Makar Sankranti 2024 Wishes: మకర సంక్రాంతి శుభాకాంక్షలు - మీ బంధుమిత్రులకు చెప్పేయండిలా!

Makar Sankranti 2024 Wishes: ఏబీపీ దేశం వ్యూయర్స్ అందరకీ సంక్రాంతి శుభాకాంక్షలు. మీ బంధుమిత్రులకు కూడా ఈ కొటేషన్స్ తో శుభాకాంక్షలు తెలియజేయండి..

Image Credit: Pinterest

Makar Sankranti 2024 Wishes Quotes:  సంక్రాంతి అంటే నూతన క్రాంతి. ధనస్సు రాశి నుంచి సూర్యుడు మకర రాశిలో ప్రవేశించడాన్ని మకర సంక్రమణం అంటారు. సంక్రాంతి, పొంగల్, మాఘి పేరేదైనా సందడి ఒకటే. తెలుగు రాష్ట్రాలతో పాటు మహారాష్ట్ర, కర్ణాటక, తమిళనాడు, గోవా, పశ్చిమ బెంగాల్, అస్సాం రాష్ట్రాల్లో హిందువులు, సిక్కులు ప్రముఖంగా జరుపుకునే పండగ ఇది. ఆంధ్రులకు సంక్రాంతి పెద్ద పండుగ అయితే..తెలంగాణ వాసులకు సంక్రాంతి రెండో పెద్ద పండుగ. ఈ వేడుకల్లో మీతో పాటూ  మీ ఆత్మీయులను భాగస్వామ్యం చేసేలా, మీ కుటుంబ సభ్యులకు, బంధువులకు, స్నేహితులకు, మీ ప్రియమైన వారికి శుభాకాంక్షలు ఈ కొటేషన్స్ తో చెప్పేయండి..

మీకు, మీ కుటుంబ సభ్యులకు సంక్రాంతి శుభాకాంక్షలు..

సంక్రాంతి సరదాలతో ఉప్పొంగే ఉత్సాహంతో 
ఈ పండుగను జరుపుకోవాలని కోరుకుంటూ..
 సంక్రాంతి శుభాకాంక్షలు

మీ ఇల్లు ఆనందనిలయమై
సుఖసంతోషాలతో నిండి ఉండాలని కోరుకుంటూ
సంక్రాంతి శుభాకాంక్షలు!!

ఉత్తరాయణ పుణ్యకాలాన్ని తెచ్చే మకర సంక్రమణం
జనులందరికీ వెలుగునిచ్చె నిలువెచ్చని రవికిరణం..
మీకు, మీ కుటుంబ సభ్యులకు సంక్రాంతి శుభాకాంక్షలు

ఆ గాలిపటంలా ఉన్నతంగా ఎగిరే మన ఘనత
జీవితాన్ని రంగులమయం చేసే అచ్చమైన వేడుక మన సంక్రాతి 
మీకు , మీ కుటుంబ సభ్యులకు సంక్రాంతి శుభాకాంక్షలు!

నింగి నుంచి నేలకు దిగివచ్చే హరివిల్లులు
మన ముంగిట్లో మెరిసే రంగవల్లులు
పంచెకట్టులు, పందెంకోళ్లు
హరిదాసులు, డూడూ బసవన్నలు
తెలుగు సంస్కృతి సంప్రదాయాలను గుర్తుచేస్తే అందమైన వేడుక
మీకు మీ కుటుంబ సభ్యులకు సంక్రాంతి శుభాకాంక్షలు!

ఆకుపచ్చని మామిడి తోరణాలు
పసుపు పచ్చని మేలిమి సింగారంతో మెరిసే గడపలు
ముంగిట్లో ముగ్గులు, అందమైన గొబ్బెమ్మలు
ఇంటికి తరలివచ్చే ధాన్యపురాశులు
సంక్రాంతి శుభాకాంక్షలు!

ఈ సంక్రాంతి మీ జీవితంలో కొత్త కాంతిని నింపాలని కోరుకుంటూ..
మీ అందరకీ సంక్రాంతి శుభాకాంక్షలు.

ఈ సంక్రాంతికి మీ జీవితంలో కొత్త వెలుగును ఆహ్వానించండి
అందరికీ సంక్రాంతి శుభాకాంక్షలు!

పాలలోని తెల్లదనం
చెరుకులోని తియ్యదనం
ముగ్గులోని రంగుల అందం
పండగ నాడు మీ ఇంట్లో వెల్లివిరియాలి ఆనందం
సంక్రాంతి శుభాకాంక్షలు!

తరిగిపోని ధాన్యపురాశులతో.. 
తరలివచ్చే సిరిసంపదలతో.. 
తిరుగులేని అనుబంధాల అల్లికలతో..
మీ జీవితం ఎప్పుడు దినదినాభి వృద్ధి చెందాలని కోరుతూ
సంక్రాంతి శుభాకాంక్షలు!

ఆకాశంలోకి దూసుకెళ్లే పతంగులు
ఉత్సాహాన్ని పెంచే కోడిపందాలు
ధాన్యపు రాశులతో నిండిపోయే గాదెలు
డూడూ బసవన్నల దీవెనలు
కీర్తనలు పాడే హరిదాసులు..
తనివి తీరని వేడుక
సంక్రాంతి శుభాకాంక్షలు..

భోగి మీకు భోగభాగ్యాలను
సంక్రాంతి మీకు సుఖసంతోషాలను
కనుమ కమనీయమైన అనుభూతులను అందించాలని  కోరుకుంటూ…
అందరికీ సంక్రాంతి శుభాకాంక్షలు

తెలుగుదనాన్ని లోకమంతా చాటుతూ..
మన సంప్రదాయన్ని విశ్వమంతా తెలుపుతూ..
పల్లె అందాలను ప్రపంచానికి చూపుతూ..
సంక్రాంతి పండుగను జరుపుకోండి..
అందరికీ సంక్రాంతి శుభాకాంక్షలు

కళకళలాడే ముంగిట రంగవల్లులు..
బసవన్నల ఆటపాటలు..
తెలుగువారికి సొంతమైన ఆచారాలు..
మీకు సంతోషాన్ని పంచాలి ఈ సంక్రాంతి.
అందరికీ సంక్రాంతి శుభాకాంక్షలు

వణికే చలిలో భోగిమంటలు..
కొత్త బట్టల కోసం ఎన్నో అలకలు..
మదిలో మెదిలో మధుర స్మృతులు..
అందరికీ సంక్రాంతి శుభాకాంక్షలు.

జంట సన్నాయి మేళం..
జోడు బసవన్నల తాళం..
మీ ఇంట నింపాలి ఆనంద కోలాహలం
మీకు మీ కుటుంబ సభ్యులకు సంక్రాంతి శుభాకాంక్షలు.

ఈ సంక్రాంతి మీ జీవితంలో కొత్త వెలుగులు నింపాలని, మీ భవిష్యత్ మరింత ఉండాలని మనసారా కోరుకుంటూ..
మీకు, మీ కుటుంబసభ్యులకు ఏబీపీ దేశం తరపున సంక్రాంతి శుభాకాంక్షలు