Pawan Kalyan vs Mithun Reddy: డిప్యూటీ సీఎం పవన్కు మిథున్ రెడ్డి ఘాటు హెచ్చరిక - క్షమాపణ చెప్పకపోతే చట్టపరమైన చర్యలు
Mithun Reddy: ఏపీ డిప్యూటీ సీఎం పవన్ కల్యాణ్ పై చట్టపరమైన చర్యలు తీసుకుంటామని మిథున్ రెడ్డి హెచ్చరించారు. నిరాధారమైన ఆరోపణలపై క్షమాపణలు చెప్పాలన్నారు.
Mithun Reddy warns Deputy CM Pawan Kalyan: డిప్యూటీ సీఎం పవన్ కల్యాణ్ మంగళం అటవీ భూముల ఆక్రమణపై విడుదల చేసిన వీడియోకు వైసీపీ ఎంపీ మిథున్ రెడ్డి తీవ్ర కౌంటర్ ఇచ్చారు. “మేము 2000 సంవత్సరంలో అధికారంలో లేము.. నువ్వు మా కుటుంబం మీద కక్ష పెంచుకుని ఉన్నావు. నువ్వు చేసిన ఆరోపణలు రుజువు చేయలేకపోతే క్షమాపణలు చెప్తావా?” అంటూ పవన్కు సవాలు విసిరారు. ఈ వివాదం రాజకీయ వర్గాల్లో తీవ్ర చర్చనీయాంశంగా మారింది.
పవన్ కల్యాణ్ గురువారం మంగళంపేట అటవీ ప్రాంతంలో 76.74 ఎకరాలు పెద్దిరెడ్డి రామచంద్రారెడ్డి కుటుంబం ఆక్రమించుకున్నట్లు ఆరోపిస్తూ ఏరియల్ సర్వే వీడియోను సోషల్ మీడియాలో విడుదల చేశారు. రెవెన్యూ రికార్డులు తారుమారు చేశారని, విజిలెన్స్ చర్యలు తీసుకోవాలని అధికారులను ఆదేశించారు. ఈ వీడియో వైరల్ అయింది.
An exclusive aerial survey has exposed 76.74 acres of illegal encroachment inside the protected Mangalam Peta forest lands in the eastern ghats, linked to former Forest Minister and senior leader Sri Peddireddy Ramachandra Reddy (@peddireddyysrcp) garu. Hon’ble Deputy CM… pic.twitter.com/6OxRhJEhmb
— Deputy CMO, Andhra Pradesh (@APDeputyCMO) November 13, 2025
వెంటనే వైసీపీ ఎంపీ మిథున్ రెడ్డి సోషల్ మీడియాలో స్పందించారు. “పవన్ కల్యాణ్ గారు, మీరు చూపిన భూములు 2000 సంవత్సరంలోనే రికార్డుల్లో ఉన్నాయి. అప్పుడు మా పార్టీ అధికారంలో లేదు. టీడీపీ, కాంగ్రెస్ ప్రభుత్వాలు ఉన్నాయి. మా కుటుంబం మీద మీకు వ్యక్తిగత కక్ష ఉంది. ఈ ఆరోపణలు రాజకీయ లబ్ధి కోసమే” అని మండిపడ్డారు. “మీరు చూపిన సర్వే నంబర్లు, రికార్డులు పరిశీలిస్తే మా కుటుంబానికి సంబంధం లేదు. ఇది పాత వివాదం. మీరు హెలికాప్టర్లో తిరిగి వీడియోలు తీసి డ్రామా చేస్తున్నారు. ఈ ఆరోపణలు రుజువు చేయలేకపోతే ప్రజల ముందు క్షమాపణ చెప్పండి. లేకపోతే మేము చట్టపరమైన చర్యలు తీసుకుంటాం” అని హెచ్చరించారు.
పెద్దిరెడ్డి రామచంద్రారెడ్డి కుమారుడు అయిన మిథున్ రెడ్డి, తమ కుటుంబం ఎప్పుడూ అటవీ భూములు ఆక్రమించలేదని, అన్ని రికార్డులు చట్టబద్ధమైనవేనని స్పష్టం చేశారు. “మా ఆస్తులు పూర్వీకుల నుంచి వచ్చినవి. పవన్ కల్యాణ్ గారు రాజకీయ లబ్ధి కోసం మా కుటుంబాన్ని లక్ష్యంగా చేసుకున్నారు. ఇది అనైతికం” అని విమర్శించారు.
Mr @PawanKalyan you are good at shooting and scooting. You have done that in the past (remember red sanders remarks made by you) and ran away after I demanded you to prove the allegations. What you have shot from your helicopter is our legitimate land, we bought it in 2000.
— Mithunreddy (@MithunReddyYSRC) November 13, 2025
విజిలెన్స్ నివేదిక ఆధారంగానే చర్యలు తీసుకుంటున్నారని... రుజువులు బలంగా ఉన్నాయని అటవీ శాఖ వర్గాలు చెబుతున్నాయి. అటవీ, రెవెన్యూ అధికారులు ఇప్పటికే ఫీల్డ్ సర్వే ప్రారంభించారు.
టాప్ హెడ్ లైన్స్
ట్రెండింగ్ వార్తలు
