RCB vs PBKS Final: ఐపీఎల్ ఫైనల్ రోజున RCBకి బిగ్ షాక్! పంజాబ్కు గుడ్ న్యూస్!
RCB vs PBKS Final: IPL 2025 ఫైనల్లో RCB కి పెద్ద ఎదురుదెబ్బ తగిలేట్టు కనిపిస్తోంది. ఓపెనింగ్ ఆటగాడు ఫిల్ సాల్ట్ ఆటడం లేదనే ప్రచారం జోరుగా సాగుతోంది.
IPL 2025 Final RCB vs PBKS : IPL 2025 ఫైనల్ మ్యాచ్ మరికొన్ని గంటల్లో ప్రారంభంకానుంది. అభిమానుల తీవ్ర ఉత్కంఠతో ఫైనల్ మ్యాచ్ కోసం ఎదురు చూస్తున్నారు. ఫైనల్ ముందు రాయల్ ఛాలెంజర్స్ బెంగళూరు (RCB)కి సంబంధించిన వార్త ఆందోళన కలిగిస్తోంది. దూకుడుగా ఆడే ఓపెనర్ ఫిల్ సాల్ట్ ప్రాక్టీస్ సెషన్లో కనిపించలేదు, దీనితో ఫైనల్లో ఆడకపోవడంపై ఊహాగానాలు షికారు చేస్తున్నాయి. క్వాలిఫైయర్-1 మ్యాచ్లో ఫిల్ సాల్ట్ దుమ్మురేపాడు. అర్ధశతకం సాధించాడు. ఇప్పుడు రాయల్ ఛాలెంజర్స్ బెంగళూరు టైటిల్ పోరు మంగళవారం అంటే నేడు రాత్రి అహ్మదాబాద్లోని నరేంద్ర మోడీ స్టేడియంలో పంజాబ్ కింగ్స్ (PBKS)తో జరుగుతుంది.
ప్రాక్టీస్ సెషన్లో కనిపించని సాల్ట్
సోమవారం RCB జట్టు ఫైనల్ ముందు అహ్మదాబాద్లో చివరి ప్రాక్టీస్ సెషన్లో పాల్గొంది, కానీ ఆ సమయంలో ఫిల్ సాల్ట్ మైదానంలో కనిపించలేదు. ESPNcricinfo నివేదిక ప్రకారం, తల్లి కాబోతున్న తన భార్యను చూసేందుకు సాల్ట్ ఇంగ్లాండ్కు వెళ్ళాడు. అయితే సాల్ట్ ఫైనల్లో ఆడతాడా లేదా అనే దానిపై ఇంకా RCB లేదా BCCI నుంచి ఎలాంటి అధికారిక ప్రకటన రాలేదు.
RCB వ్యూహానికి షాక్
ఫిల్ సాల్ట్ IPL 2025లో RCBకి అద్భుతమైన ప్రదర్శన చేశాడు. 12 మ్యాచ్లలో 175.90 స్ట్రైక్ రేటుతో 387 పరుగులు చేశాడు. ఈ సీజన్లో అతని సగటు 35.18. ప్రత్యేకంగా, ఫిల్ సాల్ట్, విరాట్ కోహ్లీతో కలిసి ఓపెనింగ్ చేస్తూ జట్టుకు ఎన్నోసార్లు విధ్వంసకారకమైన ప్రారంభాన్ని అందించాడు. పంజాబ్తో జరిగిన మొదటి క్వాలిఫైయర్లో కూడా అతను వేగవంతమైన ఫిఫ్టీ సాధించాడు, దీనివల్ల RCBకి బలమైన ప్రారంభం లభించింది. RCB ఆ మ్యాచ్ను గెలుచుకుంది.
కోచ్ ఆండీ ఫ్లవర్ వ్యూహంపై ప్రశ్నలు
RCB జట్టు నిర్వహణ ఇంకా ఈ విషయంపై ఎలాంటి అధికారిక ప్రకటన చేయలేదు. RCB హెడ్ కోచ్ ఆండీ ఫ్లవర్ కూడా చాలాసార్లు ఆటగాళ్ల అందుబాటును చివరి క్షణం వరకు రహస్యంగా ఉంచుతారు. వారు ప్రత్యర్థి జట్టును తప్పుదోవ పట్టించడానికి ఆటగాడి పరిస్థితిని బహిరంగంగా చెప్పరు, తద్వారా ప్రత్యర్థి జట్టుకు ఎలాంటి ప్రయోజనం దక్కదు. అందుకే ఫైనల్ ముందు సాల్ట్ ఉనికిపై సస్పెన్స్ ఉండటం కూడా ఈ వ్యూహంలో భాగమే కావచ్చు.
విరాట్ కోహ్లీపై ఒత్తిడి పెరుగుతుంది
విరాట్ కోహ్లీ, ఫిల్ సాల్ట్ RCB స్టార్ ఓపెనర్లు. ఇద్దరూ ఎల్లప్పుడూ జట్టుకు వేగవంతమైన ప్రారంభాన్ని అందించారు. అందుకే ఫిల్ సాల్ట్ ఫైనల్ మ్యాచ్లో లేకపోతే, విరాట్ కోహ్లీ బాధ్యత మరింత పెరుగుతుంది.
ఇప్పుడు మంగళవారం టాస్ సమయంలో సాల్ట్ ప్లేయింగ్ 11లో ఉంటాడా లేదా అనేది చూడాలి. జట్టు నిర్వహణ ఈ పరిస్థితిలో ఏ ఆటగాడికి ఓపెనింగ్ స్లాట్ ఇస్తుంది. ఆ ఆటగాడు సాల్ట్ లాంటి ప్రభావవంతమైన ప్రారంభాన్ని అందించగలడా అనేది చూడాలి. ఈ పుకార్లతో అభిమానుల్లో ఆందోళన నెలకొంది. నిజంగానే సాల్ట్ మ్యాచ్కు దూరమైతే మాత్రం బెంగళూరుకు పెద్ద షాక్ అనే చెప్పాల్సి ఉంటుంది.. ప్రత్యర్థి జట్టు పంజాబ్కు ఉపశమనం కగలించే విషయం అవుతుంది.
Before You Go
Who Will Replace Virat in AFG ODI Series? | కోహ్లీ స్థానంలో వచ్చేది ఎవరు?
టాప్ హెడ్ లైన్స్
ట్రెండింగ్ వార్తలు
