Apple Event 2023 LIVE: ముగిసిన యాపిల్ ఈవెంట్ - ఐఫోన్ 15 సిరీస్ ధర ఎంత?

Apple Event 2023 LIVE Updates: 2023 యాపిల్ ఈవెంట్ లైవ్ లాంచ్ అప్‌డేట్స్

Background

యాపిల్ ‘వాండర్‌లస్ట్’ లాంచ్ ఈవెంట్ భారతీయ కాలమానం ప్రకారం నేడు (మంగళవారం) రాత్రి 10:30 గంటలకు ప్రారంభం కానుంది. ఈ విషయాన్ని కంపెనీ ఇప్పటికే కన్ఫర్మ్ చేసింది. అయితే ఏం లాంచ్ కానున్నాయో మాత్రం సీక్రెట్‌గానే ఉంచింది. కానీ గత కొంతకాలంగా దీనికి సంబంధించిన వార్తలు మాత్రం వస్తూనే ఉన్నాయి. ఐఫోన్ 15 సిరీస్, కొత్త యాపిల్ వాచ్, యాపిల్ వాచ్ అల్ట్రా మోడల్స్ ఈ ఈవెంట్లో లాంచ్ కానున్నాయని తెలుస్తోంది. దీంతోపాటు ఐవోఎస్ 17 రిలీజ్ డేట్‌ను కూడా కంపెనీ అధికారికంగా వెల్లడించనుంది.

యాపిల్ ‘వాండర్‌లస్ట్’ ఈవెంట్ లైవ్ ఎక్కడ చూడవచ్చు?
ఈ కార్యక్రమం కాలిఫోర్నియాలోని యాపిల్ పార్క్‌లో జరగనుంది. భారత కాలమానం ప్రకారం మంగళవారం రాత్రి 10:30 గంటలకు ఈవెంట్ ప్రారంభం కానుంది. యాపిల్ అధికారిక యూట్యూబ్ ఛానెల్, యాపిల్.కామ్ వెబ్ సైట్లో దీన్ని లైవ్ చూడవచ్చు. యాపిల్ టీవీ ప్లస్, యాపిల్ డెవలపర్ యాప్స్‌లో కూడా ఈ ఈవెంట్‌ను స్ట్రీమ్ చేయవచ్చు.

యాపిల్ ‘వాండర్‌లస్ట్’ ఈవెంట్లో ఏం డివైస్‌లు లాంచ్ కానున్నాయి?
యాపిల్ ఈవెంట్లో ఐఫోన్ 15 సిరీస్ లాంచ్ కానున్నాయి. వీటిలో ఐఫోన్ 15, ఐఫోన్ 15 ప్రో, ఐఫోన్ 15 ప్లస్, ఐఫోన్ 15 ప్రో మ్యాక్స్ స్మార్ట్ ఫోన్లు ఉండనున్నాయని అందరికీ తెలిసిందే ఈ సిరీస్‌లో ఉన్న ఫోన్లలో కొత్త అప్‌డేటెడ్ ప్రాసెసర్లు అందించనున్నారు. యూఎస్‌బీ టైప్-సీ పోర్టుతో ఈ కొత్త ఫోన్లు మార్కెట్లోకి రానున్నాయి.

ఐఫోన్ 15 సిరీస్ ధరలు కూడా ఇప్పటికే ఆన్‌లైన్‌లో లీకయ్యాయి. ఈ లీకైన వివరాల ప్రకారం ఐఫోన్ 15 రేటులో పెద్దగా మార్పులు ఉండకపోవచ్చు. ఈ ఫోన్ ప్రారంభ మోడల్ ధర 799 డాలర్లుగా ఉండవచ్చని తెలుస్తోంది. దీన్ని బట్టి ఈ ఫోన్ ధర మనదేశంలో రూ.79,900 నుంచి ప్రారంభం కావచ్చు. ఐఫోన్ 13, ఐఫోన్ 14 కూడా మనదేశంలో ఇదే ధరతో లాంచ్ అయ్యాయి. ఐఫోన్ 15 ప్లస్ ధరను కూడా యాపిల్ పెంచడం లేదని వార్తలు వస్తున్నాయి. ఈ ఫోన్ 899 డాలర్లతో అమెరికాలో లాంచ్ కానుందని తెలుస్తోంది. మనదేశంలో రూ.89,900 ధరతో ఎంట్రీ ఇవ్వవచ్చు. ఐఫోన్ 14 ప్లస్ ప్రారంభ వేరియంట్ కూడా ఇదే ధరతో మనదేశంలో లాంచ్ అయింది.

