Redmi K50i: రెడ్‌మీ కే50ఐ వచ్చేది ఆరోజే - అధికారికంగా ప్రకటించిన కంపెనీ!

ప్రముఖ స్మార్ట్ ఫోన్ బ్రాండ్ షియోమీ తన కొత్త స్మార్ట్ ఫోన్ రెడ్‌మీ కే50ఐని జులై 20వ తేదీన లాంచ్ చేయనుంది.

రెడ్‌మీ కే50ఐ స్మార్ట్ ఫోన్ మనదేశంలో త్వరలో లాంచ్ కానుంది.

షియోమీ సబ్ బ్రాండ్ రెడ్‌మీ తన కొత్త స్మార్ట్ ఫోన్ కే50ఐ స్మార్ట్ ఫోన్ లాంచ్ చేయనున్నట్లు అధికారికంగా ప్రకటించింది. జులై 20వ తేదీన ఈ ఫోన్ లాంచ్ కానుందని కంపెనీ ట్వీట్ చేసింది. ఈ స్మార్ట్ ఫోన్ లాంచ్‌కు సంబంధించిన లీకులు గత నెల మే నుంచే రావడం మొదలైంది. రెడ్‌మీ నోట్ 11టీ ప్రోకి రీబ్రాండెడ్ వెర్షన్‌గా ఈ ఫోన్ లాంచ్ కానుందని తెలుస్తోంది.

ప్రైస్‌బాబా కథనం ప్రకారం... రెడ్‌మీ కే50ఐ 5జీ స్మార్ట్ ఫోన్ సేల్ మనదేశంలో జులై 22వ తేదీన జరగనుంది. 6 జీబీ ర్యామ్ + 128 జీబీ స్టోరేజ్, 8 జీబీ ర్యామ్ + 256 జీబీ స్టోరేజ్ వేరియంట్లలో ఈ ఫోన్ మార్కెట్లోకి ఎంట్రీ ఇవ్వనుంది. ఫాంటం బ్లూ, స్టెల్త్ బ్లాక్, క్విక్ సిల్వర్ రంగుల్లో ఈ ఫోన్ కొనుగోలు చేయవచ్చు.

రెడ్‌మీ నోట్ 11టీ ప్రో స్పెసిఫికేషన్లు
ఇప్పటివరకు వినిపిస్తున్న లీకులు నిజమైతే రెడ్‌మీ నోట్ 11టీ ప్రో ఫీచర్లే రెడ్‌మీ కే50ఐలో కూడా ఉండనున్నాయి. రెడ్‌మీ నోట్ 11టీ ప్రో ఆండ్రాయిడ్ 12 ఆధారిత ఎంఐయూఐ 13 ఆపరేటింగ్ సిస్టంపై పనిచేయనుంది. ఇందులో 6.6 అంగుళాల ఫుల్ హెచ్‌డీ+ ఎల్సీడీ డిస్‌ప్లేను అందించారు. 144 హెర్ట్జ్ రిఫ్రెష్ రేట్ ఫీచర్ ఇందులో అందించారు. టచ్ శాంప్లింగ్ రేట్ 270 హెర్ట్జ్‌గా ఉంది. 8 జీబీ వరకు ఎల్పీడీడీఆర్5 ర్యామ్ ఇందులో ఉంది. 512 జీబీ వరకు యూఎఫ్ఎస్ 3.1 స్టోరేజ్ కూడా ఇందులో ఉంది. ఆక్టాకోర్ మీడియాటెక్ డైమెన్సిటీ 8100 ప్రాసెసర్‌పై ఈ ఫోన్ పనిచేయనుంది.

ఇక కెమెరా విషయానికి వస్తే.. ఫోన్ వెనకవైపు మూడు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా.. దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో షూటర్‌లను ఇందులో అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను అందించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Xiaomi Kolhapur (@xiaomi_kolhapur)