Pele Health Update: నాకు శస్త్ర చికిత్స జరిగింది.. ఈ మ్యాచ్ ని చిరునవ్వుతో ఎదుర్కొన్నా.. ఫుట్ బాల్ దిగ్గజం పీలే

ప్రముఖ సాకర్ దిగ్గజం, బ్రెజిల్ కు చెందిన పీలే పెద్ద పేగుకు ఉన్న కణితిని తొలగించారు. ఆయన ప్రస్తుతం ఆరోగ్యం ఉన్నట్లు డాక్టర్లు చెప్పారు.

ఫుట్ బాల్ దిగ్గజం పీలేకు శస్త్రచికిత్స(ఫైల్ ఫొటో)

 

పీలే గత వారం సాధారణ పరీక్షల కోసం సావ్ పాలోలోని ఆల్బర్ట్ ఐన్‌స్టీన్ హాస్పిటల్‌కు  వెళ్లారు. అయితే పరీక్షల్లో ఆయనకు కణితి ఉన్నట్టు గుర్తించారు డాక్టర్లు. పెద్ద పేగుకు ఉన్న కణితిని వైద్యులు శస్త్ర చికిత్స చేసి తొలగించారు.  ఇంటెన్సివ్ కేర్ నుంచి సాధారణ గదికి పంపినట్లు  చెప్పారు. పీలే 2012లో తొడ ఎముకకు సంబంధించిన ఆపరేషన్ ను చేయించుకున్నారు. అయితే దాని తర్వాత.. ఆయన వీల్ చైర్ ఉపయోగించాల్సి వచ్చింది. కొన్ని రోజులు మూత్రపిండాల సమస్యతో కూడా బాధపడ్డాడు ఈ ఫుట్ బాల్ దిగ్గజం.

అయితే శస్త్రచికిత్స విజయవంతంపై పీలే స్పందించారు. ఈ ఆపరేషన్  'గొప్ప విజయం'  అని పీలే తన సోషల్ మీడియా చెప్పారు. 'నా ఆరోగ్యం పట్ల శ్రద్ధ వహించినందుకు డాక్టర్లకు కృతజ్ఞతలు తెలుపుతున్నాను. గత శనివారం పెద్దపేగులో కణితిని తొలగించేందుకు శస్త్రచికిత్స చేయించుకున్నాను. సాధారణ పరీక్షల కోసం వెళ్లినప్పుడు ఈ కణితిని గుర్తించారు.'  అని పీలే చెప్పారు. 

 

Guys, I didn't faint and I'm in very good health. I went for my routine exams, which I had not been able to do before because of the pandemic. Let them know I don't play next Sunday! 👍🏽

— Pelé (@Pele) August 31, 2021

'అదృష్టవశాత్తూ, నేను మీతో పాటు గొప్ప విజయాలు జరుపుకోవడం అలవాటు చేసుకున్నాను. నేను ఈ మ్యాచ్‌ని నా ముఖం మీద చిరునవ్వుతో ఎదుర్కొంటాను. నా కుటుంబం, స్నేహితుల ప్రేమతో జీవించడంపై ఆశతో ఉన్నాను.' అని అంతకుముందు పీలే సోషల్ మీడియాలో తెలిపారు. 
1956 లో ఫుట్ బాల్ కెరీర్ ప్రారంభించిన పీలే 1977 వరకు ఆడారు. 2014లో గ్లోబల్ ఫుట్ బాల్ అంబాసిడర్ గా ఆయన సేవలందించారు. పీలే 1958, 1962 మరియు 1970 వరల్డ్ కప్‌లను గెలుచుకున్నాడు. 77 తో బ్రెజిల్ ఆల్ టైమ్ లీడింగ్ స్కోరర్‌గా నిలిచాడు.