HDD లేదా SDD లలో తేడా ఏంటి? మార్చడానికి ముందు ఇది తెలుసుకుంటే బెటర్

HDDలు పాత తరహా స్టోరేజ్ పరికరాలుగా ఉన్నాయి. కంప్యూటర్లలో చాలా కాలం నుంచి ఇవి వాడుకలో ఉన్నాయి. అయితే SSD స్టోరేజీ డివైజ్ ద్వారా పనితీరు వేగంగా ఉంటుంది.

స్టోరేజీ కోసం ఏది బెస్ట్

Source : Pixabay

Show Quick Read

Key points generated by AI, verified by newsroom

• HDD పాత సాంకేతికత, మెకానికల్ భాగాలతో నెమ్మదిగా పనిచేస్తుంది.
• SSD కొత్త సాంకేతికత, ఫ్లాష్ మెమరీతో చాలా వేగంగా పనిచేస్తుంది.
• SSD మన్నికైనది, తక్కువ విద్యుత్ వినియోగంతో బ్యాటరీ జీవితాన్ని పెంచుతుంది.
• వేగం కోసం SSD, ఎక్కువ నిల్వ కోసం HDD మంచి ఎంపిక.

HDD Vs SDD | ల్యాప్‌టాప్‌లు, కంప్యూటర్‌ల వేగాన్ని తెలుసుకుని మరీ ప్రజలు వాటిని కొనుగోలు చేస్తున్నారు. ఒకవేళ మీ సిస్టమ్ నెమ్మదిగా వర్క్ చేస్తుంటే, మొదట స్టోరేజీ మార్చాలని సలహా ఇస్తారు. అలాంటి పరిస్థితిలో, HDD, SSD మధ్య వ్యత్యాసం ఏంటి, ఏది మంచి ఛాయిస్  అని చాలా మందికి డౌట్ వస్తుంది. మీరు కూడా మీ పాత ల్యాప్‌టాప్ లేదా PC స్టోరేజీ మార్చాలని ఆలోచిస్తున్నట్లయితే ఈ రెండు టెక్నాలజీలను అర్థం చేసుకుంటే సరిపోతుంది. 

HDD అంటే ఏమిటి?

హార్డ్ డిస్క్ డ్రైవ్ (Hard Disk Drive) అంటే హార్డ్ డిస్క్ డ్రైవ్, ఇది చాలా సంవత్సరాలుగా కంప్యూటర్‌లలో ఉపయోగిస్తున్న పాత స్టోరేజీ డివైజ్. ఇది లోపల తిరిగే డిస్క్, మెకానికల్ భాగాలను కలిగి ఉంటుంది. దీని సహాయంతో డేటాను స్టోర్ చేసి చదవవచ్చు.

HDD అతిపెద్ద ప్రత్యేకత దాని తక్కువ ధర అని తెలిసిందే. తక్కువ బడ్జెట్‌లో ఎక్కువ నిల్వ కావాలంటే, ఇది మంచి ఎంపికగా భావిస్తారు.  అందుకే పాత ల్యాప్‌టాప్స్, డెస్క్‌టాప్‌లలో HDD ఎక్కువగా కనిపిస్తుంది.

SSD అంటే ఏమిటి.. దీనికి ఎందుకంత డిమాండ్ ?

సాలిడ్ స్టేట్ డ్రైవ్ అనేది కొత్త టెక్నాలజీపై ఆధారపడిన నిల్వ పరికరం. ఇందులో తిరిగే డిస్క్ ఉండదు. కానీ ఫ్లాష్ మెమరీ చిప్‌లలో డేటా సేవ్ అవుతుంది. ఆ కారణంగా SSD వేగం HDD కంటే చాలా రెట్లు ఎక్కువగా ఉంటుంది. కంప్యూటర్ త్వరగా ఆన్ అవవడంతో పాటు APPs వేగంగా తెరుచుకుంటాయి. ఫైల్ ట్రాన్స్‌ఫర్ చాలా వేగంగా జరుగుతుంది. గేమింగ్, వీడియో ఎడిటింగ్, మల్టీ టాస్కింగ్ చేసే వ్యక్తులు ఈ రోజుల్లో SSDని ఎక్కువగా లైక్ చేస్తారు. 

HDD, SSD మధ్య వ్యత్యాసం

ఈ 2 స్టోరేజీ పరికరాలు డేటాను సేవ్ చేయడానికి పని చేస్తాయి. కాని పని చేసే విధానం భిన్నంగా ఉంటుంది. HDD యాంత్రిక వ్యవస్థపై ఆధారపడి ఉండగా, SSD ఎలక్ట్రానిక్ చిప్‌ల ద్వారా వర్క్ చేస్తుంది. వేగం విషయానికి వస్తే, SSD చాలా వేగంగా పనిచేస్తుంది. HDD రీడ్-రైట్ వేగం తక్కువగా ఉండటం వల్ల సిస్టమ్ కొన్నిసార్లు స్లో అనిపిస్తుంది. దీంతో పాటు, SSD తక్కువ పవర్ వినియోగిస్తుంది. దీనివల్ల ల్యాప్‌టాప్ బ్యాటరీ లైఫ్ కూడా మెరుగ్గా ఉంటుంది.

ఏది ఎక్కువ మన్నిక

HDDలో కదిలే భాగాలు ఉంటాయి కనుక పడిపోవడం లేదా షాక్ తగలడం వల్ల దెబ్బతినే ప్రమాదం ఎక్కువ. మరోవైపు, SSDలో ఎలాంటి యాంత్రిక భాగం ఉండదు. ఇది మరింత సురక్షితమైనది, మన్నికైనది. అయినప్పటికీ, ఎక్కువ కాలం పాటు భారీ డేటాను రాయడం వలన SSD లైఫ్ టైం కూడా నెమ్మదిగా తగ్గుతుంది. కాని ఇది చాలా సంవత్సరాలు నడుస్తుంది.

స్టోరేజీ మార్చే ముందు ఏం గుర్తుంచుకోవాలి?

మీ ల్యాప్‌టాప్ చాలా నెమ్మదిగా ఉంటే SSDకి అప్‌గ్రేడ్ చేయాలి. కానీ మార్చే ముందు, మీ సిస్టమ్ SATA SSD లేదా NVMe SSDకి సపోర్ట్ ఇస్తుందో లేదో చెక్ చేయండి. దీనితో పాటు, బడ్జెట్, అవసరాన్ని కూడా గుర్తుంచుకోండి. తక్కువ ధరలో ఎక్కువ స్టోరేజీ కావాలంటే, HDD సరైనది. కాని వేగవంతమైన పనితీరు కోసం SSD మంచి ఎంపిక. 

మీరు ఫోటోలు, వీడియోలు, డాక్యుమెంట్స్ మాత్రమే స్టోర్ చేయాలనుకుంటే, HDD మీకు సరిపోతుంది. మీకు వేగం, సాఫ్ట్ వర్కింగ్, మంచి అనుభవం కావాలంటే, SSD తీసుకోవాలి. చాలా కొత్త ల్యాప్‌టాప్‌లు SSDతో వస్తున్నాయి, ఇది సిస్టమ్ పనితీరును మెరుగుపరుస్తుంది.

 

మరిన్ని చదవండి

కొత్త ఆన్‌లైన్ గేమింగ్ రూల్స్.. మీరు కూడా గేమర్ అయితే ఈ విషయాలు తెలుసుకోండి

OpenAI సంచలనం.. ఏ యాప్స్ అవసరం లేకుండా స్మార్ట్‌ఫోన్ - అది ఎలా పనిచేస్తుందంటే..!