Infinix Hot 20 5G: ఇన్‌ఫీనిక్స్ హాట్ 20 సేల్ ప్రారంభం - రూ.12 వేలలోపే 5జీ ఫోన్ - శాంసంగ్, వివోలతో పోటీ!
ప్రముఖ స్మార్ట్ ఫోన్ బ్రాండ్ ఇన్‌ఫీనిక్స్ ఇటీవలే లాంచ్ చేసిన హాట్ 20 5జీ సేల్ ప్రారంభం అయింది.
ఇన్‌ఫీనిక్స్ హాట్ 20 5జీ స్మార్ట్ ఫోన్ మనదేశంలో గత వారం లాంచ్ అయింది. ఇప్పుడు దీనికి సంబంధించిన సేల్ ప్రారంభం అయింది. ఈ ఎంట్రీ లెవల్ 5జీ ఫోన్‌లో మీడియాటెక్ డైమెన్సిటీ 810 ప్రాసెసర్‌ను అందించారు. 4 జీబీ ఎల్పీడీడీఆర్4ఎక్స్ ర్యామ్ కూడా ఈ ఫోన్‌లో ఉంది. మనదేశంలో ప్రస్తుతం అందుబాటులో ఉన్న చవకైన 5జీ ఫోన్ ఇదే. శాంసంగ్ గెలాక్సీ ఎఫ్13 5జీ, వివో టీ1 5జీలతో ఈ ఫోన్ పోటీ పడనుంది.
ఇందులో కేవలం ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 64 జీబీ స్టోరేజ్‌తో వచ్చిన ఈ వేరియంట్ ధర రూ.11,999గా ఉంది. స్పేస్ బ్లూ, బ్లాస్టర్ గ్రీన్, రేసింగ్ బ్లాక్ రంగుల్లో ఈ ఫోన్ కొనుగోలు చేయవచ్చు. ఫ్లిప్‌కార్ట్‌లో దీన్ని కొనుగోలు చేయవచ్చు.
ఇన్‌ఫీనిక్స్ హాట్ 20 5జీ స్పెసిఫికేషన్లు, ఫీచర్లు
ఇందులో 6.6 అంగుళాల ఫుల్ హెచ్‌డీ+ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్ కాగా, టచ్ శాంప్లింగ్ రేట్ 180 హెర్ట్జ్‌గా ఉంది. మీడియాటెక్ డైమెన్సిటీ 810 ప్రాసెసర్‌పై ఈ ఫోన్ పని చేయనుంది. 4 జీబీ ఎల్పీడీడీఆర్4ఎక్స్ ర్యామ్ ఉంది. మెమ్‌ఫ్యూజన్ ర్యామ్ ఫీచర్ ద్వారా 7 జీబీ వరకు ర్యామ్‌ను పెంచుకోవచ్చు.
ఇక కెమెరాల విషయానికి వస్తే... ఫోన్ వెనకవైపు 50 మెగాపిక్సెల్ ఏఐ డ్యూయల్ కెమెరాను అందించారు. డ్యూయల్ ఎల్ఈడీ ఫ్లాష్ కూడా ఉంది. ముందువైపు 8 మెగాపిక్సెల్ సెల్ఫీ కెమెరా కూడా ఉంది. ఆండ్రాయిడ్ 12 ఆధారిత ఎక్స్ఓఎస్ 10.6 ఆపరేటింగ్ సిస్టంపై ఈ ఫోన్ పని చేయనుంది. వైఫై 802.11 ఏ/బీ/జీ/ఎన్/ఏసీ, బ్లూటూత్ వీ5.0 సపోర్ట్ కూడా ఉన్నాయి.
దీని బ్యాటరీ సామర్థ్యం 5000 ఎంఏహెచ్ కాగా, 125 గంటల మ్యూజిక్ ప్లేబ్యాక్ టైంను అందించనున్నాయి. 18W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. దీని మందం 0.89 సెంటీమీటర్లు కాగా, బరువు 204 గ్రాములుగా ఉంది. ఫింగర్ ప్రింట్ సెన్సార్‌ను ఫోన్ పక్కభాగంలో అందించనున్నారు.
Also Read: ఐఫోన్ 14 సిరీస్ వ‌చ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
