IND vs WI: అహ్మదాబాద్‌ టెస్టులో విండీస్‌పై ఇన్నింగ్స్ 140 పరుగుల తేడాతో భారత్ విజయం- అద్భుతమైన క్యాచ్ పట్టిన నితీష్

IND vs WI: తొలి టెస్ట్‌లో వెస్టిండీస్‌ను భారత్‌ ఓడించి. 3వ రోజున ఇన్నింగ్స్ 140 పరుగుల తేడాతో విజయం సాధించింది. బ్యాటింగ్, బౌలింగ్ అన్ని విభాగాల్లో పూర్తి ఆధిపత్యం ప్రదర్శించింది.

అహ్మదాబాద్‌ టెస్టులో ఇండియా ఆధిపత్యం- విండీస్‌పై ఇన్నింగ్స్ 140 పరుగుల తేడాతో విజయం

Source : PTI

Show Quick Read

Key points generated by AI, verified by newsroom

IND vs WI: వెస్టిండీస్‌తో జరిగిన టెస్ట్ క్రికెట్‌లో భారత్ తన ఆధిపత్యాన్ని చాటుకుంది, తమ తొలి టెస్ట్ మ్యాచ్ 3వ రోజున వారిని పూర్తిగా ఓడించింది. శుబ్‌మాన్ గిల్ నేతృత్వంలోని జట్టు విజయం సాధించడానికి లక్ష్యాన్ని ఛేదించాల్సిన అవసరం లేకుండా గెలుపొందింది. ఎందుకంటే వారు మూడో రోజు రెండవ సెషన్‌లో విండీస్ జట్టును అలౌట్ చేసింది. దీంతో ఇన్నింగ్స్, 140 పరుగుల తేడాతో జయభేరీ మోగించింది. 

ఇండియా vs వెస్ట్ విండీస్: టెస్ట్ మ్యాచ్ సారాంశం

అక్టోబర్ 2, 2025న అహ్మదాబాద్‌లో స్వదేశీ జట్టు దాదాపుగా అద్భుతమైన బౌలింగ్ ప్రదర్శనతో మ్యాచ్ ప్రారంభమైంది. టాస్ ఓడిపోయిన తర్వాత విండీస్ ముందుగా బ్యాటింగ్ చేసింది.కానీ లంచ్ సమయానికి విదేశీ జట్టును 90పరుగులకే ఐదు వికెట్లు కూలిపోయాయి. ఆపై వారిని 162 పరుగులకు ఆలౌట్ చేశారు.

తర్వాత భారత్ బ్యాటింగ్‌ తిరుగులేని విధంగా సాగింది. కెఎల్ రాహుల్, ధ్రువ్ జురెల్  వైస్ కెప్టెన్ రవీంద్ర జడేజా సెంచరీలు చేశారు. అలాగే కెప్టెన్ శుభ్‌మాన్ గిల్ హాఫ్ సెంచరీతో అదరగొట్టాడు. వీరోచిత బ్యాటింగ్ కారణంగా 448 పరుగుల వద్ద భారత్ తన మొదటి ఇన్నింగ్స్‌ను డిక్లర్ చేసింది. అప్పటికే భారత్ కేవలం ఐదు వికెట్లు మాత్రమే కోల్పోయింది. భారత్ డిక్లేర్ చేయడంతో 286 పరుగుల ఆధిక్యాన్ని సాధించింది. ఈ లక్ష్యాన్ని ఛేదించి మరిన్ని పరుగులు చేసి భారత్‌కు టార్గెట్ లక్ష్యంతో విండీస్ రెండో ఇన్నింగ్స్ ప్రారంభించింది.  

వెస్టిండీస్ రెండో ఇన్నింగ్స్‌ ప్రారంభించిన తర్వాత వారి బ్యాటింగ్‌లో ఎలాంటి మార్పు లేదని అర్థమైంది. భారత్ బౌలింగ్‌ను ఎదుర్కోలేక పేకమేడలా కుప్పకూలిపోయారు. లంచ్ సమయానికి 66పరుగులకే 5వికెట్లు కోల్పోయారు. రెండో సెషన్ ప్రారంభమైన కాసేపటికే విండీస్‌ జట్టు కేవలం 146 పరుగుల వద్ద ముగించింది. ఫలితంగా, భారతదేశం మొదటి టెస్ట్ మ్యాచ్‌ను గెలుచుకుంది. మొహమ్మద్ సిరాజ్ రెండు ఇన్నింగ్స్‌లలో 7 వికెట్లు పడగొట్టాడు, 2-2తో డ్రాగా ముగిసిన ఇంగ్లాండ్ పర్యటన నుంచి  ఫామ్‌ను కొనసాగిస్తున్నాడు.

నితీష్ కుమార్ రెడ్డి కళ్లు చెదిరే క్యాచ్

తొలి టెస్ట్‌లో భారత క్రికెట్ జట్టు ఆల్ రౌండర్ నితీష్ కుమార్ రెడ్డి అద్భుతమైన క్యాచ్ పట్టి అందరినీ ఆశ్చర్యపరిచాడు. ఆ వీడియో ఇప్పుడు సోషల్ మీడియాలో వైరల్ అవుతోంది. ఈ క్యాచ్ వీడియోను BCCI తన సోషల్ మీడియా ప్లాట్‌ఫామ్‌లలో షేర్ చేసింది. వెస్టిండీస్ రెండో ఇన్నింగ్స్‌లోని ఎనిమిదో ఓవర్. మహమ్మద్ సిరాజ్ బౌలింగ్ చేస్తున్నాడు. బ్యాట్స్‌మన్ తగెనరైన్ చంద్రపాల్ ఆఫ్ సైడ్ వైపు ఆడటానికి ప్రయత్నించాడు, కానీ బంతి అతని బ్యాట్ అంచుకు వెళ్లి గాలిలోకి బౌన్స్ అయింది. ఆ తర్వాత నితీష్ రెడ్డి తన కుడి వైపుకు ఎగిరి అసాధ్యమైన డైవింగ్ క్యాచ్ తీసుకున్నాడు. బంతి అతని చేతుల్లోకి పడటంతో స్టేడియం మొత్తం చప్పట్లతో మార్మోగింది.

𝗪𝗛𝗔𝗧. 𝗔. 𝗖𝗔𝗧𝗖𝗛. 👏

Nitish Kumar Reddy grabs a flying stunner 🚀

Mohd. Siraj strikes early for #TeamIndia ☝️

Updates ▶️ https://t.co/MNXdZceTab#INDvWI | @IDFCFIRSTBank | @NKReddy07 pic.twitter.com/1Bph4oG9en

— BCCI (@BCCI) October 4, 2025

ఇండియా vs వెస్టిండీస్: తర్వాత ఏమిటి?

ఈ సిరీస్‌లో భారతదేశం ఇప్పుడు వెస్టిండీస్‌తో రెండో టెస్ట్ మ్యాచ్‌లో తలపడనుంది. ఆ మ్యాచ్ అక్టోబర్ 10, 2025 నుంచి న్యూఢిల్లీలోని అరుణ్ జైట్లీ స్టేడియంలో జరుగుతుంది.