ఐఫోన్ 15 ప్రో ధర భారీగా పెరిగే అవకాశం ఉందని తెలుస్తోంది. ఐఫోన్ 14 ప్రో అమెరికాలో 999 డాలర్ల ధరతో లాంచ్ అయింది. ఇప్పుడు 1,099 డాలర్ల ధరతో ఎంట్రీ ఇవ్వనుందని తెలుస్తోంది. ఐఫోన్ 14 ప్రో మనదేశంలో గతేడాది రూ.1,29,900 ధరతో లాంచ్ అయింది. మనదేశంలో ఈ ఫోన్ ధర రూ.1,39,900 నుంచి మొదలయ్యే అవకాశం ఉంది. ఇది ప్రారంభ స్టోరేజ్ మోడల్ ధర. స్టోరేజ్ పెరిగే కొద్దీ ధర కూడా పెరుగుతుంది. ఐఫోన్ 14 ప్రో మ్యాక్స్ 1,099 డాలర్ల ధరతో లాంచ్ అయింది. కానీ ఐఫోన్ 15 ప్రో మ్యాక్స్ 1,299 డాలర్ల ధరతో మార్కెట్లోకి ఎంట్రీ ఇవ్వనుందని వార్తలు వస్తున్నాయి. డాలర్లలో చూసుకుంటే 200 డాలర్ల మార్పు ఉండనుంది. ఐఫోన్ 14 ప్రో మ్యాక్స్ లాంచ్ అయినప్పుడు దాని ధర మనదేశంలో రూ.1,39,900గా ఉంది. దీన్ని బట్టి చూస్తే ఇప్పుడు ఐఫోన్ 15 ప్రో మ్యాక్స్ ధర ఏకంగా రూ.20 వేల పెంపుతో రూ.1,59,900 ధరతో లాంచ్ అయ్యేలా ఉంది. దీన్ని బట్టి చూసుకుంటే టాప్ ఎండ్ 1 టీబీ వేరియంట్ ధర రూ.2 లక్షలు దాటినా మనం ఆశ్చర్యపోనక్కర్లేదు.

23:55 PM (IST)  •  12 Sep 2023

ఐఫోన్ 15 ప్రో సిరీస్ ధర ఇలా...

ఐఫోన్ 15 ప్రో ధర 999 డాలర్ల (మనదేశ కరెన్సీలో సుమారు రూ.82,800) నుంచి ప్రారంభం కానుంది. ఇక ఐఫోన్ 15 ప్రో మ్యాక్స్ ధర 1199 డాలర్ల (మనదేశ కరెన్సీలో సుమారు రూ.99,300) నుంచి కొనుగోలు చేయవచ్చు. ఐఫోన్ 15 ప్రో మ్యాక్స్ స్టోరేజ్ 256 జీబీ నుంచి ప్రారంభం కానుంది.

23:51 PM (IST)  •  12 Sep 2023

వావ్ అనిపించే టెలిఫొటో కెమెరా

ఐఫోన్ 15 ప్రోలో 48 మెగాపిక్సెల్ కెమెరాను ప్రధాన సెన్సార్‌గా అందించారు. 12 మెగాపిక్సెల్ అల్ట్రా వైడ్ యాంగిల్ కెమెరా, 12 మెగాపిక్సెల్ 3x టెలిఫొటో కెమెరాను అందించారు. ఐఫోన్ 15 ప్రో మ్యాక్స్‌లో 48 మెగాపిక్సెల్ కెమెరా, 12 మెగాపిక్సెల్ అల్ట్రా వైడ్ యాంగిల్ లెన్స్‌తో పాటు 5x జూమ్ ఫీచర్ అందుబాటులో ఉన్న 12 మెగాపిక్సెల్ టెలిఫొటో కెమెరా ఉంది.

23:44 PM (IST)  •  12 Sep 2023

మోస్ట్ పవర్‌ఫుల్ ప్రాసెసర్‌తో...

ఐఫోన్ 15 ప్రో, ఐఫోన్ 15 ప్రో మ్యాక్స్‌ల్లో యాపిల్ బయోనిక్ ఏ17 ప్రో ప్రాసెసర్‌ను అందించారు. యాపిల్ ఇంతవరకు రూపొందించిన పవర్‌ఫుల్ ప్రాసెసర్ ఇదే.

23:40 PM (IST)  •  12 Sep 2023

మ్యూబ్ బటన్ పాయే... యాక్షన్ బటన్ వచ్చే...

యాపిల్ ఫోన్లలో కనిపించే మ్యూట్ బటన్‌ను కూడా కంపెనీ తీసేసింది. ఇందులో కొత్త యాక్షన్ బటన్ ఉండనుంది. దీని ద్వారా ఎన్నో ఉపయోగాలు ఉన్నాయి. వాయిస్ రికార్డింగ్‌ను కూడా ఈ బటన్‌తో ప్రారంభించవచ్చు.

23:33 PM (IST)  •  12 Sep 2023

ఐఫోన్ 15, ఐఫోన్ 15 ప్రో ఎంట్రీ

నాసా మార్స్ రోవర్‌లో ఉపయోగించిన గ్రేడ్ 5 టైటానియం ఛాసిస్‌ను ఐఫోన్ 15 ప్రోలో ఉపయోగించారు. ఐఫోన్ 15 ప్రోలో 6.1 అంగుళాల డిస్‌ప్లే, ఐఫోన్ 15 ప్రో మ్యాక్స్‌లో 6.7 అంగుళాల డిస్‌ప్లే అందుబాటులో ఉంది.