Team India: దక్షిణాఫ్రికాలో అడుగుపెట్టిన భారత్ , ఘన స్వాగతం పలికిన అభిమానులు

Team India in South Africa: ఈ నెల 10 నుంచి టీ20 సిరీస్, డిసెంబరు 17 నుంచి వన్డే సిరీస్ ల నేపధ్యంలో సౌతాఫ్రికా చేరుకున్న టీమిండియా ఆటగాళ్లకు విమనాశ్రయంలో ఘనస్వాగతం లభించింది.

దక్షిణాఫ్రికాలో అడుగుపెట్టిన భారత జట్టు ( Image Source : Twitter )

టీమిండియా(Team India), దక్షిణాఫ్రికా(South Africa)లో అడుగుపెట్టింది. ఆస్ట్రేలియా(Austrelia)తో టీ 20(T20) సిరీస్‌ ముగించుకున్న భారత జట్టు సౌతాఫ్రికలో అడుగిడింది. దక్షిణాఫ్రికాతో ఈ నెల 10 నుంచి టీ20 సిరీస్, డిసెంబరు 17 నుంచి వన్డే సిరీస్ ప్రారంభంకానున్నాయి. సౌతాఫ్రికా చేరుకున్న టీమిండియా ఆటగాళ్లకు విమనాశ్రయం(Airport)లో ఘనస్వాగతం లభించింది. ఇందుకు సంబంధించిన వీడియోను బీసీసీఐ(BCCI) ఎక్స్ ఖాతాలో పోస్ట్ చేసింది. టీమిండియా ఆటగాళ్లను చూసేందుకు విమానాశ్రయానికి చేరుకున్న అభిమానులు వారితో సెల్ఫీలు  తీసుకున్నారు.  ముందుగా వైట్ బాల్ సిరీస్ జరగనుండంతో ప్రస్తుతానికి టీ20, వన్డే సిరీస్ ఆడే జట్లు మాత్రమే సౌతాఫ్రికాకు వెళ్లాయి. టెస్టు సిరీస్ ఆడే జట్టు తర్వాత వెళ్లనుంది. 

డిపెంబరు 10 నుంచి టీ20 సిరీస్, డిసెంబరు 17 నుంచి వన్డే సిరీస్ ప్రారంభంకానున్నాయి. ఆ తర్వాత రెండు టెస్టులు జరగనున్నాయి. ఈ సిరీస్‌ల కోసం భారత సెలక్టర్లు ఇప్పటికే జట్లను ప్రకటించగా తాజాగా దక్షిణాఫ్రికా కూడా జట్లను ప్రకటించింది. ప్రపంచకప్‌లో తీవ్రంగా నిరాశపర్చిన కెప్టెన్ తెంబా బావుమాను కెప్టెన్‌ పదవి నుంచే కాక టీ20, వన్డే సిరీస్‌ల నుంచి తప్పించారు. అతడి స్థానంలో ఐడెన్ మార్‌క్రమ్‌కు కెప్టెన్‌ బాధ్యతలు అప్పగించారు. రబాడాకు కూడా జట్టులో స్థానం దక్కలేదు. దక్షిణాఫ్రికాతో సిరీస్‌కు టెస్టులు, వన్డేలు, టీ20 మూడు ఫార్మాట్లకు సెలక్షన్ కమిటీ ఎంపిక చేసింది.

టీమిండియా టీ20జట్టు: సూర్యకుమార్ యాదవ్ (కెప్టెన్), యశస్వి జైస్వాల్, శుభమన్ గిల్, రుతురాజ్ గైక్వాడ్, తిలక్ వర్మ, రింకు సింగ్, శ్రేయస్ అయ్యర్, ఇషాన్ కిషన్ (వికెట్ కీపర్), జితేష్ శర్మ (వికెట్ కీపర్), రవీంద్ర జడేజా (వైస్ కెప్టెన్), వాషింగ్టన్ సుందర్, రవి బిష్ణోయ్, కుల్దీప్ యాదవ్, అర్షదీప్ సింగ్, మహమ్మద్ సిరాజ్, ముఖేష్ కుమార్, దీపక్ చాహర్.

టీమిండియా వన్డే జట్టు: కేఎల్ రాహుల్ (కెప్టెన్)(వికెట్ కీపర్), రుతురాజ్ గైక్వాడ్, సాయి సుదర్శన్, తిలక్ వర్మ, రజత్ పాటిదార్, రింకూ సింగ్, శ్రేయస్ అయ్యర్, సంజు శాంసన్ (వికెట్ కీపర్), అక్షర్ పటేల్, వాషింగ్టన్ సుందర్, యుజ్వేంద్ర చాహల్, కుల్దీప్ యాదవ్, ముఖేష్ కుమార్, అవేష్ ఖాన్, అర్షదీప్ సింగ్, దీపక్ చాహర్.

దక్షిణాఫ్రికా టీ 20 జట్టు: ఐడెన్ మార్‌క్రమ్ (కెప్టెన్), ఒట్నీల్ బార్ట్‌మన్, మాథ్యూ బ్రీట్జ్‌కే, నాండ్రే బర్గర్, గెరాల్డ్ కోయెట్జీ, డొనొవాన్‌ ఫెరీరా, రీజా హెండ్రిక్స్, మార్కో జాన్సన్, హెన్రిచ్ క్లాసెన్, కేశవ్ మహారాజ్, డేవిడ్ మిల్లర్, లుంగి ఎంగిడి, ఆండిలే ఫెహ్లుక్వాయో, షంసి, ట్రిస్టన్ స్టబ్స్, లిజాడ్ విలియమ్స్.

దక్షిణాఫ్రికా వన్డే జట్టు: ఐడెన్ మార్‌క్రమ్‌ (కెప్టెన్), ఒట్నీల్ బార్ట్‌మన్, నాండ్రే బర్గర్, టోనీ డి జోర్జి, రీజా హెండ్రిక్స్, హెన్రిచ్ క్లాసెన్, కేశవ్ మహారాజ్, మిహ్లాలీ మ్పోంగ్వానా, డేవిడ్ మిల్లర్, వియాన్ ముల్డర్, ఆండిలే ఫెహ్లుక్వాయో, షంసి, వాండర్‌ డసెన్, కైల్ వెరిన్నే, లిజాడ్ విలియమ్స్.