Saturn Retrograde july 12th: కుంభం నుంచి మకరంలోకి వక్రంలో శని, ఈ రాశులవారికి అరాచకంగా ఉంది

జులై 12 నుంచి శనిగ్రహం రాశిమారనున్నాడు. కుంభ రాశి నుంచి మకర రాశిలోకి వక్రంలో ప్రయాణించనున్నాడు. ఈ ప్రభావం ద్వాదశ రాశులవారిపైనా పడుతుంది. మకరంలో శని తిరోగమనం ఎవరికి అరాచకంగా ఉంటుందో చూద్దాం...

Saturn Retrograde in Capricorn

జ్యోతిష్యశాస్త్రం ప్రకారం  నవ గ్రహాల్లో శనికి అత్యంత ప్రాధాన్యత ఉంది. గ్రహాలన్నింటిలో శని గ్రహమే అత్యంత నెమ్మదిగా ప్రయాణిస్తుంది. జులై 11 వరకూ కుంభరాశిలో ఉన్న శని... జులై 12 నుంచి కుంభ రాశి నుంచి మకరంలోకి తిరోగమనం చేయనున్నాడు. ఇదే రాశిలో అక్టోబర్ 20 వరకూ వక్రంలో ప్రయాణించి..ఆ తర్వాత కూడా ఇదే రాశిలో సంచరిస్తాడు. శని తిరోగమనం దశలో ఉన్నప్పుడు ఆ ప్రభావం 12 రాశులపైనా పడుతుంది. క్టోబరు 23 వరకూ శని వక్రంలోనే ఉంటాడు.  ఈ ఫలితంగా కొన్ని రాశులపై ప్రతికూల ప్రభావం పడుతుంది...ఆ రాశులేంటంటే...

మిథునం
మకరంలో శని సంచారం అంటే మిథున రాశివారికి శని 8వ స్థానంలో ఉన్నట్టు అర్థం. ఈ రాశివారిపై శని ప్రతికూల ప్రభావం చాలా ఎక్కువగా ఉంటుంది.  ఆరోగ్యంపై చాలా శ్రద్ధ తీసుకోవాలి. ఆస్తి సంబంధిత విషయాలు మీకు సమస్యలు సృష్టిస్తాయి. కోపాన్ని అదుపు చేసుకోవాల్సిందే. అనుకోని విభేదాలు మిమ్మల్ని చుట్టుముడతాయి. ఈ సమయంలో మీ మానసిక పరిస్థితి సరిగా ఉండదు. మీరు చేసే పనులలో కొన్ని ఆటంకాలు ఏర్పడతాయి. ఆర్థిక పరిస్థితి కూడా అంతంత మాత్రంగానే ఉంటుంది. 

కర్కాటకం
మకరంలో శని సంచారం ప్రభావం కర్కాటక రాశివారిపై మిశ్రమ ఫలితాలనిస్తుంది.  భాగస్వామ్య వ్యాపారాలు చేసేవారు నష్టాలు ఎదుర్కోక తప్పదు. వాహన ప్రమాదం ఉంది జాగ్రత్త.  తలపెట్టిన పనుల్లో ఆంటకాలు ఏర్పడతాయి. ఓపికగా పనిచేయండి. శత్రువులతో జాగ్రత్తగా ఉండాలి. ఆర్థిక పరిస్థితి బాగానే ఉంటుంది.  

తులా
శని తిరోగమనం మకర రాశివారికి ప్రతికూల ఫలితాలున్నాయి.  మానసికంగా బలహీనంగా ఉంటారు. ఉద్యోగులకు ఒత్తిడి తప్పదు. ఇంట్లో తల్లిదండ్రుల ఆరోగ్యం జాగ్రత్తగా చూసుకోవాలి. వ్యాధుల బారిన పడే అవకాశం ఉంది...ఆరోగ్యం పట్ల శ్రద్ధ అవసరం. మీ పిల్లల వైపునుంచి శుభవార్తలు వింటారు.  

ధనుస్సు
మకరంలో శని సంచారం ధనస్సు రాశివారికి అంతగా బాలేదు.  ఆర్థిక ఇబ్బందులు ఎదురవుతాయి. చీటికీ మాటికీ వివాదాలు జరుగుతాయి. అనారోగ్య సూచనలున్నాయి జాగ్రత్త. ఎవ్వరిపైనా మాట విసరొద్దు. అప్పులు ఇవ్వొద్దు, తీసుకోవద్దు. కుటుంబంలో చిన్న చిన్న ఇబ్బందులుంటాయి. మానసిక ఒత్తిడికి లోనవుతారు. తలపెట్టిన పనులు మాత్రం సక్సెస్ ఫుల్ గా పూర్తి చేయగలుగుతారు.  పనుల్లో కొన్ని ఆటంకాలు ఎదురైనా  ఎలాంటి ప్రయాస లేకుండా ఆయా పనులు పూర్తి చేస్తారు

మకరం
మకర రాశివారికి ఆదాయం పెరుగుతుంది. సోదరుల సహకారం మీకు ధైర్యాన్నిస్తుంది. శని ప్రభావం వల్ల వైవాహిక జీవితంలో మనస్పర్థలు తలెత్తుతాయి. మానసిక ఒత్తిడి ఎదుర్కోవాల్సి ఉంటుంది. కోర్టుకు సంబంధించిన వ్యవహారాల్లో విజయం సాధిస్తారు. ఖర్చులు అదుపుచేయండి. వ్యాపారులకు బాగానే ఉంది.

కుంభం
శని మార్పు కుంభరాశికి మిశ్రమ ఫలితాలు  ఇస్తుంది.  శని తిరోగమనం సమాజంలో గౌరవాన్ని పెంచుతుంది. అనవసర విషయాల్లో జోక్యం చేసుకోకుండా ఉండాలి. శత్రువుల నుంచి హానికలిగే అవకాశం ఉంది. పనికిరాని వాటికోసం డబ్బు ఖర్చు చేయొద్దు. పాత వ్యాధులు బయటపడతాయి. కుటుంబంలో అపార్థాలు పెరుగుతాయి.