Tokyo Paralympic 2021: పాపం అఫ్గానిస్థాన్... ఆటగాళ్లు లేరు... కానీ, పారాలింపిక్స్‌లో రెపరెపలాడిన అఫ్గాన్ జెండా

అఫ్గానిస్థాన్‌లో విపత్కర పరిస్థితులు నెలకొన్న నేపథ్యంలో ఆ దేశానికి సంబంధించిన అథ్లెట్లు ఈ సారి టోక్యో పారాలింపిక్స్‌లో పాల్గొనడం లేదు.

పారాలింపిక్స్ ఆరంభోత్సవంలో అఫ్గానిస్థాన్ జెండా

టోక్యోలో పారాలింపిక్స్ ప్రారంభోత్సవ కార్యక్రమం అట్టహాసంగా జరిగింది. ఈ వేడుకలకు జపాన్‌ చక్రవర్తి నరుహిటో, ప్రధాని సుగా హాజరయ్యారు. ఆగస్టు 24 నుంచి సెప్టెంబర్‌ 5 వరకు 13 రోజుల పాటు ఈ పోటీలు జరగనున్నాయి. ఈ విశ్వక్రీడల్లో 163 దేశాలకు చెందిన సుమారు 4500 మంది పారా అథ్లెట్లు పాల్గొన్నారు. 

Another #OpeningCeremony 😍

Sit back, the show has just begun 🎆🤩#Tokyo2020 #Paralympics pic.twitter.com/ufjV3yEm2d

— #Tokyo2020 for India (@Tokyo2020hi) August 24, 2021

ఈసారి పారాలింపిక్స్‌లో ఓ ఆశ్చర్యకరమైన సంఘటన చోటు చేసుకుంది. అఫ్గానిస్థాన్‌లో విపత్కర పరిస్థితులు నెలకొన్న నేపథ్యంలో ఆ దేశానికి సంబంధించిన అథ్లెట్లు ఈ సారి టోక్యో పారాలింపిక్స్‌లో పాల్గొనడం లేదు. అయినప్పటికీ ఆ దేశ పతాకం ఆరంభోత్సవంలో ఎగిరింది. ఆ దేశంలో అనిశ్చితికి తోడు విమాన ప్రయాణాల రద్దు కావడంతో అఫ్గానిస్థాన్ అథ్లెట్లు టోక్యోకు రాలేకపోయిన సంగతి తెలిసిందే. 

The Paralympic flame is lit!　パラリンピックの聖火が灯りました！🔥😍#Paralympics #Tokyo2020 #OpeningCeremony pic.twitter.com/0yIQXzjO0m

— Paralympic Games (@Paralympics) August 24, 2021

అయితే అఫ్గాన్‌కు సంఘీభావం తెలుపుతూ ఆ దేశ పతాకాన్ని ఆరంభోత్సవ కార్యక్రమంలో ప్రదర్శించాలని అంతర్జాతీయ పారాలింపిక్‌ కమిటీ నిర్ణయించింది. ఈ మేరకు పారాలింపిక్ వాలంటీర్ ఒకరు ఆ దేశ పతాకాన్ని ప్రదర్శించారు. అంతర్జాతీయ పారాలింపిక్ కమిటీ నిర్ణయం పట్ల పలువురు సంతోషం వ్యక్తం చేశారు. 

Tonight the IPC displays the Afghanistan flag at Tokyo 2020 in solidarity.#Paralympics #Tokyo2020 #OpeningCeremony pic.twitter.com/q3JVGh4M1d

— Paralympic Games (@Paralympics) August 24, 2021

22 క్రీడలకు సంబంధించి 540 ఈవెంట్లలో పోటీలు జరగనున్నాయి. పతకాలే లక్ష్యంగా భారత్​ నుంచి 54 మంది పారా అథ్లెట్లు బరిలోకి దిగుతున్నారు. వీరిలో 14 మంది మహిళలు, 40 మంది పురుషులు ఉన్నారు. ప్రారంభోత్సవ కార్యక్రమంలో భారత త్రివర్ణ పతాకాన్ని జావెలిన్ త్రోయర్ టెక్ చంద్ చేతబూని మన దేశ బృందాన్ని నడిపించాడు.