Washing Machines: ఫ్రంట్ లోడ్ వర్సెస్ టాప్ లోడ్ వాషింగ్ మెషీన్లు.. ఏది బెటర్? మోటార్, వాటర్, స్పిన్ స్పీడ్ తేడాలు ఇవే!

Washing Machines: మార్కెట్లో ఉన్న ఫ్రంట్ లోడ్, టాప్ లోడ్ వాషింగ్ మెషీన్లలో ఏది బెస్ట్. బట్టల సెఫ్టీ, కరెంట్ వాడకం తేడాలేంటో తెలుసుకుందాం.

ఫ్రంట్ లోడ్ వర్సెస్ టాప్ లోడ్ వాషింగ్ మెషీన్లు.. ఏది బెటర్? మోటార్, వాటర్, స్పిన్ స్పీడ్ తేడాలు ఇవే!

Source : Twitter

Show Quick Read

Key points generated by AI, verified by newsroom

• ఫ్రంట్-లోడ్ బట్టలను పడేస్తూ, టాప్-లోడ్ అజిటేటర్/ఇంపెల్లర్‌తో శుభ్రం.
• ఫ్రంట్-లోడ్ తక్కువ నీటిని వాడగా, టాప్-లోడ్ ఎక్కువ వినియోగిస్తుంది.
• ఫ్రంట్-లోడ్ అధిక స్పిన్ తో బట్టలు త్వరగా ఆరిపోతాయి.
• టాప్-లోడ్ తక్కువ స్పిన్ తో బట్టలు ఆరడానికి సమయం పడుతుంది.

Washing Machines: మార్కెట్లో ప్రధానంగా రెండు మోడళ్ల వాషింగ్ మెషీన్లు అందుబాటులో ఉన్నాయి. అవే ఫ్రంట్-లోడ్, టాప్-లోడ్ మెషీన్లు. ఈ రెండు మోడల్స్ బట్టల నుండి మురికిని సమర్థవంతంగా తొలగిస్తాయి. కానీ వీటిలో ఉపయోగించే టెక్నాలజీ, క్లీనింగ్ పూర్తిగా భిన్నంగా ఉంటాయి. దీంతో నీటి వినియోగం, కరెంట్ వాడకం, బట్టల సెఫ్టీ, ఉతికే సమయంలో తేడాలు స్పష్టంగా కనిపిస్తాయి. మోటార్ నుండి నీటి వరకు ఈ రెండు మెషీన్లు ఎలా పనిచేస్తాయో ఇప్పుడు తెలుసుకుందాం.

డ్రమ్‌ పనితీరు 

ఫ్రంట్-లోడ్ మెషీన్: ఇందులో బట్టలను ఫ్రంట్‌లో ఉండే డోర్ ద్వారా లోపలికి వేస్తారు. డ్రమ్ తిరుగుతున్నప్పుడు బట్టలు పైకి, కిందకు తిరుగుతాయి. ఈ గ్రావిటేషనల్ డ్రాప్  వల్ల బట్టల దారాల్లోని మురికి సులభంగా తొలగిపోతుంది. దీనికి చాలా తక్కువ నీరు అవసరమవుతుంది.

టాప్-లోడ్ మెషీన్: ఈ మోడల్ మెషీన్లలో బట్టలను పై నుండి లోడ్ చేస్తారు. ఇవి మెయిన్‌గా రెండు పద్ధతుల్లో ఉంటాయి. మొదటిది 'అజిటేటర్' పద్ధతి, ఇందులో డ్రమ్ మధ్యలో ఉండే ఒక స్పిండిల్ బట్టలను తిప్పుతుంది. రెండోది 'ఇంపెల్లర్' విధానం.. ఇందులో అడుగు భాగంలో ఉండే చక్రం బట్టలు ఒకదానికొకటి రుద్దుకునేలా తిప్పుతుంది. అజిటేటర్ మెషీన్లు బట్టలపై కాస్త ఎక్కువ ఒత్తిడిని కలిగిస్తాయి.

నీటి వాడకంలో భారీ తేడా

నీటి ఆదా విషయంలో ఫ్రంట్-లోడ్ మెషీన్‌లు ఎంతో ముందున్నాయి. సాధారణంగా ఫ్రంట్-లోడ్ మెషీన్ ఒక్కో వాష్‌కు కేవలం 40 నుంచి 50 లీటర్ల నీరు అవసరం అవుతుంది. దీంతో పోలిస్తే, ఒక సంప్రదాయ టాప్-లోడ్ మెషీన్ సుమారుగా 120 నుంచి 150 లీటర్ల నీటిని పీల్చుకుంటుంది. ఇక ఇంపెల్లర్ ఉన్న టాప్-లోడ్ మెషీన్లు సుమారు 80 నుంచి 100 లీటర్ల నీటిని వాడతాయి. అయితే వాస్తవానికి ఇది మెషీన్ సామర్థ్యం, వాష్ ప్రోగ్రామ్‌ను బట్టి మారుతుంటుంది. 

స్పిన్ స్పీడ్, ఆరబెట్టడం

బట్టలను పిండే విషయంలో స్పిన్ స్పీడ్ చాలా కీలకం. ఫ్రంట్ లోడ్ మెషీన్‌ల స్పిన్ స్పీడ్ సాధారణంగా నిమిషానికి 1,400 నుంచి 1,600 ఆర్‌పీఎం వరకు ఉంటుంది. టాప్-లోడ్ మెషీన్‌లలో ఇది సుమారు 600 నుండి 800 ఆర్‌పీఎం వరకే పరిమితమై ఉంటుంది. ఫ్రంట్-లోడ్ మెషీన్లలో ఉండే అత్యధిక స్పిన్ స్పీడ్ బట్టలలోని తేమను పూర్తిగా పిండేస్తుంది. దీంతో బట్టలు చాలా తక్కువ సమయంలో ఆరిపోతాయి. మరోవైపు, కొన్ని టాప్ లోడ్ మోడల్స్ బట్టలు ఉతికే ప్రాసెస్ స్పీడుగా ముగిస్తాయి.  

మరిన్ని చదవండి

వాషింగ్ మెషిన్‌లో బట్టలు శుభ్రం కావట్లేదా? మరకలు పోవాలంటే ఈ స్మార్ట్ టిప్స్ ఫాలో అవ్వండి