Redmi Smart Band 6 Price Cut: రెడ్‌మీ స్మార్ట్ బ్యాండ్ ధర తగ్గింపు - ఇక రూ.మూడు వేలలోపే!

రెడ్‌మీ స్మార్ట్ బ్యాండ్ 6 ధర మనదేశంలో తగ్గించారు. దీంతో ఈ బ్యాండ్ ధర రూ.2,999 నుంచి ప్రారంభం కానుంది.

రెడ్‌మీ స్మార్ట్ బ్యాండ్ 6 ధరను తగ్గించారు.

షియోమీ ఇటీవలే మనదేశంలో రెడ్‌మీ స్మార్ట్ బ్యాండ్ 6ను లాంచ్ చేసిన సంగతి తెలిసిందే. ఈ స్మార్ట్ వాచ్ ధరను మనదేశంలో తగ్గించారు. ఇందులో మొత్తం 30 వర్కవుట్ మోడ్స్ అందుబాటులో ఉండనున్నాయి. అమోఎల్ఈడీ స్క్రీన్‌ను ఈ వాచ్‌లో అందించారు.

రెడ్‌మీ స్మార్ట్ బ్యాండ్ 6 ధర
ఈ స్మార్ట్ వాచ్ ధరను రూ.3,499గా నుంచి రూ.2,999కు తగ్గింది. షియోమీ అధికారిక వెబ్ సైట్, అమెజాన్, ఎంఐ హోం స్టోర్లలో ఈ స్మార్ట్ బ్యాండ్ కొనుగోలు చేయవచ్చు.

రెడ్‌మీ స్మార్ట్ బ్యాండ్ 6 స్పెసిఫికేషన్లు
ఈ వాచ్‌లో 1.56 అంగుళాల అమోఎల్ఈడీ టచ్ డిస్‌ప్లేను అందించారు. అపోలో ప్రాసెసర్‌పై ఈ స్మార్ట్ బ్యాండ్ పనిచేయనుంది. దీని బ్యాటరీ సామర్థ్యం 125 ఎంఏహెచ్ కాగా.. 14 రోజుల బ్యాటరీ బ్యాకప్‌ను ఈ బ్యాండ్ అందించనుందని కంపెనీ తెలిపింది.

బ్లూటూత్ వీ5.0ను కూడా ఈ స్మార్ట్ వాచ్‌లో అందించారు. ఐవోఎస్, ఆండ్రాయిడ్ 6 ఆపరేటింగ్ సిస్టంలను రెడ్‌మీ స్మార్ట్ బ్యాండ్ 6 సపోర్ట్ చేయనుంది. ఇందులో 30 వర్కవుట్ మోడ్స్‌ను షియోమీ అందించింది. ఎస్‌పీఓ2 మానిటరింగ్, హార్ట్ రేట్ మానిటరింగ్, స్లీప్ ట్రాకింగ్ వంటి ఫీచర్లను కూడా ఈ బ్యాండ్ సపోర్ట్ చేయనుంది.

రన్నింగ్, వాకింగ్, ఇండోర్ ట్రెడ్‌మిల్, సైక్లింగ్ వంటి వర్కవుట్లను ఈ స్మార్ట్ బ్యాండ్ ట్రాక్ చేయగలదు. దీంతోపాటు అవుట్ డోర్ వాకింగ్, అవుట్ డోర్ రన్నింగ్, ట్రెడ్ మిల్ వర్కవుట్లను ఇది ఆటోమేటిక్‌గా ట్రాక్ చేయడం విశేషం. దీని బరువు 12.8 గ్రాములు మాత్రమే.

 

 

 

 

 

View this post on Instagram

 

 

 

 

 

 

 

 

 

 

 

A post shared by Mi Jammu & Kashmir (@mi_jammuandkashmir)