OpenAI సంచలనం.. ఏ యాప్స్ అవసరం లేకుండా స్మార్ట్ఫోన్ - అది ఎలా పనిచేస్తుందంటే..!
OpenAI AI Smartphone: OpenAI కొత్త ఫోన్ మీద వర్క్ చేస్తోంది. ఈ కొత్త మొబైల్ యాప్లు లేకుండా AI ఏజెంట్స్తో మీ అవసరాలు తీర్చుతుంది. దాంతో మీరు ఏ యాప్స్ లేకుండా ఫోన్ను వినియోగించవచ్చు.
OpenAI AI Agent Smartphone | ప్రస్తుతం చాలా రంగాల్లో ఆర్టిఫీషియల్ ఇంటెలిజెన్స్ (AI) వినియోగిస్తున్నారు. ఓపెన్ ఏఐ ద్వారా కొందరి జాబ్ తేలిక కాగా, కొన్ని రంగాల్లో జాబ్స్ పోతున్నాయి. మరికొన్ని సంవత్సరాలలో మొబైల్ యాప్ల అవసరం లేకుండా టెక్నాలజీ వస్తుందని నిపుణులు చెబుతున్నారు. ChatGPTని తయారు చేసిన OpenAI సంస్థ భవిష్యత్తులో ఎలాంటి యాప్ల అవసరం లేకుండా కేవలం AI ఏజెంట్లతో పనిచేసే స్మార్ట్ఫోన్పై ప్రస్తుతం వర్క్ చేస్తోంది. ఇది కనుక అందుబాటులోకి వస్తే మన మొబైల్ యూజర్స్ ఎక్స్పీరియన్స్ను పూర్తిగా మార్చేస్తుంది. OpenAIతో పాటు యాపిల్ మాజీ డిజైన్ చీఫ్ Jony Ive కూడా ఈ ఫోన్ తేవడంలో పని చేస్తున్నారని సమాచారం. OpenAI ఈ ఫోన్ కోసం ఏం ప్లాన్ చేస్తోంది, యాప్లు లేకుండా ఇది ఎలా పని చేస్తుందో కొన్ని విషయాలు ఇక్కడ తెలుసుకోండి.
స్మార్ట్ఫోన్ గురించి OpenAI ప్లానింగ్
Apple విశ్లేషకుడు, టిప్స్టర్ మింగ్-చి కువో కొన్ని విషయాలు షేర్ చేసుకున్నారు. OpenAI నుంచి AI ఏజెంట్ ఫోన్ వివిధ యాప్లను మార్చడానికి బదులుగా వినియోగదారుల పనిని ఒకేసారి చేయడంపై ఫోకస్ చేస్తుంది. అంటే, ప్రతి పని కోసం ప్రత్యేక యాప్ను ఓపెన్ చేసేందుకు బదులుగా మీరు ఏం చేయాలో ఈ ఫోన్ అర్థం చేసుకుని స్వయంగా ఆ పనిని పూర్తి చేస్తుంది. ఈ ఫోన్ ప్రాసెసర్ కోసం, OpenAI మీడియాటెక్, క్వాల్కామ్తో చర్చిస్తోంది. లక్స్షేర్ను తయారీ భాగస్వామిగా చేర్చుకోవచ్చు అని భావిస్తున్నారు. ముఖ్యంగా 2028 నుండి ఈ ఫోన్ మార్కెట్లోకి వచ్చేలా ఉత్పత్తి ప్రారంభం కావచ్చు.
ఏ యాప్లు లేకుండా ఫోన్ ఎలా పని చేస్తుంది?
ప్రస్తుతం ఫోన్లో మెస్సేజ్లు, పేమెంట్స్, ఓటీటీ, స్పోర్ట్స్ ఇలా ఒక్కో సర్వీస్ కోసం ఒక ప్రత్యేక యాప్ ఉంది. OpenAI దీన్ని మార్చనుంది. వినియోగదారులకు యాప్లు కాదు, ఫలితాలు అవసరమని కంపెనీ AI ఏజెంట్ల సహాయం తీసుకుంటోంది. ఇవి AIతో నడిచే స్మార్ట్ సిస్టమ్లు, ఇవి రియల్ టైమ్లో ఆయా సందర్భాన్ని అనుసరించి, కస్టమర్ ప్రవర్తన, అవసరాలను అర్థం చేసుకుని పని చేస్తాయి. ఈ విధంగా, ఈ ఫోన్ ఓ పర్సనల్ అసిస్టెంట్ పాత్రను కూడా పోషిస్తుంది.
AI కంపెనీ ఈ ఫోన్ తయారు చేయడానికి కారణాలు
OpenAI చాట్బాట్తో గతంలో వార్తల్లోకి వచ్చింది. తాజాగా హార్డ్వేర్పై కూడా ఫోకస్ చేస్తోంది. ఫోన్ తయారు చేయడానికి అనేక కారణాలు ఉన్నాయి. మొదటిది ఫోన్ సహాయంతో కంపెనీ హార్డ్వేర్, సాఫ్ట్వేర్పై పూర్తి నియంత్రణను కలిగి ఉండటం. ఇది వినియోగదారులకు ఏ ఇబ్బంది లేని AI అనుభవాన్ని అందించింది. రెండవ కారణం.. ఫోన్ సహాయంతో కస్టమర్ పనులను రియల్ టైంలో ట్రాక్ చేయవచ్చు. అంటే ఆ వినియోగదారు ఎక్కడ ఉన్నాడు, ఫోన్ వినియోగ విధానం ఏమిటి.. ఫోన్లో అతని ప్రాధాన్యతలు ఏమిటి అని తెలిసిపోతుంది. AI ఏజెంట్ కోసం ఈ డేటా చాలా అవసరం. స్మార్ట్ఫోన్లు ప్రపంచంలో ఎక్కువగా ఉపయోగించే పరికరాలలో ఒకటిగా మారాయి. అలాంటి పరిస్థితిలో కొత్త యాప్స్, టెక్నిక్ క్రియేట్ చేయడానికి బదులుగా ఒకేచోట వినియోగదారులకు అప్గ్రేడ్ ఎంపికను అందించాలని కంపెనీ భావిస్తోంది.
Before You Go
Perplexity AI CEO Aravind Srinivas Biography | 30ఏళ్ల వయస్సుకే AI ప్రపంచాన్ని శాసిస్తున్న ఇండియన్ | ABP Desam
టాప్ హెడ్ లైన్స్
ట్రెండింగ్ వార్తలు
