Huawei P50e: అదిరిపోయే కెమెరాలతో వచ్చిన హువావే కొత్త ఫోన్ - ధర ఎంతంటే?

ప్రముఖ స్మార్ట్ ఫోన్ బ్రాండ్ హువావే తన కొత్త స్మార్ట్ ఫోన్ పీ50ఈని చైనాలో లాంచ్ చేసింది.

హువావే పీ50ఈ స్మార్ట్ ఫోన్ లాంచ్ అయింది.

హువావే పీ50ఈ స్మార్ట్ ఫోన్ చైనాలో లాంచ్ అయింది. గతంలో లాంచ్ అయిన హువావే పీ50 సిరీస్‌లో ఈ ఫోన్ లాంచ్ అయింది. ఇందులో 6.5 అంగుళాల ఫుల్ హెచ్‌డీ+ ఓఎల్ఈడీ డిస్‌ప్లేను అందించారు. 50 మెగాపిక్సెల్ కెమెరా, క్వాల్‌కాం స్నాప్‌డ్రాగన్ 778జీ ప్రాసెసర్‌ను ఇందులో అందించారు. దీని బ్యాటరీ సామర్థ్యం 4100 ఎంఏహెచ్‌గా ఉంది.

హువావే పీ50ఈ ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర 4,088 యువాన్లుగా (సుమారు రూ.48,900) ఉంది. టాప్ ఎండ్ వేరియంట్ అయిన 8 జీబీ ర్యామ్ + 256 జీబీ స్టోరేజ్ వేరియంట్ ధర 4,488 యువాన్లుగా (సుమారు రూ.53,600) నిర్ణయించారు. ఆబ్సీడియన్ బ్లాక్, కోకో గోల్డ్, స్నో వైట్, గెలాక్సీ బ్లూ రంగుల్లో దీన్ని కొనుగోలు చేయవచ్చు.

హువావే పీ50ఈ స్పెసిఫికేషన్లు
ఇందులో 6.5 అంగుళాల ఫుల్ హెచ్‌డీ+ ఓఎల్ఈడీ డిస్‌ప్లేను అందించారు. దీని స్క్రీన్ రిజల్యూషన్ 2700 x 1224 పిక్సెల్స్‌గా ఉండనుంది. ఫోన్ పైభాగంలో హోల్ పంచ్ కెమెరాను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గానూ, టచ్ శాంప్లింగ్ రేట్ 300 హెర్ట్జ్‌గానూ ఉంది.

8 జీబీ ర్యామ్, 256 జీబీ వరకు స్టోరేజ్ ఇందులో ఉంది. హార్మొనీ ఓఎస్ 2 ఆపరేటింగ్ సిస్టంపై ఈ ఫోన్ పనిచేయనుంది. క్వాల్‌కాం స్నాప్‌డ్రాగన్ 778జీ 4జీ ప్రాసెసర్ ఇందులో అందుబాటులో ఉంది.

ఇక కెమెరాల విషయానికి వస్తే... ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 13 మెగాపిక్సెల్ అల్ట్రా వైడ్ యాంగిల్ సెన్సార్, 12 మెగాపిక్సెల్ టెలిఫొటో లెన్స్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 13 మెగాపిక్సెల్ కెమెరాను అందించారు.

దీని బ్యాటరీ సామర్థ్యం 4100 ఎంఏహెచ్ కాగా... 66W ఫాస్ట్ చార్జింగ్‌ను ఇది సపోర్ట్ చేయనుంది. ఇన్‌డిస్‌ప్లే ఫింగర్ ప్రింట్ సెన్సార్‌ను ఇందులో అందించారు. దీని మందం 0.79 సెంటీమీటర్లు కాగా... బరువు 181 గ్రాములుగా ఉంది.