IND vs SL: లంకేయుల కోట కూల్చడానికి రాహుల్ సాయం - సిరాజ్ ఏమన్నాడంటే?
శ్రీలంకతో జరిగిన రెండో వన్డేలో తన బౌలింగ్‌కు కేఎల్ రాహుల్ సలహాలు తోడ్పడ్డాయని మహ్మద్ సిరాజ్ అన్నారు.
Mohammad Siraj On KL Rahul: కోల్‌కతా వన్డేలో టాస్ గెలిచిన శ్రీలంక జట్టు 39.4 ఓవర్లలో కేవలం 215 పరుగులకే కుప్పకూలింది. మహ్మద్ సిరాజ్, కుల్దీప్ యాదవ్‌లు తలో మూడు వికెట్లు పడగొట్టి భారత్‌కు విజయాన్ని అందించారు. ఇది కాకుండా ఉమ్రాన్ మాలిక్ ఇద్దరు ఆటగాళ్లను అవుట్ చేశాడు. అక్షర్ పటేల్ ఒక వికెట్ దక్కించుకున్నాడు. భారత జట్టు ఫాస్ట్ బౌలర్ మహ్మద్ సిరాజ్ 5.4 ఓవర్లలో 30 పరుగులిచ్చి మూడు వికెట్లు పడగొట్టాడు. ఈ అద్భుతమైన ఫాస్ట్ బౌలర్ కేఎల్ రాహుల్ తను బాగా బౌలింగ్ చేయడానికి ఎలా సహాయం చేసాడో చెప్పాడు.
మహ్మద్ సిరాజ్ ప్లాన్ ఏంటి?
తాను బౌలింగ్ చేస్తున్నప్పుడు బంతి సరైన వేగంతో వెళ్లలేదని మహ్మద్ సిరాజ్ చెప్పాడు. ఇది కాకుండా బంతి కూడా సరిగ్గా స్వింగ్ కాలేదని, ఆ తర్వాత వికెట్ టు వికెట్ బౌల్ చేయాలనేది తన ప్లాన్ అని తెలిపాడు. పరుగులు ఇవ్వకుండా బౌలింగ్ చేస్తే బ్యాట్స్‌మెన్‌పై ఒత్తిడి ఉంటుందని, అవతలి ఎండ్ నుంచి వికెట్లు తీయవచ్చని పేర్కొన్నాడు.
ఈ సమయంలో కేఎల్ రాహుల్ తనతో మాట్లాడుతూ మొదటి ఓవర్ నుంచి బంతి స్వింగ్ కాదని తెలిపాడు. ఆ తర్వాత హార్డ్ లెంగ్త్ బౌలింగ్ చేయాలని నిర్ణయించుకున్నానని అన్నాడు. అలాగే భారత ఫాస్ట్ బౌలర్ ఈ వికెట్‌పై బౌలింగ్ చేయడం చాలా బాగుందని చెప్పాడు.
'ఈడెన్ గార్డెన్ వికెట్ బ్యాట్స్‌మెన్‌కు గొప్పది'
ఈ వికెట్ బ్యాట్స్‌మెన్‌కు అద్భుతమని భారత ఫాస్ట్ బౌలర్ మహ్మద్ సిరాజ్ అన్నాడు. ఈ వికెట్‌పై బ్యాట్స్‌మెన్ సులువుగా పరుగులు సాధించగలరని, అయితే కుల్దీప్ యాదవ్ అద్భుతంగా బౌలింగ్ చేశాడని పేర్కొన్నాడు. కుల్దీప్ యాదవ్ అద్భుతమైన బౌలింగ్ కారణంగా ప్రత్యర్థి జట్టును తక్కువ స్కోరుకే ఆపగలిగామని అభిప్రాయపడ్డాడు.
అలాగే ఈడెన్ గార్డెన్స్ ఔట్ ఫీల్డ్ చాలా వేగంగా ఉంటుందని చెప్పాడు. దీనివల్ల బ్యాట్స్‌మెన్‌కు పరుగులు చేయడం సులభం అవుతుందన్నాడు. రెండో వన్డేలో నాలుగు వికెట్ల తేడాతో విజయం సాధించిన టీమిండియా సిరీస్‌ను కూడా 2-0తో సొంతం చేసుకుంది.
View this post on Instagram
టాప్ హెడ్ లైన్స్
ట్రెండింగ్ వార్తలు
