iQoo U5e: సైలెంట్గా కొత్త బడ్జెట్ 5జీ ఫోన్ లాంచ్ చేసిన ఐకూ - ఫీచర్లు ఎలా ఉన్నాయో చూశారా?
ప్రముఖ స్మార్ట్ ఫోన్ బ్రాండ్ ఐకూ తన కొత్త 5జీ ఫోన్ చైనాలో లాంచ్ చేసింది. అదే ఐకూ యూ5ఈ.
ఐకూ కొత్త స్మార్ట్ ఫోన్ చైనాలో లాంచ్ అయింది. అదే ఐకూ యూ5ఈ. ఈ ఫోన్ వివో చైనా అధికారిక స్టోర్లోకి సైలెంట్గా ఎంట్రీ ఇచ్చింది. ఇందులో 6.51 అంగుళాల హెచ్డీ+ ఎల్సీడీ డిస్ప్లేను అందించారు. వాటర్ డ్రాప్ తరహా నాచ్ కూడా ఇందులో ఉంది. దీని బ్యాటరీ సామర్థ్యం 5000 ఎంఏహెచ్ కాగా... 18W ఫాస్ట్ చార్జింగ్ను ఈ ఫోన్ సపోర్ట్ చేయనుంది.
ఐకూ యూ5ఈ ధర
ఈ ఫోన్ వివో చైనా అధికారిక స్టోర్లో అందుబాటులో ఉంది. ఇందులో రెండు వేరియంట్లు లాంచ్ అయ్యాయి. వీటిలో ప్రారంభ వేరియంట్ అయిన 4 జీబీ ర్యామ్ + 128 జీబీ స్టోరేజ్ వేరియంట్ ధర 1,399 యువాన్లుగా (సుమారు రూ.16,000) నిర్ణయించారు. ఇక 6 జీబీ ర్యామ్ + 128 జీబీ స్టోరేజ్ వేరియంట్ ధర 1,499 యువాన్లుగా (సుమారు రూ.18,000) ఉంది. డార్క్ బ్లాక్, సిల్వర్ వైట్ రంగుల్లో ఈ ఫోన్ కొనుగోలు చేయవచ్చు.
ఐకూ యూ5ఈ స్పెసిఫికేషన్లు
ఇందులో 6.51 అంగుళాల ఎల్సీడీ స్క్రీన్ను అందించారు. దీని స్క్రీన్ రిజల్యూషన్ హెచ్డీ+ కాగా... రిఫ్రెష్ రేట్ 60 హెర్ట్జ్గా ఉంది. ఆక్టాకోర్ డైమెన్సిటీ 700 ప్రాసెసర్పై ఈ ఫోన్ పనిచేయనుంది. 6 జీబీ వరకు ఎల్పీడీడీఆర్4 ర్యామ్, 128 జీబీ వరకు యూఎఫ్ఎస్ 2.1 స్టోరేజ్ కూడా ఇందులో ఉంది. స్టోరేజ్ను మైక్రో ఎస్డీ కార్డు ద్వారా 1 టీబీ వరకు పెంచుకోవచ్చు. ఈ ఫోన్ 5జీని కూడా సపోర్ట్ చేయనుంది.
దీని బ్యాటరీ సామర్థ్యం 5000 ఎంఏహెచ్గా ఉంది. 18W ఫ్లాష్ చార్జ్ టెక్నాలజీని ఇది సపోర్ట్ చేయనుంది. ఆండ్రాయిడ్ 12 ఆధారిత ఆరిజిన్ఓఎస్ ఓషన్ ఆపరేటింగ్ సిస్టంపై ఈ ఫోన్ పనిచేయనుంది. ఫోన్ పక్కభాగంలో ఫింగర్ ప్రింట్ సెన్సార్ను అందించారు.
ఇక కెమెరాల విషయానికి వస్తే... వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా... దీంతోపాటు 2 మెగాపిక్సెల్ మాక్రో లెన్స్ కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు. ఈ ఫోన్ మందం 0.82 సెంటీమీటర్లు కాగా... బరువు 193 గ్రాములుగా ఉంది.
Also Read: వన్ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్మీ - ఎలా ఉందో చూశారా!
View this post on Instagram
టాప్ హెడ్ లైన్స్
ట్రెండింగ్ వార్తలు
