Onam 2025: కేరళ సంప్రదాయ ఆటలతో ఓనం సంబరాలు - పులికలి, వల్లంకాళి, తల్లుమాల సహా ఆసక్తికర పందాలు ఇవే!
Onam 2025 Exciting Traditional Games : పులికాలి, వల్లంకాళి, ఊరి అది, తలపందుకులి వంటి సాంప్రదాయ ఆటలతో కేరళలో 2025 ఓనం వేడుకలు ఘనంగా జరుగుతున్నాయ్..
Onam 2025: ఓనం పండుగను వైభవంగా జరుపుకుంటారు మలయాళీలు. ఓనంలో భాగంగా నిర్వహించే సాంస్కృతిక ప్రదర్శనలు కన్నులపండువగా ఉంటాయ్. ఈ ఆటలను ఓనకలికల్ అని పిలుస్తారు. తరతరాలుగా అనుసరిస్తూ వస్తోన్న ఈ ఆటలు కేరళ సాంస్కృతిక స్ఫూర్తిని ప్రతిబింబిస్తాయి. శక్తివంతమైన పులికలి నుంచి ఉత్తేజకరమైన వల్లంకాళి పడవ పోటీల వరకు, ప్రతి ఈవెంట్ పండుగ సీజన్కు ఉత్సాహాన్నిస్తాయి.
ఓనం 2025 వేడుకలను గుర్తుండిపోయేలా చేసే ఏడు సాంప్రదాయ ఆటలు ఇక్కడ ఉన్నాయి.
1. పులికలి: కేరళ పులి నృత్యం
పులికలి లేదా పులి నృత్యం. కళాకారులు పులులు వేటగాళ్ళను పోలి ఉండేలా తమ శరీరాలకు రంగులు వేస్తారు. డ్రమ్స్ శబ్దాలకు ఉత్సాహంగా నృత్యం చేస్తారు. పులికలి కేవలం వినోదం మాత్రమే కాదు, ఇది సాంస్కృతిక వ్యక్తీకరణ కూడా. ఇది కేరళ కళాత్మక సంప్రదాయాలను ప్రదర్శిస్తుంది.
2. వల్లంకాళి – పాము పడవ పోటీల ఉత్కంఠ
పాము పడవ రేసు అయిన వల్లంకాళి లేకుండా ఓనం వేడుక పూర్తి కాదు. వందల మంది తెడ్డు వేసేవాళ్ళు నడిపే పొడవైన, అలంకరించిన పడవలు కేరళ బ్యాక్వాటర్స్లో దూసుకెళ్తాయి. ఈ రేసు కేవలం పోటీ మాత్రమే కాదు..ఓ జట్టుకృషి, ఓర్పు, భక్తిని ప్రదర్శిస్తుంది. వల్లంకాళి కేరళ వారసత్వానికి లోతుగా ముడిపడి ఉంది. ఈ దృశ్యం చూసేందుకు రెండు కళ్లు సరిపోవు
3. ఉరి అది – పండుగ కుండ కొట్టే ఆట
ఉరి అది అనేది సరదాగా సాగే సాంప్రదాయ ఆట, ఇక్కడ ట్రీట్లతో నిండిన మట్టి కుండను ఎత్తులో వేలాడదీస్తారు. కళ్లకు గంతలు కట్టుకుని ఆ కుండను పగలగొట్టడానికి ప్రయత్నిస్తారు. ఈ సమయంలో చుట్టూ ఉన్న ప్రేక్షకులు ఆ వ్యక్తి కాన్సన్ ట్రేషన్ తప్పించేందుకు ప్రయత్నిస్తారు. ఇవన్నీ దాటుకుని ఆ కుండను కొట్టాలి. ఉత్యంత ఉత్సాహంగా సాగే ఈ ఆట ఆడడం, చూడడం పిల్లలకు పెద్దలకు ఆనందాన్నిస్తుంది.
4. తలపంతుకలి – కేరళ సాంప్రదాయ ఫుట్బాల్
తలపంతుకలి అనేది ఫుట్బాల్ కి గ్రామీణ వెర్షన్. ఇది ఓనం పండుగ సమయంలో ఉత్సాహంగా ఆడతారు. ఇది సాంప్రదాయకంగా కొబ్బరి ఆకులు లేదా ఫైబర్లను ఉపయోగించి తయారు చేసిన బంతితో మైదానాల్లో ఆడతారు. ఇది ఓనం సూచించే ఐక్యత మరియు క్రీడాస్ఫూర్తిని ప్రతిబింబిస్తుంది. యువకులు పెద్దలు కూడా ఇందులో పాల్గొంటారు, ఇది స్థానిక వేడుకలలో ఒక ముఖ్యమైన అంశంగా మారుతుంది. ఓనం 2025లో, తలపంతుకలి ఒక శక్తివంతమైన సంప్రదాయంగా కొనసాగుతుంది, కేరళ ఆటల పట్ల ప్రేమను సజీవంగా ఉంచుతుంది.
5. అంబెయ్యల్ – సాంప్రదాయ ఆర్చరీ పోటీ
ఆర్చరీ, లేదా అంబెయ్యల్, కేరళ సాంస్కృతిక క్రీడలలో అంతర్భాగం అని చెప్పుకోవచ్చు. ఓనం సమయంలో, నైపుణ్యం కలిగినన విలుకాండ్రు వారికి సూచించిన లక్ష్యాలను కొట్టేందుకు ప్రయత్నిస్తారు. దీనికి ఏకాగ్రత, పదునైన దృష్టి అవసరం. ఈ ఆట కేరళ యొక్క యుద్ధ సంప్రదాయాల నుంచి ప్రేరణ పొందుతుంది
6. ఓనతల్లు – మార్షల్ ఆర్ట్ మోక్ ఫైట్
ఓనతల్లు అనేది సాంప్రదాయ మార్షల్ ఆర్ట్ అని చెప్పుకోవచ్చు. ఇది ఓనం పండుగ సమయంలో ప్రదర్శితమవుతుంది. పురుషులు తలపడే ఈ పోటీ ధైర్యం సామాజిక బంధానికి చిహ్నంగా చెబుతారు. ఓనతల్లు కేరళ మార్షల్ వారసత్వాన్ని హైలైట్ చేస్తుంది.
7. తల్లుమాల – తాడు లాగుడు
తల్లుమాల అనేది ప్రాథమికంగా ఓనం తాడు లాగుతారు. ఇది అన్ని వయసుల వారిని ఒకచోట చేర్చుతుంది. వారి బలం, ఓర్పు , జట్టుకృషిని సూచిస్తుంది ఈ ఆట. ఒక జట్టు విజయం సాధించే వరకు తాడు ముందుకు వెనుకకు కదులుతున్నప్పుడు ఉత్సాహం పెరుగుతుంది. తల్లుమాల అనేది ఐక్యత , స్నేహపూర్వక పోటీకి చిహ్నం
టాప్ హెడ్ లైన్స్
ట్రెండింగ్ వార్తలు
