Nokia C30: 6000 ఎంఏహెచ్ బ్యాటరీతో నోకియా కొత్త ఫోన్.. జియో వినియోగదారులకు క్యాష్‌బ్యాక్ కూడా.. రూ.10 వేలలోపే!

ప్రముఖ స్మార్ట్ ఫోన్ బ్రాండ్ నోకియా తన కొత్త స్మార్ట్ ఫోన్‌ను మనదేశంలో లాంచ్ చేసింది. అదే నోకియా సీ30. దీనిపై జియో ఎక్స్‌క్లూజివ్ ఆఫర్ కూడా అందుబాటులో ఉంది.

నోకియా సీ30 స్మార్ట్ ఫోన్ మనదేశంలో లాంచ్ అయింది.

నోకియా సీ30 స్మార్ట్ ఫోన్ మనదేశంలో లాంచ్ అయింది. దీనిపై జియో ఎక్స్‌క్లూజివ్ ఆఫర్లు అందించింది. ఈ సంవత్సరం జులైలో ఈ ఫోన్ గ్లోబల్ లాంచ్ అయింది. 6000 ఎంఏహెచ్ బ్యాటరీని ఇందులో అందించారు. 10W ఫాస్ట్ చార్జింగ్‌ను ఇది సపోర్ట్ చేయనుంది. ఫోన్ వెనకవైపు 13 మెగాపిక్సెల్ కెమెరాను అందించారు. జియో ఎక్స్‌క్లూజివ్ ఆఫర్ ద్వారా కొంటే రూ.1,000 వరకు తగ్గింపు లభించనుంది.

నోకియా సీ30 ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 3 జీబీ ర్యామ్ + 32 జీబీ స్టోరేజ్ వేరియంట్ ధర రూ.10,999గా నిర్ణయించారు. 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.11,999గా ఉంది. గ్రీన్, వైట్ రంగుల్లో ఈ ఫోన్ కొనుగోలు చేయవచ్చు. ఈ-కామర్స్ ప్లాట్‌ఫాంలు, ఆఫ్‌లైన్ రిటైల్ స్టోర్లు, నోకియా.కాంల్లో ఈ ఫోన్ కొనుగోలు చేయవచ్చు.

ఒకవేళ మీరు జియో ఎక్స్‌క్లూజివ్ ఆఫర్ ద్వారా ఈ ఫోన్ కొనుగోలు చేస్తే రూ.1,000 వరకు 10 శాతం తగ్గింపు లభించనుంది. మైజియో యాప్ ద్వారా లేదా రిటైల్ స్టోర్ల ద్వారా వినియోగదారులు ఈ ఆఫర్‌ను పొందవచ్చు. ఒకవేళ ముందే ఫోన్ కొనుగోలు చేసినా.. ఫోన్ యాక్టివేట్ చేసిన 15 రోజుల్లోపు, మైజియో ద్వారా దీని కోసం ఎన్‌రోల్ చేసుకోవచ్చు. విజయవంతంగా ఎన్‌రోల్ చేసుకున్న అనంతరం వినియోగదారుల బ్యాంకు ఖాతాకు 30 నిమిషాల్లో మొత్తం ట్రాన్స్‌ఫర్ అవుతుంది. రూ.249 కంటే ఎక్కువ మొత్తంతో రీచార్జ్ చేసేవారికి మింత్రా, ఫార్మ్ఈజీ, ఓయో, మేక్ మై ట్రిప్‌లకు సంబంధించి రూ.4,000 వోచర్లు లభించనున్నాయి.

నోకియా సీ30 స్పెసిఫికేషన్లు
ఆండ్రాయిడ్ 11 (గో ఎడిషన్) ఆపరేటింగ్ సిస్టంపై ఈ ఫోన్ పనిచేయనుంది. 6.82 అంగుళాల హెచ్‌డీ+ డిస్‌ప్లేను ఇందులో అందించారు. 400 నిట్స్ పీక్ బ్రైట్‌నెస్, 70 శాతం ఎన్‌టీఎస్‌సీ కలర్ గాముట్‌ను ఈ ఫోన్ అందించనుంది. 4 జీబీ వరకు ర్యామ్, 64 జీబీ వరకు స్టోరేజ్‌ను ఇందులో అందించనున్నారు. దీన్ని మైక్రో ఎస్‌డీ కార్డు ద్వారా 256 జీబీ వరకు పెంచుకోవచ్చు.

ఆక్టాకోర్ యూనిసోక్ ఎస్సీ9863ఏ ప్రాసెసర్‌ను ఈ ఫోన్‌లో అందించారు. ఇందులో వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 13 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరాను అందించారు.

దీని బ్యాటరీ సామర్థ్యం 6000 ఎంఏహెచ్ కాగా, 10W ఫాస్ట్ చార్జింగ్‌ను ఇది సపోర్ట్ చేయనుంది. 4జీ ఎల్టీఈ, వైఫై, బ్లూటూత్ వీ4.2, జీపీఎస్/ఏ-జీపీఎస్, మైక్రో యూఎస్‌బీ, 3.5 ఎంఎం హెడ్‌ఫోన్ జాక్ కూడా దీంతోపాటు అందించనున్నారు. యాక్సెలరోమీటర్, యాంబియంట్ లైట్ సెన్సార్, ప్రాక్సిమిటీ సెన్సార్‌లు కూడా ఇందులో ఉన్నాయి. ఫోన్ వెనకవైపు ఫింగర్ ప్రింట్ సెన్సార్ ఉంది. ఫేస్ అన్‌లాక్ సపోర్ట్ కూడా దీంతోపాటు అందించనున్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి