Manav Suthar Test Debut: అఫ్గాన్ తో మ్యాచ్ లో డెబ్యూ చేసిన మానవ్ సుతార్ ఎవరు?: ప్లేయింగ్ ఎలెవెన్ లోకి గుజరాత్ టైటాన్స్ స్టార్.. 15 ఏళ్ల తర్వాత అశ్విన్, జడేజా లేకుండానే బరిలోకి..

అఫ్గానిస్తాన్ తో శనివారం ప్రారంభమైన ఏకైక టెస్ట్ మ్యాచ్ లో గుజరాత్ టైటాన్స్ స్టార్ స్పిన్నర్ మానవ్ సుతార్ ఇండియా తరఫున అంతర్జాతీయ టెస్ట్ డెబ్యూ చేశాడు.

Written By : Ayesha | Updated at : 06 Jun 2026 02:22 PM (IST)

మానవ్ సుతార్

Manav Suthar Makes Test Debut For India Against Afghanistan: ముల్లాన్‌పూర్ వేదికగా అఫ్గానిస్తాన్ తో జరుగుతున్న ఏకైక టెస్ట్ మ్యాచ్ లో ఇండియా సరికొత్త రికార్డుకు తెరలేపింది. శనివారం టాస్ గెలిచిన ఇండియన్ కెప్టెన్ శుభ్‌మన్ గిల్ ఫస్ట్ బ్యాటింగ్ ఎంచుకున్నాడు. ఈ మ్యాచ్ ద్వారా రాజస్థాన్ కు చెందిన 23 ఏళ్ల యంగ్ స్పిన్నర్ మానవ్ సుతార్ అంతర్జాతీయ టెస్ట్ క్రికెట్ లోకి ఎంట్రీ ఇచ్చాడు. సీనియర్ స్పిన్నర్ కుల్దీప్ యాదవ్ చేతుల మీదుగా అతడు డెబ్యూ క్యాప్ అందుకున్నాడు. మ్యాచ్ కంటే ముందే హర్ష్ దూబే, మానవ్ సుతార్ లలో ఎవరికి ఛాన్స్ దక్కుతుందనే సస్పెన్స్ కు ఈ సెలెక్షన్ తో తెరపడింది. ఐపీఎల్ 2026 లో గుజరాత్ టైటాన్స్ (GT) తరఫున ఆడిన మానవ్ సుతార్, ఇప్పుడు నేషనల్ టీమ్ లో తన అదృష్టాన్ని పరీక్షించుకోనున్నాడు.

రాజస్థాన్ స్పిన్ సెన్సేషన్..

మానవ్ సుతార్ కు డొమెస్టిక్ క్రికెట్ లో అద్భుతమైన రికార్డ్ ఉంది. 23 ఏళ్ల ఈ లెఫ్ట్ ఆర్మ్ స్పిన్నర్ ఇప్పటివరకు 29 ఫస్ట్ క్లాస్ మ్యాచ్ లు ఆడి ఏకంగా 129 వికెట్లు పడగొట్టాడు. దీనితో పాటు 25 లిస్ట్ ఏ మ్యాచ్ లు, 29 టీ20 మ్యాచ్ లలో కూడా పాల్గొన్నాడు. రీసెంట్ గా ముగిసిన ఐపీఎల్ 2026 సీజన్ లో గుజరాత్ టైటాన్స్ టీమ్ తరఫున 4 మ్యాచ్ లు ఆడి 2 వికెట్లు సాధించాడు. 2021 లో అక్షర్ పటేల్ డెబ్యూ చేసిన తర్వాత ఇండియా తరఫున టెస్ట్ క్యాప్ అందుకున్న ఫస్ట్ స్పెషలిస్ట్ స్పిన్నర్ గా మానవ్ సుతార్ రికార్డు సృష్టించాడు.

15 ఏళ్ల తర్వాత రేర్ రికార్డ్

ఇండియా టెస్ట్ టీమ్ మేనేజ్మెంట్ ప్రస్తుతం సీనియర్ ఆల్‌రౌండర్ రవీంద్ర జడేజాకు ఒక పర్ఫెక్ట్ లాంగ్ టర్మ్ రీప్లేస్‌మెంట్ ను వెతికే పనిలో ఉంది. అందులో భాగంగానే మానవ్ సుతార్ కు ఈ గోల్డెన్ ఛాన్స్ ఇచ్చారు. ఈ మ్యాచ్ లో మరొక ఇంట్రెస్టింగ్ అప్‌డేట్ ఉంది. నవంబర్ 2010 తర్వాత ఇండియా ఆడుతున్న టెస్ట్ మ్యాచ్ ప్లేయింగ్ ఎలెవెన్ లో రవిచంద్రన్ అశ్విన్, రవీంద్ర జడేజా ఇద్దరూ లేకపోవడం ఇదే ఫస్ట్ టైమ్. సీనియర్లు లేకుండానే యంగ్ టీమ్ తో అఫ్గాన్ ను ఢీకొట్టడానికి ఇండియా రెడీ అయింది.

అఫ్గాన్ టీమ్ లో కూడా ఒక డెబ్యూ

టాస్ గెలిచిన తర్వాత కెప్టెన్ శుభ్‌మన్ గిల్ మాట్లాడుతూ, ఇక్కడ ఎండ, ఉక్కపోత ఎక్కువగా ఉన్నాయని చెప్పాడు. మ్యాచ్ జరిగే కొద్దీ పిచ్ స్లో అయ్యే ఛాన్స్ ఉందని, అందుకే ఫస్ట్ బ్యాటింగ్ ఎంచుకున్నట్లు వివరించాడు. తన హోమ్ గ్రౌండ్ లో ఇండియాకు కెప్టెన్సీ చేయడం గొప్ప ప్రివిలేజ్ అని గిల్ సంతోషం వ్యక్తం చేశాడు. అఫ్గానిస్తాన్ కెప్టెన్ హష్మతుల్లా షాహిదీ మాట్లాడుతూ, తాము కూడా టాస్ గెలిస్తే బ్యాటింగ్ చేయాలని అనుకున్నట్లు తెలిపాడు. సవాల్ ను ఎదుర్కోవడానికి తమ టీమ్ రెడీగా ఉందని, కాబూల్ లో మంచి ప్రిపరేషన్ క్యాంప్ జరిగిందని చెప్పాడు. ఆఫ్గాన్ టీమ్ నుంచి నంగేయాలియా ఖరోటే టెస్ట్ డెబ్యూ చేశాడు.