Nag Panchami 2025: నవ నాగశక్తులను ప్రసన్నం చేసుకునే కవచం - నాగ దోషం నుంచి విముక్తి కలిగించే అస్త్రం!

Naga Kavacham: నాగదోషం, కాల సర్పదోషం, వివాహం - సంతానానికి సంబంధించిన సమస్యలున్నవారు వివిధ రకాల శాంతులు చేయించుకుంటారు. అయితే నిత్యం ఈ కవచం పఠిస్తే మీరు ఊహించనంత ఉపశమనం లభిస్తుందంటారు పండితులు..

Naga Kavacham

Source : ABPLIVE AI

Naga Dosha Remedies:  పెళ్లి కాలేదు, ఆరోగ్యం బాలేదు, పిల్లలు కలగడం లేదని ఎవరైనా జ్యోతిష్యుడిని సంప్రదిస్తే సాధారణంగా చెప్పే విషయాలేంటంటే..  నాగదోషం ఉందని, సర్పదోషం ఉందని , గ్రహ దోషం , రాహుకేతు దోషాలున్నాయని చెబుతారు. దానికోసం శాంతులు చేయమంటారు. అయితే అందరికీ ఇది సాధ్యం కాదు. ఇలాంటి వారికి శాంతులను మించి ఉపశమనం ఇస్తుంది నాగ కవచం. వీటితో పాటూ మీ తర్వాత ఉత్తర క్రియలు చేసేవారు లేకపోతే ఆ దోషాన్ని ముందుగా తొలగిస్తుంది ఈ నాగకవచం

నాగకవచం, సుబ్రహ్మణ్యకవచం ఒకటే అనుకుంటారేమో..రెండూ వేర్వేరు. ప్రకృతిలో నవనాగశక్తులు అని ఉన్నాయి...

అనంతం వాసుకిం శేషం పద్మనాభం చ కంబలమ్ |
శంఖపాలం ధృతరాష్ట్రం తక్షకం కాళియం తథా || 

ఈ తొమ్మిది నాగశక్తులను ప్రశన్నం చేసుకునే కవచం ఇది.  

నాగుల చవితి , నాగ పంచమి (2024 ఆగష్టు 08 రాయలసీమలో నాగులచవితి, ఆగష్టు 09 న గరుడపంచమి) రోజు ఈ కవచం చదకువుకుంటే అత్యుత్తమం..మిగిలిన ఏ రోజుల్లో అయినా ఈ కవచం చేయొచ్చు.. 
నాగ కవచం (Naga Kavacham )

నాగరాజస్య దేవస్య కవచం సర్వకామదమ్ |
ఋషిరస్య మహాదేవో గాయత్రీ ఛంద ఈరితః || 

తారాబీజం శివాశక్తిః క్రోధబీజస్తు కీలకః |
దేవతా నాగరాజస్తు ఫణామణివిరాజితః || 

సర్వకామార్థ సిద్ధ్యర్థే వినియోగః ప్రకీర్తితః |
అనంతో మే శిరః పాతు కంఠం సంకర్షణస్తథా || 

కర్కోటకో నేత్రయుగ్మం కపిలః కర్ణయుగ్మకమ్ |
వక్షఃస్థలం నాగయక్షః బాహూ కాలభుజంగమః || 

ఉదరం ధృతరాష్ట్రశ్చ వజ్రనాగస్తు పృష్ఠకమ్ |
మర్మాంగమశ్వసేనస్తు పాదావశ్వతరోఽవతు || 

వాసుకిః పాతు మాం ప్రాచ్యే ఆగ్నేయాం తు ధనంజయః |
తక్షకో దక్షిణే పాతు నైరృత్యాం శంఖపాలకః || 

మహాపద్మః ప్రతీచ్యాం తు వాయవ్యాం శంఖనీలకః |
ఉత్తరే కంబలః పాతు ఈశాన్యాం నాగభైరవః || 

ఊర్ధ్వం చైరావతోఽధస్తాత్ నాగభేతాళనాయకః |
సదా సర్వత్ర మాం పాతు నాగలోకాధినాయకాః ||

ఇతి నాగ కవచమ్ |

 నాగ కవచం అర్థం

ఈ కవచం నాగరాజుకి సంబంధించినది..అన్నిరకాల కోర్కెలు తీర్చేది. నాగేంద్రుడు ఓ శిరస్సుతో కానీ చాలా శిరస్సులతో కానీ ఉన్నట్టు..తలపై మణి ఉన్నట్టు తలుచుకుని ధ్యానం చేయండి. కవచంలో రెండు భాగాలుంటాయి... ఒంట్లో భాగాలను దేవతా శక్తి ఎలా కాపాడాలో ఓ భాగం... మనచుట్టూ ఉన్న పది దిక్కుల నుంచి మనల్ని కాపాడాలని చెబుతూ రెండో భాగం ఉంటుంది. 

కవచం మొదటి భాగంలో...

శిరస్సును అనంతుడు , కంఠాన్ని సంకర్షణుడు, కళ్లను కర్కోటకుడు, చెవులను కపిలుడు, వక్షస్థలాన్ని నాగయక్షుడు, భుజాలని కాలసర్పం, 
ఉదరాన్ని ధృతరాష్టుడు అనే నాగశక్తి, వెనుక భాగాన్ని వజ్రనాగుడు, మర్మాంగాలను అశ్వశేనుడు, పాదాలను అశ్వథరుడు కాపాడాలని అర్థం....

కవచం రెండో భాగంలో..

తూర్పు దిశనుంచి వాసుకి, ఆగ్నేయ దిశలో ధనుంజయుడు, దక్షిణ దిశలో తక్షకుడు, నైరుతి దిశలో శంఖపాలుడు, పడమర వైపు మహాపద్ముడు
వాయువ్యం వైపు శంఖనీలకుడు, ఉత్తరం వైపు కంబలుడు, ఈశాన్యంలో నాగభైరవుడు, ఊర్థ్వ దిక్కున ఐరావతం అనే నాగశక్తి, అధోః దిక్కున నాగబేతాళుడు కాపాడమని వేడుకుంటున్నానని అర్థం 

నాగ కవచం పఠించాలి అనుకుంటే...ముందు శుచిగా స్నానమాచరించాలి. రజస్వల సమయం, మైల ఉన్నప్పుడు మాత్రం చదవకూడదు. ఈ కవచం చదివేటప్పుడు పచ్చిపాలు నైవేద్యంగా సమర్పించాలి. ఎలాంటి గ్రహదోషాలు, సర్పదోషాల నుంచి అయినా ఈ కవచం మిమ్మల్ని బయటపడేస్తుంది.  

మరిన్ని చదవండి

తెలిసో తెలియకో పాముల్ని చంపేస్తే ఆ దోషం నుంచి విముక్తి ఎలా?

నాగపంచమి 2025: పాలు పుట్టలో పోయాలా , నాగ శిలలకు పోయాలా? నాగులు , సర్పాలు, పాముల మధ్య వ్యత్యాసం ఏంటి?