Vaibhav Sooryavanshi: హాఫ్ సెంచరీ తరువాత వైభవ్ సూర్యవంశీ వినూత్నంగా సెలబ్రేషన్లు.. దాని అర్థం ఏంటో తెలుసా..

జింబాబ్వేపై జరిగిన 3 మ్యాచ్‌ల టీ20 సిరీస్‌లో భారత క్రికెటర్ వైభవ్ సూర్యవంశీ 151 పరుగులతో సత్తా చాటాడు. 2 అర్ధసెంచరీలు సాధించడమే కాకుండా వినూత్న రీతిలో సెలబ్రేషన్స్ చేసుకుని ఆకట్టుకున్నాడు.

టీమిండియా క్రికెటర్ వైభవ్ సూర్యవంశీ

Source : BCCI

Show Quick Read

Key points generated by AI, verified by newsroom

• వైభవ్ సూర్యవంశీ జింబాబ్వే సిరీస్‌లో ప్లేయర్ ఆఫ్ ది సిరీస్‌గా నిలిచాడు.
• అతను రెండు అర్ధసెంచరీలు చేసి, మొత్తం 151 పరుగులు సాధించాడు.
• తన తల్లి, రింకూ సింగ్ కోసం ప్రత్యేక సెలబ్రేషన్స్ వెల్లడించాడు.

Ind vs Zim T20 Series | జింబాబ్వేతో జరిగిన 3 మ్యాచ్‌ల టీ20 సిరీస్‌లో వైభవ్ సూర్యవంశీ అద్భుతంగా రాణించి 'ప్లేయర్ ఆఫ్ ది సిరీస్'గా నిలిచాడు. సిరీస్‌లోని మూడోదైన చివరి మ్యాచ్‌లో వైభవ్ కీలక ఇన్నింగ్స్ ఆడాడు. ఆ ఇన్నింగ్స్‌కుగానూ 15 ఏళ్ల క్రికెటర్ వైభవ్ ప్లేయర్ ఆఫ్ ది మ్యాచ్ అవార్డు సొంతం చేసుకున్నాడు. వైభవ్ ఈ మూడు టీ20 మ్యాచ్‌లలో 2 అర్ధసెంచరీలు సాధించాడు. ఆ హాఫ్ సెంచరీ చేసిన తరువాత వైభవ్ సూర్యవంశీ ఒక ప్రత్యేకమైన రీతిలో వేడుకలు చేసుకున్నాడు. వైభవ్ ఎందుకలా చూపిస్తున్నాడు.. దాని గురించి తెలుసుకోవాలని క్రికెట్ ప్రేమికులు భావించారు. 

వైభవ్ సూర్యవంశీ చేసుకున్న సెలబ్రేషన్ వెనుక ఉన్న రహస్యమేమిటనే ప్రశ్న సోషల్ మీడియాలో హాట్ టాపిక్ అయింది. ఈ వేడుకల గురించి వండర్ కిడ్ వైభవ్ స్వయంగా వెల్లడించాడు. ఒక సెలబ్రేషన్ వెనుక రింకూ సింగ్ పాత్ర కూడా ఉందని వైభవ్ చెప్పాడు. 15 ఏళ్ల వైభవ్ తొలి హాఫ్ సెంచరీ తరువాత A అనే ఆకారాన్ని చూపుతూ సెలబ్రేట్ చేసుకున్నాడు. మూడో టీ20లో సెలబ్రేషన్‌లో వైభవ్ డబుల్ థంబ్స్ అప్ (రెండు బొటనవేళ్లు చూపిస్తూ) సెలబ్రేట్ చేసుకున్నాడు. 

తల్లి కోసం వైభవ్ చేసిన సెలబ్రేషన్

ఈ సెలబ్రేషన్ గురించి వైభవ్ సూర్యవంశీ బిసిసిఐ (BCCI)తో మాట్లాడుతూ ‘నేను మా అమ్మ కోసం ఈ సెలబ్రేషన్‌ను చేశాను. అమ్మ పేరు ఆర్తి. ఆమె పేరులో మొదటి అక్షరం A వచ్చేలా సెలబ్రేట్ చేశాను. రెండవ సెలబ్రేషన్‌ను రింకూ భయ్యాతో మాట్లాడిన తర్వాత నిర్ణయించుకున్నాను. నేను నా ఈ అర్ధసెంచరీని నా కుటుంబానికి, నా కోచ్‌కి, నా జర్నీలో మంచి, చెడులోనూ నాకు మద్దతుగా నిలిచిన ప్రతి ఒక్కరికీ అంకితం ఇస్తున్నాను. అందుకే థమ్స్ అప్ అని చూపించి సెలబ్రేట్ చేసుకున్నానని’ అన్నాడు.

WHO WAS THIS CELEBRATION FOR 👀

Watch it LIVE on FanCode! 🇮🇳 👇https://t.co/q6VBxaRJz3 #ZIMvIND #IndiaCricket #RokoNahiThoko pic.twitter.com/M4SUujuc01

— FanCode (@FanCode) July 23, 2026

జింబాబ్వేలో జోరుగా సాగిన వైభవ్ సూర్యవంశీ బ్యాట్

వైభవ్ జింబాబ్వే సిరీస్‌లో అత్యధిక పరుగులు చేసిన బ్యాటర్‌గా నిలిచాడు. ఈ సిరీస్ 3 మ్యాచ్‌ల 3 ఇన్నింగ్స్‌ల్లో బ్యాటింగ్ చేస్తూ 50.33 సగటు, ఏకంగా 196.10 స్ట్రైక్ రేట్‌తో 151 పరుగులు సాధించాడు. మొదటి టీ20లో వైభవ్ 19 బంతుల్లో 4 ఫోర్లు, 4 సిక్సర్ల సాయంతో 50 పరుగులు చేశాడు. వైభవ్‌కు ఇది తొలి అంతర్జాతీయ హాఫ్ సెంచరీ కావడం విశేషం. దీంతో పాటు అంతర్జాతీయ క్రికెట్‌లో ఫిఫ్టీ సాధించిన అత్యంత పిన్న వయస్కుడైన బ్యాటర్‌గా సైతం తన ఖాతాలో రికార్డు వేసుకున్నాడు. 

రెండవ టీ20 మ్యాచ్‌లో వైభవ్ త్వరగా ఔటయ్యాడు. కానీ తక్కువ బంతుల్లోనే 200కు పైగా స్ట్రైక్ రేట్‌తో పరుగులు చేశాడు. వైభవ్ 9 బంతుల్లో 3 ఫోర్లు, 1 సిక్సర్‌తో 20 పరుగులు చేశాడు. ఆ తర్వాత చివరిదైన మూడవ వైభవ్ తన బ్యాటింగ్‌తో అందరినీ ఆశ్చర్యపరిచాడు. ఈ 15 ఏళ్ల భారత బ్యాటర్ 49 బంతుల్లో 8 ఫోర్లు, 4 సిక్సర్లతో 81 పరుగులు చేసి జట్టు విజయంలో కీలకపాత్ర పోషించాడు. 

ఎన్నో డిమాండ్లు, ఎన్నో ఆశల తరువాత వైభవ్ ఇటీవల అరంగేట్రం చేశాడు. తొలి సిరీస్ లో అంతగా రాణించని వైభవ్ సూర్యవంశీ రెండో సిరీస్‌లో సత్తాచాటాడు.

మరిన్ని చదవండి

వరల్డ్ కప్ హీరో కు టీమ్ మేనేజ్‌మెంట్ అన్యాయం చేస్తోంది.. కొంద‌రు ప్లేయ‌ర్ల‌పై ప‌క్ష‌పాతం చూపిస్తోంది..  దిగ్గ‌జ క్రికెట‌ర్ హాట్ కామెంట్స్!

"మై పర్సన్" అంటూ పిక్స్ షేర్ చేసిన అర్షదీప్ .. బాలీవుడ్ బ్యూటీతో యూకేలో రొమాంటిక్ వెకేషన్!