BSNL Best Prepaid Plan: జియో, ఎయిర్‌టెల్‌ను వణికించే ప్లాన్ దించిన బీఎస్ఎన్ఎల్ - రోజుకు 3 జీబీ అంత తక్కువకా?

BSNL 84 Days Plan: ప్రముఖ టెలికాం కంపెనీ బీఎస్ఎన్ఎల్ కొత్త ప్రీపెయిడ్ ప్లాన్‌ను లాంచ్ చేసింది. అదే రూ.599 ప్లాన్. దీని వ్యాలిడిటీ 84 రోజులుగా ఉంది. దీని ద్వారా రోజుకు 3 జీబీ డేటా లభించనుంది.

ప్రతీకాత్మక చిత్రం

Source : ABP Gallery

BSNL Rs 599 Plan: బీఎస్ఎన్ఎల్ ఇటీవలి కాలంలో తన వినియోగదారుల కోసం అనేక చవకైన రీఛార్జ్ ప్లాన్‌లను ప్రవేశపెట్టింది. ప్రభుత్వ టెలికాం సంస్థ ఈ రోజుల్లో ప్రైవేట్ టెలికాం కంపెనీలకు గట్టి పోటీనిస్తోంది. ట్రాయ్ తాజా నివేదిక ప్రకారం బీఎస్ఎన్ఎల్ ఆగస్టులో 3.5 లక్షల మంది కొత్త వినియోగదారులను చేర్చుకుంది. వినియోగదారులను మరింత ఆకర్షించడం కోసం 84 రోజుల చవకైన రీఛార్జ్ ప్లాన్‌ను బీఎస్ఎన్ఎల్ లాంచ్ చేసింది. ఈ ప్లాన్‌కు వినియోగదారులకు రోజుకు సగటున రూ.7 మాత్రమే ఖర్చు అవుతుంది.

బీఎస్ఎన్ఎల్ లాంచ్ చేసిన ఈ ప్లాన్ రూ. 599కి వస్తుంది. ఇందులో వినియోగదారులు అన్‌లిమిటెడ్ కాలింగ్, ఉచిత డేటా, ఎస్ఎంఎస్ వంటి ప్రయోజనాలను పొందుతారు. ఈ ప్లాన్‌లో, వినియోగదారులు ప్రతిరోజూ 3 జీబీ డేటాను పొందుతారు. అంటే మొత్తంగా 252 జీబీ హై స్పీడ్ డేటా లభిస్తుందన్న మాట. రోజువారీ డేటా అయిపోయిన తర్వాత ఇంటర్నెట్ వేగం 40 కేబీపీఎస్‌కు పడిపోతుంది. స్పీడ్ తగ్గుతుంది కానీ నెట్ మాత్రం ఆగదన్న మాట.

నేషనల్ రోమింగ్, రోజుకు 100 ఉచిత ఎస్ఎంఎస్
బీఎస్ఎన్ఎల్ లాంచ్ చేసిన ఈ ప్లాన్ నేషనల్ రోమింగ్, రోజుకు 100 ఉచిత ఎస్ఎంఎస్‌లతో కూడా వస్తుంది. కంపెనీ లాంచ్ చేసిన ఈ ప్రీపెయిడ్ రీఛార్జ్ ఒక బండిల్ ప్లాన్. ఇది కాలింగ్, డేటా, మెసేజ్‌లతో పాటు కొన్ని వాల్యూ యాడెడ్ సర్వీసులను కూడా అందిస్తుంది. బీఎస్ఎన్ఎల్ సెల్ఫ్‌కేర్ యాప్‌ను ఇన్‌స్టాల్ చేయడం ద్వారా వినియోగదారులు ఈ ప్లాన్‌తో తమ నంబర్‌ను రీఛార్జ్ చేసుకోవచ్చు. ఇది మాత్రమే కాకుండా మీరు కంపెనీ వెబ్‌సైట్‌ను సందర్శించడం ద్వారా ఈ ప్లాన్‌తో మీ నంబర్‌ను కూడా రీఛార్జ్ చేసుకోవచ్చు.

రూ.345 ప్లాన్ కూడా లాంచ్...
రీసెంట్ గా కంపెనీ రూ.345 ప్లాన్‌ను కూడా లాంచ్ చేసింది. దీని కింద యూజర్లకు 60 రోజుల వాలిడిటీ లభిస్తోంది. ఈ ప్లాన్ రోజువారీ తక్కువ డేటాను వాడుతూ కాలింగ్ మీద ఎక్కువ డిపెండ్ అయ్యే వినియోగదారుల కోసం. రూ.345 ప్లాన్ ద్వారా కంపెనీ ప్రతిరోజూ 1 జీబీ డేటాను అందిస్తోంది. వినియోగదారులు మొత్తంగా 60 జీబీ డేటా లాభాలను పొందుతారు. దీంతో పాటు వినియోగదారులు అపరిమిత కాలింగ్, రోజువారీ 100 ఉచిత ఎస్ఎంఎస్‌ల ప్రయోజనాన్ని కూడా పొందుతారు.  

#BSNL4G is transforming lives and bringing #DigitalConnectivity to the remotest villages.
A satisfied #BSNL customer from Navsari, Gujarat, shares his experience with the BSNL 4G network, covering the uncovered villages.#DigitalTransformation #CustomerExperience pic.twitter.com/s1SZRodssQ

— BSNL India (@BSNLCorporate) September 17, 2024

An #MoU has been signed between #MTNL and #NBCC at the #BSNL Corporate Office, New Delhi for the land development at Pankha Road, Janakpuri under the PPP model.@OfficialNBCC @MTNLOfficial pic.twitter.com/M1exGhxhYY

— BSNL India (@BSNLCorporate) September 11, 2024