Oppo Reno 8Z: ఫుల్ హెచ్‌డీ డిస్‌ప్లేతో ఒప్పో కొత్త ఫోన్ - ధర ఎంతో చూశారా?

ఒప్పో రెనో సిరీస్‌లో కొత్త ఫోన్ మార్కెట్లోకి ఎంట్రీ ఇచ్చింది. అదే ఒప్పో రెనో 8జెడ్.

ఒప్పో రెనో 8జెడ్ స్మార్ట్ ఫోన్ మార్కెట్లో లాంచ్ అయింది.

ఒప్పో రెనో 8జెడ్ స్మార్ట్ ఫోన్ థాయ్‌ల్యాండ్‌లో లాంచ్ అయింది. ఇందులో క్వాల్‌కాం స్నాప్‌డ్రాగన్ 695 ప్రాసెసర్‌ను అందించారు. ఒప్పో గతంలో లాంచ్ చేసిన స్మార్ట్ ఫోన్ల తరహాలోనే దీని డిజైన్ కూడా ఉంది. దీని బ్యాటరీ సామర్థ్యం 4500 ఎంఏహెచ్ కాగా, 33W సూపర్ వూక్ చార్జింగ్‌ను ఇది సపోర్ట్ చేయనుంది.

ఒప్పో రెనో 8జెడ్ ధర
దీని ధరను 12,990 థాయ్‌ల్యాండ్ బాత్‌లుగా (సుమారు రూ.28,600) నిర్ణయించారు. ఇందులో కేవలం 8 జీబీ ర్యామ్ + 128 జీబీ స్టోరేజ్ మోడల్ మాత్రమే అందుబాటులో ఉంది. డాన్‌లైట్ గోల్డ్, స్టార్‌లైట్ బ్లాక్ కలర్ ఆప్షన్లలో దీన్ని కొనుగోలు చేయవచ్చు. ఈ ఫోన్ త్వరలోనే మనదేశంలో లాంచ్ అయ్యే అవకాశం ఉంది.

ఒప్పో రెనో 8జెడ్ స్పెసిఫికేషన్లు, ఫీచర్లు
ఇందులో 6.43 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించారు. దీని స్క్రీన్ రిజల్యూషన్ 1080×2400 పిక్సెల్స్‌గా ఉంది. దీని యాస్పెక్ట్ రేషియో 20:9గా ఉండగా, స్క్రీన్ రిఫ్రెష్ రేట్ 60 హెర్ట్జ్‌గానూ, టచ్ శాంప్లింగ్ రేట్ 180 హెర్ట్జ్‌గానూ ఉంది.

క్వాల్‌కాం స్నాప్‌డ్రాగన్ 695 ప్రాసెసర్‌పై ఈ ఫోన్ పనిచేయనుంది. 8 జీబీ ర్యామ్, 128 జీబీ స్టోరేజ్ కూడా ఇందులో ఉన్నాయి. ర్యామ్‌ను వర్చువల్‌గా మరో 5 జీబీ పెంచుకోవచ్చు. అలాగే మైక్రో ఎస్‌డీ కార్డు ద్వారా స్టోరేజ్‌ను 1 టీబీ వరకు పెంచుకునే అవకాశం ఉంది.

ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా, దీంతోపాటు 2 మెగాపిక్సెల్ మోనో షూటర్, 2 మెగాపిక్సెల్ బొకే మాక్రో షూటర్లు అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా ఉంది.

ఆండ్రాయిడ్ 12 ఆధారిత కలర్ఓఎస్ 12.1 ఆపరేటింగ్ సిస్టంపై ఈ ఫోన్ పనిచేయనుంది. దీని బ్యాటరీ సామర్థ్యం 4500 ఎంఏహెచ్ కాగా, 33W ఫాస్ట్ చార్జింగ్‌ను ఇది సపోర్ట్ చేయనుంది. 5జీ, 4జీ ఎల్టీఈ, వైఫై, బ్లూటూత్ వీ5.1, జీపీఎస్, ఏ-జీపీఎస్, యూఎస్‌బీ టైప్-సీ, 3.5 ఎంఎం హెడ్ ఫోన్ వంటి కనెక్టివిటీ ఫీచర్లు కూడా ఉన్నాయి.