Oppo K9s: ఒప్పో కొత్త 5జీ ఫోన్ వచ్చేసింది.. ధర బడ్జెట్లోనే.. అదిరిపోయే లుక్!
ప్రముఖ స్మార్ట్ ఫోన్ బ్రాండ్ ఒప్పో తన కొత్త బడ్జెట్ 5జీ స్మార్ట్ ఫోన్ లాంచ్ చేసింది. అదే ఒప్పో కే9ఎస్. ప్రస్తుతానికి చైనాలో ఈ ఫోన్ లాంచ్ అయింది.
ఒప్పో కే9ఎస్ స్మార్ట్ ఫోన్ ఎట్టకేలకు చైనాలో లాంచ్ అయింది. ఈ ఫోన్ ఎప్పటినుంచో వార్తల్లో ఉంటూ వచ్చింది. క్వాల్కాం స్నాప్డ్రాగన్ 778జీ ప్రాసెసర్పై ఈ ఫోన్ పనిచేయనుంది. ఇందులో 120 హెర్ట్జ్ హోల్ పంచ్ డిస్ప్లేను అందించారు. దీని బ్యాటరీ సామర్థ్యం 5000 ఎంఏహెచ్ కాగా, బరువు 199 గ్రాములుగా ఉంది. ఫింగర్ ప్రింట్ సెన్సార్ను ఫోన్ పక్కభాగంలో అందించారు.
ఒప్పో కే9ఎస్ ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 6 జీబీ ర్యామ్ + 128 జీబీ స్టోరేజ్ వేరియంట్ ధర 1,499 యువాన్లుగా(సుమారు రూ.17,500) ఉంది. 8 జీబీ ర్యామ్ + 128 జీబీ స్టోరేజ్ వేరియంట్ ధరను 1,699 యువాన్లుగా(సుమారు రూ.19,900) నిర్ణయించారు. మ్యాజిక్ పర్పుల్ క్విక్శాండ్, నియాన్ సిల్వర్ సీ, ఆబ్సీడియన్ వారియర్ రంగుల్లో దీన్ని కొనుగోలు చేయవచ్చు. ఈ ఫోన్ మనదేశంలో ఎప్పుడు లాంచ్ అవుతుందో తెలియరాలేదు.
ఒప్పో కే9ఎస్ స్పెసిఫికేషన్లు
ఆండ్రాయిడ్ 11 ఆధారిత కలర్ఓఎస్ 11.2 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.59 అంగుళాల ఫుల్ హెచ్డీ+ టీఎఫ్టీ ఎల్సీడీ డిస్ప్లేను అందించారు. దీని రిఫ్రెష్ రేట్ 120 హెర్ట్జ్గానూ, టచ్ శాంప్లింగ్ రేట్ 240 హెర్ట్జ్గానూ ఉంది. క్వాల్కాం స్నాప్డ్రాగన్ 778జీ ప్రాసెసర్పై ఈ ఫోన్ పనిచేయనుంది. 8 జీబీ వరకు ర్యామ్, 128 జీబీ స్టోరేజ్ ఇందులో అందించారు. దీన్ని మైక్రో ఎస్డీ కార్డు ద్వారా పెంచుకోవచ్చు.
ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 64 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ షూటర్, 2 మెగాపిక్సెల్ మాక్రో లెన్స్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను అందించారు.
5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, యూఎస్బీ టైప్-సీ పోర్టు కూడా ఇందులో ఉన్నాయి. ఫింగర్ ప్రింట్ సెన్సార్ను ఫోన్ పక్కభాగంలో అందించారు. దీని బ్యాటరీ సామర్థ్యం 5000 ఎంఏహెచ్గా ఉంది. 30W ఫాస్ట్ చార్జింగ్ను ఇది సపోర్ట్ చేయనుంది. దీని మందం 0.85 సెంటీమీటర్లు కాగా, బరువు 199 గ్రాములుగా ఉంది.
Also Read: అత్యంత చవకైన 5జీ ఫోన్ లాంచ్ చేసిన నోకియా.. ఫీచర్లు ఎలా ఉన్నాయంటే?
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
టాప్ హెడ్ లైన్స్
ట్రెండింగ్ వార్తలు
