Vivo Y75: వివో కొత్త ఫోన్ వచ్చేసింది - అదిరిపోయే ఫీచర్లు - ధర ఎంతంటే?

వివో కొత్త స్మార్ట్ ఫోన్ వై75 మనదేశంలో లాంచ్ అయింది. దీని ధర రూ.20,999గా ఉంది.

వివో వై75 స్మార్ట్ ఫోన్ మనదేశంలో లాంచ్ అయింది.

వివో వై75 స్మార్ట్ ఫోన్ మనదేశంలో లాంచ్ అయింది. కంపెనీ వై-సిరీస్‌లో లాంచ్ అయిన లేటెస్ట్ స్మార్ట్ ఫోన్ ఇదే. ఈ ఫోన్ డిజైన్ సన్నగా ఉండనుంది. రెండు కలర్ ఆప్షన్లలో ఈ ఫోన్ కొనుగోలు చేయవచ్చు. మీడియాటెక్ హీలియో జీ96 ప్రాసెసర్‌ను ఇందులో అందించారు. 128 జీబీ స్టోరేజ్ కూడా ఇందులో ఉంది. ముందువైపు 44 మెగాపిక్సెల్ కెమెరాను అందించారు.

వివో వై75 ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 8 జీబీ ర్యామ్ + 128 జీబీ స్టోరేజ్ ఉన్న ఈ వేరియంట్ ధరను రూ.20,999గా నిర్ణయించారు. డాన్సింగ్ వేవ్స్, మూన్‌లైట్ షాడో కలర్ ఆప్షన్లలో ఈ ఫోన్ కొనుగోలు చేయవచ్చు. దీనికి సంబంధించిన సేల్ ఇప్పటికే ప్రారంభం అయింది. ఐసీఐసీఐ, ఎస్‌బీఐ, ఐడీఎఫ్‌సీ, వన్‌కార్డుల ద్వారా కొనుగోలు చేస్తే రూ.1,500 తగ్గింపు లభించనుంది.

వివో వై75 ఫీచర్లు
ఆండ్రాయిడ్ 11 ఆధారిత ఆధారిత ఫన్‌టచ్ ఓఎస్ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.44 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించారు. ఆక్టాకోర్ మీడియాటెక్ హీలియో జీ96 ప్రాసెసర్‌పై ఈ ఫోన్ పనిచేయనుంది. 8 జీబీ ర్యామ్, 128 జీబీ స్టోరేజ్‌ను ఇందులో అందించారు. స్టోరేజ్‌లో ఉపయోగించని డేటా నుంచి 4 జీబీని ర్యామ్‌గా వాడుకోవచ్చు. అంటే మొత్తంగా 12 జీబీ వరకు ర్యామ్ ఇందులో ఉండనుందన్న మాట. స్టోరేజ్‌ను కూడా మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.

ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్‌గా ఉంది. దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ బొకే కెమెరా కూడా అందించారు. సెల్ఫీలు, వీడియో కాల్స్ కోసం ముందువైపు 44 మెగాపిక్సెల్ కెమెరాను అందించారు.

4జీ ఎల్టీఈ, బ్లూటూత్ వీ5.1, వైఫై, జీపీఎస్ కూడా ఇందులో ఉన్నాయి. దీని బ్యాటరీ సామర్థ్యం 4050 ఎంఏహెచ్‌గా ఉంది. 44W ఫాస్ట్ చార్జింగ్‌ను కూడా ఈ ఫోన్ సపోర్ట్ చేయనుంది. దీని మందం 0.74 సెంటీమీటర్లుగానూ, బరువు 172 గ్రాములుగానూ ఉంది.