Redmi 10 Prime+ 5G: రెడ్‌మీ కొత్త బడ్జెట్ 5జీ ఫోన్ వచ్చేస్తుంది - ధర రూ.13 వేలలోపే?

భారత దేశ నంబర్ వన్ స్మార్ట్ ఫోన్ బ్రాండ్ రెడ్‌మీ మనదేశంలో చవకైన 5జీ ఫోన్ లాంచ్ చేయనుందని వార్తలు వస్తున్నాయి. అదే రెడ్‌మీ 10 ప్రైమ్ ప్లస్ 5జీ.

రెడ్‌మీ 10 ప్రైమ్ ప్లస్ 5జీ బడ్జెట్ రేంజ్‌లో మనదేశంలో లాంచ్ కానుందని తెలుస్తోంది.

షియోమీ ప్రస్తుతం బడ్జెట్ 5జీ స్మార్ట్ ఫోన్‌పై పనిచేస్తున్నట్లు తెలుస్తోంది. రెడ్‌మీ 10 సిరీస్‌లో రానున్న ఈ ఫోన్‌కు రెడ్‌మీ 10 ప్రైమ్ ప్లస్ 5జీ అనే పేరు పెట్టినట్లు వార్తలు వస్తున్నాయి. ఈ ఫోన్‌కు సంబందించిన స్పెసిఫికేషన్లు కూడా ఆన్‌లైన్‌లో లీకయ్యాయి. కాబట్టి దీని లాంచ్ కూడా త్వరలోనే ఉందని అనుకోవచ్చు. ఈ ఫోన్ మనదేశంలో కూడా లాంచ్ కానుంది. ఫీచర్లను బట్టి దీని ధర రూ.13 వేలలోపే ఉండనుందని అంచనా వేయవచ్చు

గతంలోనే ఈ ఫోన్ ఇండియన్ బీఐఎస్ సర్టిఫికేషన్ వెబ్ సైట్లో కనిపించింది. 22041219I మోడల్ నంబర్‌తో ఈ ఫోన్ ఆన్‌లైన్‌లో కనిపించింది. ఈ సంవత్సరం ప్రారంభంలో చైనాలో లాంచ్ అయిన రెడ్‌మీ నోట్ 11ఈ అనే స్మార్ట్ ఫోన్‌కు ఇండియన్ వెర్షన్‌గా ఈ ఫోన్ లాంచ్ కానుందని తెలుస్తోంది. అంటే రెండిటి స్పెసిఫికేషన్లు దాదాపు ఒకేలా ఉండనున్నాయన్న మాట.

రెడ్‌మీ నోట్ 11ఈ స్పెసిఫికేషన్లు
ఆండ్రాయిడ్ 11 ఆధారిత ఎంఐయూఐ 13 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.58 అంగుళాల ఫుల్ హెచ్‌డీ+ డిస్‌ప్లేను అందించారు. దీని యాస్పెక్ట్ రేషియో 20:9గానూ, స్క్రీన్ రిఫ్రెష్ రేట్ 120 హెర్ట్జ్‌గానూ ఉంది. 6 జీబీ వరకు ర్యామ్, 128 జీబీ వరకు స్టోరేజ్ ఇందులో ఉంది.

5000 ఎంఏహెచ్ బ్యాటరీని ఈ స్మార్ట్ ఫోన్‌లో అందించారు. 18W ఫాస్ట్ చార్జింగ్‌ను ఇది సపోర్ట్ చేయనుంది. మీడియాటెక్ డైమెన్సిటీ 700 ప్రాసెసర్‌పై ఈ ఫోన్ పనిచేయనుంది. 5జీ, 4జీ ఎల్టీఈ, వైఫై, బ్లూటూత్ వీ5.1, జీపీఎస్/ఏ-జీపీఎస్, 3.5 ఎంఎం హెడ్ ఫోన్ జాక్ కూడా ఇందులో ఉన్నాయి.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 2 మెగాపిక్సెల్ పొర్‌ట్రెయిట్ షూటర్ కూడా ఉంది. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరాను అందించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Techarea (@techarea.in)