IND vs SA, 2nd Test: వాండరర్స్‌లో విలవిల! లంచ్‌కు టీమ్‌ఇండియా @ 51/3

తమకు అనుకూలిస్తున్న పరిస్థితుల్లో సఫారీ బౌలర్లు రెచ్చిపోయారు. వాండరర్స్‌ టెస్టులో టీమ్‌ఇండియా విలవిల్లాడుతోంది! కేవలం 26 ఓవర్లలో 53 పరుగులకే 3 వికెట్లు నష్టపోయి అల్లాడుతోంది!

కేఎల్‌ రాహుల్‌

వాండరర్స్‌ టెస్టులో టీమ్‌ఇండియా విలవిల్లాడుతోంది! కేవలం 26 ఓవర్లలో 53 పరుగులకే 3 వికెట్లు నష్టపోయి అల్లాడుతోంది! తమకు అనుకూలిస్తున్న పరిస్థితుల్లో  సఫారీ బౌలర్లు రెచ్చిపోయారు. కెప్టెన్‌ కేఎల్‌ రాహుల్‌ (19; 74 బంతుల్లో 4x4), హనుమ విహారి (4; 12 బంతుల్లో) బ్యాటింగ్‌ చేస్తున్నారు. వీరిద్దరూ భారీ భాగస్వామ్యం నెలకొల్పితేనే టీమ్‌ఇండియా గట్టెక్కుతుంది.

Lunch on Day 1 of the 2nd Test.#TeamIndia 53/3

Scorecard - https://t.co/qcQcovZ41s #SAvIND pic.twitter.com/ylJ5vwOfuE

— BCCI (@BCCI) January 3, 2022

విరాట్‌ కోహ్లీ వెన్నునొప్పితో బాధపడుతుండటంతో ఈ మ్యాచులో కేఎల్‌ రాహుల్‌ కెప్టెన్సీ బాధ్యతలు తీసుకున్నాడు. టాస్‌ గెలవగానే బ్యాటింగ్‌ ఎంచుకున్నాడు. పిచ్‌ కాస్త భిన్నంగా ఉండటం, ఊహించని రీతిలో బంతి బౌన్స్‌ అవుతుండటం టీమ్‌ఇండియాను ఇబ్బంది పెట్టింది. అయినప్పటికీ 14 ఓవర్ల వరకు ఓపెనర్‌ కేఎల్‌ రాహుల్‌, మయాంక్‌ అగర్వాల్‌ (26; 37 బంతుల్లో 5x4) తొలి వికెట్‌కు 36 పరుగుల భాగస్వామ్యం అందించారు.

Lunch on day one in Johannesburg 🍲

A disciplined bowling performance from the hosts.

Watch #SAvIND live on https://t.co/CPDKNx77KV (in select regions) 📺#WTC23 | https://t.co/BCpTa2JF2P pic.twitter.com/s1kQI8LqGH

— ICC (@ICC) January 3, 2022

15వ ఓవర్‌ తొలి బంతికి మయాంక్‌ను జెన్‌సన్‌ ఔట్‌ చేయడంతో ఈ భాగస్వామ్యం విడిపోయింది. చెతేశ్వర్‌ పుజారా (3; 33 బంతుల్లో) మరోసారి విఫలమయ్యాడు. ఆ తర్వాత వచ్చిన అజింక్య రహానె (0; 1 బంతుల్లో) సైతం ఆదుకోలేదు. వీరిద్దరినీ జట్టు స్కోరు 49 వద్ద ఒలీవర్‌ ఓకే ఓవర్లో ఔట్‌ చేశాడు.