Schedule Instagram Messages : ఇన్​స్టాగ్రామ్​లో మెసేజ్​లను షెడ్యూల్ చేసి పంపొచ్చు తెలుసా? ఇలా షెడ్యూల్ చేసేయండి

Instagram Message Scheduling : ఈ రోజుల్లో ఇన్​స్టాగ్రామ్ వాడని వారు ఉండడం చాలా తక్కువ. అయితే ఈ ఇన్​స్టాలో మెసేజ్​లను షెడ్యూల్​ చేసి పంపొచ్చని మీకు తెలుసా? తెలియకుంటే ఇది చూసేయండి.

ఇన్​స్టాలో ఇలా మెసేజ్ షెడ్యూల్ చేయండి (Image Source : Envato)

Source : Envato

Schedule Instagram Messages Step by Step : ఇన్​స్టాగ్రామ్​ రీల్స్ అనేది ఈ రోజుల్లో చాలామందికి అడిక్షన్​లా మారింది. అయితే రీల్స్ చూస్తూ.. ఇన్​స్టాలో గంటల కొద్ది టైమ్ స్పెండ్ చేసినా.. కొన్ని సెట్టింగ్స్ గురించి అందరికీ తెలీదు. అలా తెలియని వాటిలో మెసేజ్ షెడ్యూలింగ్ కూడా ఒకటి. అవును ఇన్​స్టాలో కూడా మెసేజ్​లను షెడ్యూల్ చేసి పంపవచ్చు. ఇన్​స్టాను బిజినెస్ పర్పస్ ఉపయోగించేవారికి, ఇన్​ఫ్లూయెన్సర్స్​కి బాగా హెల్ప్ అవుతుంది. దీనిని ప్రతి యూజర్ వినియోగించుకోవచ్చు. 

బిజినెస్​ని డెవలెప్ చేసుకోవడానికి.. సమాచారాన్ని షేర్ చేయడానికి.. గ్రీటింగ్స్ చెప్పడానికి, రిమైండర్స్, అప్​డేట్స్​ను పంపేందుకు.. ఆ సమయంలో మీరు అందుబాటులో లేకున్నా.. అవతలి వ్యక్తి మెసేజ్​ సకాలంలో డెలివరీ అయ్యేలా షెడ్యూల్ చేయొచ్చు. షెడ్యూల్ డైరక్ట్ మెసేజెస్ ఫీచర్​ ద్వారా మెసేజ్​ని కంపోజ్ చేసి.. ఏ టైమ్​కి పంపాలో సెట్ చేస్తే.. చాలు. మీరు ఆ సమయంలో ఆన్​లైన్​లో ఉండాల్సిన అవసరం కూడా లేకున్నా ఎలాంటి ఇబ్బంది ఉండదు. మరి ఇన్​స్టాగ్రామ్​లో ఈ ఫీచర్​ని ఎలా ఉపయోగించాలో ఇప్పుడు చూసేద్దాం. 

ఇలా షెడ్యూల్ చేయండి.. 

• ముందుగా మీ మొబైల్​లో Instagram ఓపెన్ చేసి, లాగిన్ అవ్వాలి.
• మెసేజ్​ ఇన్​బాక్స్​ కోసం.. హోమ్​ ఫీడ్​లో కుడివైపు పై భాగంలో ఉన్న పేపర్ ఎయిర్​ప్లేన్ సింబల్ నొక్కాలి.
• ఇన్​పుట్ బాక్స్​లో మీరు ఎవరికైతే మెసేజ్ చేయాలనుకుంటున్నారో వారి పేరు టైప్ చేసి.. మెసేజ్ బాక్స్ ఓపెన్ చేయాలి.
• మీరు పంపాలనుకున్న మెసేజ్ పూర్తిగా టైప్ చేసిన తర్వాత.. సెండ్​ బటన్​ లాంగ్ ప్రెస్ చేయండి.
• అక్కడ మీకు షెడ్యూలింగ్ మెనూ కనిపిస్తుంది.
• మీరు అక్కడ ఏ రోజు.. ఏ సమయంలో ఆ మెసేజ్ పంపాలనుకుంటున్నారో.. డిటైల్స్ ఇవ్వాలి. 
• అనంతరం దానిని కన్ఫామ్ చేయాలి. ఇలా షెడ్యూల్ చేసిన తర్వాత.. scheduled message అనే నోటిఫికేషన్ కనిపిస్తుంది.
• అంతే మీ మెసేజ్ షెడ్యూల్ అయిపోయినట్లే. ఇలా మీరు మీ ఫ్రెండ్స్​ స్పెషల్ ఈవెంట్స్​కు విష్ చేయడానికి, బిజినెస్ ప్రమోషన్స్ కోసం మెసేజ్​లు షెడ్యూల్ చేసుకోవచ్చు. 

షెడ్యూల్ చేసిన మెసేజ్ డిలేట్ చేయాలంటే.. 

కొన్నిసార్లు అవతలివారికి మెసేజ్​ పంపాలనుకుని.. తర్వాత వద్దులే అని రియలైజ్ అవుతాము. అలా షెడ్యూల్ చేసిన మెసేజ్​ను డిలేట్ చేసే ఆప్షన్ కూడా ఉంది. అప్పుడు మీరు చేయాల్సింది ఏంటంటే.. 

• మీరు షెడ్యూల్​ చేసిన వ్యక్తి చాట్​కు వెళ్లండి.
• అక్కడ షెడ్యూల్ మెసేజ్ నోటిఫికేషన్​ను క్లిక్ చేయండి. అక్కడ మీరు తొలిగించాలనుకున్న మెసేజ్​ను లాంగ్ ప్రెస్ చేయాలి.
• అప్పుడు మీరు మెసేజ్​ను డిలేట్ చేయవచ్చు. అలాగే షెడ్యూల్​ టైమ్​కి కూడా అది వెళ్లదు. 

ఈ షెడ్యూల్​ మెసేజ్​ ద్వారా ఫోటోలు, వీడియోలు పంపడం కుదరదు. కేవలం టెక్ట్స్ మెసేజ్ మాత్రమే వెళ్తుందని గుర్తించుకోవాలి. ఇతర ఏ ఫైల్స్ పంపాలన్నా మ్యానువల్​గానే పంపాల్సి ఉంటుంది.