Redmi Note 10S Price Cut: ఈ రెడ్‌మీ ఫోన్‌పై భారీ తగ్గింపు - ఏకంగా రూ.2 వేలు తగ్గించిన కంపెనీ!

ప్రముఖ స్మార్ట్ ఫోన్ బ్రాండ్ రెడ్‌మీ తన నోట్ 10ఎస్ స్మార్ట్‌ఫోన్‌పై తగ్గింపును అందించింది.

రెడ్‌మీ నోట్ 10ఎస్ స్మార్ట్ ఫోన్ ధరను తగ్గించారు.

రెడ్‌మీ నోట్ 10ఎస్ స్మార్ట్ ఫోన్ మనదేశంలో గతంలోనే లాంచ్ అయింది. ఇప్పుడు ఈ స్మార్ట్ ఫోన్ ధరను కంపెనీ మనదేశంలో తగ్గించింది. ఈ ఫోన్ మనదేశంలో లాంచ్ అయి సంవత్సరం పైనే అవుతుంది. 2021 మేలో ఈ ఫోన్ మార్కెట్లోకి ఎంట్రీ ఇచ్చింది.

రెడ్‌మీ నోట్ 10ఎస్ ధర
ఇందులో మూడు వేరియంట్లు ఉన్నాయి. వీటిలో 6 జీబీ ర్యామ్ + 64 జీబీ స్టోరేజ్ వేరియంట్ ధర రూ.14,999 నుంచి రూ.12,999కు తగ్గింది. ఇక 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.15,999 నుంచి రూ.14,999కు తగ్గింది. 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.17,499 నుంచి రూ.16,499కు తగ్గింది. అమెజాన్, ఎంఐ.కాంల్లో ఈ ఫోన్ అందుబాటులో ఉంది. కాస్మిక్ పర్పుల్, డీప్ సీ బ్లూ, ఫ్రాస్ట్ వైట్, షాడో బ్లాక్ రంగుల్లో ఈ ఫోన్ కొనుగోలు చేయవచ్చు.

రెడ్‌మీ నోట్ 10ఎస్ స్పెసిఫికేషన్లు
ఆండ్రాయిడ్ 11 ఆధారిత ఎంఐయూఐ 12.5 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.43 అంగుళాల ఫుల్ హెచ్‌డీ+ అమోఎల్ఈడీ డిస్ ప్లేను అందించారు. డిస్‌ప్లే రక్షణ కోసం కార్నింగ్ గొరిల్లా గ్లాస్ 3 ప్రొటెక్షన్ కూడా ఇందులో ఉంది.

దీని బ్యాటరీ సామర్థ్యం 5000 ఎంఏహెచ్‌గా ఉంది. 33W ఫాస్ట్ చార్జింగ్‌ను ఇది సపోర్ట్ చేయనుంది.  మీడియాటెక్ హీలియో జీ95 ప్రాసెసర్‌పై ఈ స్మార్ట్ ఫోన్ పనిచేయనుంది. 6 జీబీ ర్యామ్, 128 జీబీ వరకు స్టోరేజ్‌ను ఇందులో అందించారు.

ఇక కెమెరాల విషయానికి వస్తే.. ఇందులో వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ షూటర్, 2 మెగాపిక్సెల్ డెప్త్ సెన్సార్, 2 మెగాపిక్సెల్ మాక్రో కెమెరా కూడా ఉన్నాయి. సెల్ఫీలు, వీడియో కాల్స్ కోసం ముందువైపు 13 మెగాపిక్సెల్ కెమెరాను అందించారు.

డ్యూయల్ స్పీకర్లు, హైరిజల్యూషన్ ఆడియో వంటి ఫీచర్లు కూడా ఇందులో ఉన్నాయి. 4జీ, వైఫై, జీపీఎస్, ఐఆర్ బ్లాస్టర్, ఎన్ఎఫ్‌సీ, 3.5 ఎంఎం ఆడియో జాక్, బ్లూటూత్ వీ5 వంటి కనెక్టివిటీ ఫీచర్లు ఇందులో ఉన్నాయి. దీని మందం 0.82 సెంటీమీటర్లుగానూ, బరువు 178.8 గ్రాములుగానూ ఉంది.