఉన్నాయి.
ఇక కెమెరాల విషయానికి వస్తే... ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 5000 ఎంఏహెచ్ కాగా... దీంతోపాటు 2 మెగాపిక్సెల్ మాక్రో, డెప్త్ సెన్సార్లు ఉన్నాయి. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా ఉంది.
దీని బ్యాటరీ సామర్థ్యం 5000 ఎంఏహెచ్ కాగా... 10W ఫాస్ట్ చార్జింగ్‌ను ఇది సపోర్ట్ చేయనుంది. ఫింగర్ ప్రింట్ సెన్సార్‌ను ఫోన్ పక్కభాగంలో ఉంది. ఆండ్రాయిడ్ 11 ఆధారిత రియల్‌మీ యూఐ ఆర్ ఆపరేటింగ్ సిస్టంపై ఈ ఫోన్ పనిచేయనుంది. దీని మందం 0.84 సెంటీమీటర్లు కాగా... బరువు 197 గ్రాములుగా ఉంది.
Also Read: యాపిల్ అత్యంత చవకైన 5జీ ఫోన్ వచ్చేసింది - లేటెస్ట్ ప్రాసెసర్‌తో - ధర ఎంతంటే?
Also Read: కొత్త ఐప్యాడ్ వచ్చేసింది - అన్నీ లేటెస్ట్ ఫీచర్లే - ధర ఎంతంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
