Motorola Edge 50 Neo : లాంచ్​కు ముందే లీకైన వివరాలు - అదిరిపోయే ఫీచర్లతో సూపర్ స్మార్ట్ ఫోన్!

మోటోరోలా మరో సరికొత్త ఫోన్​ను తీసుకువస్తోంది. రీసెంట్​గానే మోటోరోలా ఎడ్జ్​ 50 అల్ట్రా, మోటోరోలా రేజర్​ 50 సిరీస్​ తీసుకొచ్చిన సదరు కంపెనీ ఇప్పుడు మోటోరోలా ఎడ్జ్​ 50 నియోను తీసుకురానుంది

Representational image: Pixabay

Source : Pixabay

ప్రముఖ మొబైల్ తయారీ కంపెనీ మోటోరోలా తమ కస్టమర్ల సంఖ్య పెంచేందుకు, వారిని ఆకర్షించేందుకు ఎప్పటికప్పుడు సరికొత్త మోడళ్లను భారత మార్కెట్​లోకి విడుదల చేస్తూ వస్తోంది. అలా తాజాగా ఇప్పుడు మరో సరికొత్త ఫోన్​ను తీసుకువస్తోంది. రీసెంట్​గానే మోటోరోలా ఎడ్జ్​ 50 అల్ట్రా, మోటోరోలా రేజర్​ 50 సిరీస్​ తీసుకొచ్చిన సదరు కంపెనీ ఇప్పుడు మోటోరోలా ఎడ్జ్​ 50 నియోను తీసుకురానుంది. గతేడాది తీసుకొచ్చిన ఏడ్జ్ 40 నియోకు లేటెస్ట్ మోడల్​గా దీన్ని తీసుకురానుంది.​ అయితే దీనిపై అఫీషియల్ అనౌన్స్​మెంట్​ రానప్పటికీ ఈ కొత్త మోడల్ డిజైన్, ఫీచర్స్​కు సంబంధించిన వివరాలు బయటకు వచ్చాయి. ఆ వివరాలను ఇప్పుడు తెలుసుకుందాం.

స్పెసిఫికేషన్స్​ 

డిస్​ప్లే - 91 మొబైల్స్​ రిపోర్ట్​ ప్రకారం.. 120Hz​ రిఫ్రెష్ రేట్​తో 6.4 ఇంచ్​ పీఓపీఎల్​ఈడీ డిస్​ప్లే ఈ ఫోన్​కు ఉంది. ఇది స్మూత్ స్క్రోలింగ్​తో పాటు మంచి వ్యూయింగ్​ అనుభవాన్ని అందించనుంది. గ్రాఫిక్స్​ ఇంటెన్సివ్​ కోసం మీడియాటెక్ డైమెన్సిటీ 7300 చిప్​సెట్, మాల్​​- G615 GPUతో ఈ స్మార్ట్​ఫోన్​ పనిచేస్తుంది. ఇదే ప్రొసేసర్​ గత నెలలో విడుదలైన సీఎమ్​ఎఫ్​ ఫోన్​ 1కు కూడా ఉంది.

కెమెరా, బ్యాటరీ 

ఈ ఎడ్జ్ 50 నియోకు 50 మెగాపిక్సెల్ ప్రైమరీ కెమెరా, 13 మె గాపిక్సెల్, 10 మెగా పిక్సెల్ సెకండరీ సెన్సార్లు, అలాగే సెల్ఫీలు, వీడియో కాల్స్ కోసం 32 మెగా పిక్సెల్ కెమెరా సిస్టమ్ కలిగి ఉంది. ఇంకా ఈ స్మార్ట్ ఫోన్  4,310 ఎంఏహెచ్ బ్యాటరీ సామర్థ్యంతో నడుస్తుంది.

డిజైన్ అండ్ బిల్డ్

ఈ స్మార్ట్ ఫోన్​కు 8GB ర్యామ్, 256 GB స్టోరేజ్​ సపోర్ట్ కూడా ఉంది. అలానే లేటెస్ట్ ఆండ్రాయిడ్ 14 ఆపరేటింగ్ సిస్టమ్​ ఆధారిత హెలో యూఐ మీద ఇది నడుస్తుంది. వాటర్​-డస్ట్​ రెసిస్టెన్స్​తో రానున్న ఈ ఫోన్​ ఐపీ68 రేటింగ్​ను కలిగి ఉంది. 8.1 ఎంఎం మందం, 171 గ్రాముల బరువుతో రానున్న ఈ ఫోన్  సొగసైన, తేలికపాటి డిజైన్​ను కలిగి ఉంటుందని సమాచారం. నాలుగు రకాల రంగుల్లో ఇది అందుబాటులో ఉండనుంది.

ధర ఎంతంటే? 

మొత్తంగా అదిరే స్టైలిష్, రిచ్​ ఫీచర్స్​తో రూపుదిద్దుకుంటున్న ఈ స్మార్ట్ ఫోన్​ అద్భుతమైన పనితీరుతో ఉంటుందని అంటున్నారు. అయితే దీని ధర, లభ్యత వివరాలు ఇంకా గోప్యంగా ఉన్నప్పటికీ, త్వరలో మరింత సమాచారం బయటకు వచ్చే అవకాశం ఉందని తెలుస్తోంది. ఇక గతేడాది విడుదలైన  ఎడ్జ్ 40 నియో 8GB RAM/128GB స్టోరేజ్ రూ.22,999 ధరకు లభించగా, 12GB ర్యామ్​ వేరియంట్ రూ.24,999కు అందుబాటులో ఉంది. ఇంచుమించు ఎడ్జ్​ 50 నియో ధర కూడా ఇంతే ఉండనున్నట్లు సమాచారం.