Huawei Enjoy 20e 2022: హువావే కొత్త బడ్జెట్ ఫోన్ వచ్చేసింది.. ధర రూ.16 వేలలోపే!

ప్రముఖ స్మార్ట్ ఫోన్ బ్రాండ్ హువావే తన కొత్త స్మార్ట్‌ఫోన్‌ను లాంచ్ చేసింది. అదే హువావే ఎంజాయ్ 20ఈ.

హువావే ఎంజాయ్ 20ఈ (2022) స్మార్ట్ ఫోన్ లాంచ్ అయింది.

హువావే ఎంజాయ్ 20ఈ (2022) స్మార్ట్ ఫోన్‌ను కంపెనీ లాంచ్ చేసింది. ఇందులో 6 జీబీ ర్యామ్, 128 జీబీ స్టోరేజ్‌ను అందించారు. హువావే హైసిలికాన్ కిరిన్ 710ఏ ప్రాసెసర్‌పై ఈ ఫోన్ పనిచేయనుంది. గతంలో లాంచ్ అయిన హువావే ఎంజాయ్ 20ఈలో మీడియాటెక్ హీలియో పీ35 ప్రాసెసర్‌ను అందించారు. ఇందులో వెనకవైపు రెండు కెమెరాలు అందించారు.

హువావే ఎంజాయ్ 20ఈ (2022) ధర
6 జీబీ ర్యామ్ + 128 జీబీ స్టోరేజ్‌తో వచ్చిన ఈ వేరియంట్ ధరను 1,399 యువాన్లుగా (సుమారు రూ.16,300) నిర్ణయించారు. ఈ ఫోన్ ప్రస్తుతానికి చైనాలో మాత్రమే అందుబాటులో ఉంది. మ్యాజిక్ నైట్ బ్లాక్, ఫాంటం పర్పుల్, కీజింగ్ ఫారెస్ట్ రంగుల్లో ఈ ఫోన్ కొనుగోలు చేయవచ్చు.

హువావే ఎంజాయ్ 20ఈ (2022) స్పెసిఫికేషన్లు
హార్మొనీఓఎస్ 2 ఆపరేటింగ్ సిస్టంపై ఈ స్మార్ట్ ఫోన్ పనిచేయనుంది. ఇందులో 6.3 అంగుళాల హెచ్‌డీ+ డిస్‌ప్లేను అందించారు. దీని యాస్పెక్ట్ రేషియో 20:9గా ఉంది. ఆక్టాకోర్ హైసిలికాన్ కిరిన్ 710ఏ ప్రాసెసర్‌పై ఈ ఫోన్ పనిచేయనుంది. 6 జీబీ ర్యామ్, 128 జీబీ స్టోరేజ్‌ను ఇందులో అందించారు. స్టోరేజ్‌ను మైక్రో ఎస్‌డీ కార్డు 512 జీబీ వరకు పెంచుకోవచ్చు.

ఇక కెమెరాల విషయానికి వస్తే.. ఇందులో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ సెన్సార్ కూడా అందించారు. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.

4జీ ఎల్టీఈ, వైఫై, బ్లూటూత్ వీ5.0, జీపీఎస్/ఏ-జీపీఎస్, మైక్రో యూఎస్‌బీ, 3.5 ఎంఎం హెడ్ ఫోన్ జాక్ కూడా ఇందులో అందించనున్నారు. యాక్సెలరో మీటర్, యాంబియంట్ లైట్ సెన్సార్, ప్రాక్సిమిటీ సెన్సార్‌లతో పాటు ఫోన్ వెనకవైపు ఫింగర్ ప్రింట్ సెన్సార్ కూడా ఉన్నాయి. దీని బ్యాటరీ సామర్థ్యం 5000 ఎంఏహెచ్‌గా ఉండనుంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి