FIFA WC 2022: ఫిఫా ప్రపంచకప్-  నేడు జరిగే మ్యాచుల వివరాలు ఇవే

FIFA WC 2022: ఫిఫా ప్రపంచకప్‌లో రెండో రౌండ్‌లోని చివరి నాలుగు మ్యాచ్‌లు నేడు (సోమవారం) జరగనున్నాయి. గ్రూప్-జి మరియు గ్రూప్-హెచ్ జట్లు మ్యాచులు ఆడనున్నాయి.

క్రిస్టియానో రొనాల్డో (source: twitter)

FIFA WC 2022:  ఫిఫా ప్రపంచకప్‌లో రెండో రౌండ్‌లోని చివరి నాలుగు మ్యాచ్‌లు నేడు (సోమవారం) జరగనున్నాయి. గ్రూప్-జి మరియు గ్రూప్-హెచ్ జట్లు మ్యాచులు ఆడనున్నాయి. రౌండ్ ఆఫ్ 16 కు ముందు కొన్ని జట్లకు ఇవి ముఖ్యమైనవి. నాలుగు పెద్ద జట్లు 2 మ్యాచులలో తలపడనున్నాయి. బ్రెజిల్- స్విట్జర్లాండ్‌, పోర్చుగల్- ఉరుగ్వేలు పోటీపడనున్నాయి. 

1. కామెరూన్ వర్సెస్ సెర్బియా: ఈ రెండు జట్లు తమ మొదటి మ్యాచ్‌ల్లో ఓడిపోయాయి. కామెరూన్ 1-0తో స్విట్జర్లాండ్ చేతిలో ఓడిపోగా, సెర్బియాను 2-0తో బ్రెజిల్ కంగుతినిపించింది. కాబట్టి నేటి మ్యాచ్ ఇరు జట్లకు కీలకం కానుంది. ఓడిన జట్టుకు నాకౌట్ అవకాశాలు సంక్లిష్టం అవుతాయి. ఈ మ్యాచ్ మధ్యాహ్నం 3.30 గంటలకు ప్రారంభం కానుంది.

2. రిపబ్లిక్ ఆఫ్ కొరియా వర్సెస్ ఘనా: తమ ముందు మ్యాచ్‌లో ఘనా జట్టు పోర్చుగల్ చేతిలో 3-2 తేడాతో ఓడిపోయింది. అయితే ఆ జట్టు గట్టి పోరాట పటిమను ప్రదర్శించింది. ఉరుగ్వేతో కొరియా మ్యాచ్ డ్రాగా ముగిసింది. మొత్తంగా చూసుకుంటే ఈ రెండు జట్ల మధ్య ఈ రోజు మ్యాచ్‌లో గట్టి పోటీ ఉండనుంది. ఈ మ్యాచ్ సాయంత్రం 6.30 గంటలకు జరగనుంది.

3. బ్రెజిల్ వర్సెస్ స్విట్జర్లాండ్: రెండు జట్లూ తమ మునుపటి మ్యాచ్‌లలో గెలిచాయి. ఈరోజు జరిగే  మ్యాచ్‌లో విజయం సాధిస్తే ఈ రెండింటి నాకౌట్ అవకాశాలు బలంగా మారతాయి. రెండు జట్లూ స్టార్ ఆటగాళ్లతో నిండి ఉన్నాయి. ఈ మ్యాచ్ రాత్రి 9.30 గంటలకు ప్రారంభమవుతుంది.

4. పోర్చుగల్ వర్సెస్ ఉరుగ్వే: గత మ్యాచ్‌లో ఘనాపై పోర్చుగల్ అతికష్టం మీద విజయం సాధించింది. మరోవైపు ఉరుగ్వే ఫార్వర్డ్‌లు కొరియా జట్టు డిఫెన్స్‌ లైన్‌లోకి దూసుకెళ్లడంలో విఫలమయ్యారు. క్రిస్టియానో ​​రొనాల్డో, లూయిస్ సువారెజ్ వంటి ఆటగాళ్లు వారిపై దృష్టి సారించనున్నారు.

మ్యాచ్ ఎక్కడ చూడాలి?

ఫిఫా ప్రపంచ కప్ 2022 యొక్క అన్ని మ్యాచ్‌లు స్పోర్ట్స్ 18 ఛానల్ లో ప్రత్యక్ష ప్రసారం అవుతున్నాయి. జియో సినిమా యాప్ లోనూ వీక్షించవచ్చు. 

👋 The games keep on rolling at the #FIFAWorldCup

Which one are you most excited for today? 👇#Qatar2022

— FIFA World Cup (@FIFAWorldCup) November 28, 2022

When it comes to big games, Cristiano Ronaldo has no rival 🐐 pic.twitter.com/K9PtfZCDQP

— The CR7 Timeline. (@TimelineCR7) November 27, 2022

🎙 Cavani: “Cristiano Ronaldo can make the difference any time. That's why I say `Cristiano is Cristianoʼ.” pic.twitter.com/gvLyRA2xJG

— TCR. (@TeamCRonaldo) November 27, 2022