IND vs NZ 1st Test: 51/5తో టీమ్‌ఇండియా విలవిల..! గట్టెక్కించేందుకు శ్రేయస్‌, అశ్విన్‌ పోరాటం

న్యూజిలాండ్‌ కట్టుదిట్టంగా బౌలింగ్‌ చేస్తుండటంతో కాన్పూర్‌ టెస్టులో టీమ్‌ఇండియా కష్టాల్లో పడింది! షాట్ల ఎంపిక, నిర్ణయాల్లో బ్యాటర్లు తడబాటుకు గురయ్యారు.

By: ABP Desam | Updated at : 28 Nov 2021 12:23 PM (IST)

Edited By: Ramakrishna Paladi

IND vs NZ 1st Test Day 4 Live Score Updates: India 84/5 At Lunch After Top-Order Collapse IND vs NZ 1st Test: 51/5తో టీమ్‌ఇండియా విలవిల..! గట్టెక్కించేందుకు శ్రేయస్‌, అశ్విన్‌ పోరాటం

భారత్‌ vs న్యూజిలాండ్‌

కాన్పూర్‌ టెస్టులో టీమ్‌ఇండియా కష్టాల్లో పడింది! న్యూజిలాండ్‌ కట్టుదిట్టంగా బౌలింగ్‌ చేస్తుండటంతో పీకల్లోతు కష్టాల్లో పడింది. షాట్ల ఎంపిక, నిర్ణయాల్లో బ్యాటర్లు తడబాటుకు గురయ్యారు. దాంతో నాలుగో రోజు, భోజన విరామానికి రెండో ఇన్నింగ్స్‌లో భారత్‌ 5 వికెట్ల నష్టానికి 84 పరుగులు చేసింది. శతక వీరుడు శ్రేయస్‌ అయ్యర్‌ (18 బ్యాటింగ్‌; 51 బంతుల్లో 3x4), రవిచంద్రన్‌ అశ్విన్‌ (20 బ్యాటింగ్‌; 35 బంతుల్లో 3x4) కీలకంగా ఆడుతున్నారు.

ఓవర్‌ నైట్‌ స్కోరు 14/1తో టీమ్‌ఇండియా ఆదివారం ఆట మొదలు పెట్టింది. ఓపెనర్‌ మయాంక్‌ అగర్వాల్‌ (17; 53 బంతుల్లో 3x4), నయావాల్‌ చెతేశ్వర్‌ పుజారా (22; 33 బంతుల్లో 3x4) సానుకూల దృక్పథంతో ఆడారు. తొలి అర్ధగంట వరకు వీరిద్దరూ నిలకడగా ఆడుతూ రెండో వికెట్‌కు 30 పరుగుల భాగస్వామ్యం అందించారు.

కుదురుకున్న ఈ జోడీని పుజారాను ఔట్‌ చేయడం ద్వారా జేమీసన్‌ విడదీశాడు. అప్పటికి స్కోరు 32. మరికాసేపటికే అజాజ్‌ పటేల్‌ వేసిన బంతిని క్రీజులోంచి ఆడి అజింక్య రహానె (4; 15 బంతుల్లో 1x4) వెనుదిరిగాడు. ఇక జట్టు స్కోరు 51 వద్ద ఓకే ఓవర్లో మయాంక్‌ అగర్వాల్‌, రవీంద్ర జడేజా (0)ను టిమ్ సౌథీ పెవిలియన్‌ పంపించాడు. దాంతో టీమ్‌ఇండియా 51/5తో కష్టాల్లో పడింది. శ్రేయస్‌, అశ్విన్‌ 74 బంతుల్లో 33 పరుగుల అజేయ భాగస్వామ్యంతో ఇన్నింగ్స్‌ నిర్మించే పనిలో ఉన్నారు.

That will be Lunch on Day 4 of the 1st Test.#TeamIndia 345 & 84/5, lead New Zealand (296) by 133 runs.

Scorecard - https://t.co/WRsJCUhS2d #INDvNZ @Paytm pic.twitter.com/VdJmIvzoSA
— BCCI (@BCCI) November 28, 2021