Sri Subhakrit Nama Samvatsaram: 2022-2023 ఈ రాశివారికి ఏలినాటిశని ప్రభావంతో అంతా పరీక్షా కాలమే, అదొక్కటే ఉపశమనం

ఉగాది రాగానే కొత్త ఏడాదిలో ఆదాయ, వ్యయాలు...అనుకూల-ప్రతికూలతలు ఎలా ఉన్నాయో తెలుసుకునే ఆసక్తి చాలామందిలో ఉంటుంది. శ్రీ శుభకృత్ నామ సంవత్సరంలో ఏ రాశివారికి ఎలా ఉందో ఇక్కడ తెలుసుకోండి

శ్రీ శుభకృత్ నామ సంవత్సరం 2022-2023

శ్రీ శుభకృత్ నామసంవత్సరం(2022-2023)లో మకరరాశి రాశి ఫలితాలు

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు 
ఆదాయం : 5, వ్యయం : 2, రాజ్యపూజ్యం : 2, అవమానం : 4

శ్రీ శుభకృత్ నామ సంవత్సరంలో మకరరాశి వారికి ధనం, సంపద, కుటుంబ కారకుడైన గురుడు తృతీయంలో, లగ్నాధిపతి అయిన శని జన్మంలో , రాహు కేతువులు 4,10 స్థానాల్లో ఉండటం వల్ల ఏ పని చేసినా కలసిరాదు. కానీ మనోబలంతో అభీష్టాలు సిద్ధిస్తాయి. ఇంకా ఈ ఏడాది ఎలా ఉందంటే...

• ఈ ఏడాది ఆదాయం గతంలోకన్నా ఉత్తమంగా ఉంటుంది.స్థిరాస్తులు వృద్ధి చేస్తారు.
• ధనవ్యయం లేకుండా ఏపనీ పూర్తిచేయలేరు
• రావాల్సిన బాకీలు వసూలు కావడం అతి కష్టం
• ఇంట్లో మనశ్సాంతి ఉండదు,అకారణంగా మాటలు పడటం, అనారోగ్యం
• మొదటి ఆరునెలలు కన్నా... తర్వాతి ఆరు నెలల్లో కాస్త ఉపశమనం ఉంటుంది
• ఇంట్లో శుభకార్యాలు జరుగుతాయి కానీ చాలా అడ్డంకులను అధిగమించాలి
• దొంగల భయం ఉండొచ్చు, ఆందోళన కలిగించే సంఘటనలు జరుగుతాయి
• శని జన్మంలో ఉన్నందున తృతీయంలో ఉన్న గురుడు కూడా మంచి ఫలితాలను ఇవ్వలేడు
• ప్రతివిషయంలోనూ జాగ్రత్తగా ఉండాలి, మనోధైర్యంతో వ్యవహరించాలి
• కోర్టు వ్యవహారాల్లో చిక్కులు ఎదురవుతాయి, ఎవరికీ హామీలివ్వకండి
• ఎంతో ఓర్పు, సహనం ఉన్నప్పటికీ అపనిందలు తప్పవు
• మీ మంచితనం కాపాడుతుంది. ధర్మబుద్ధితో పనిచేస్తే కష్టాలు తొలగిపోతాయి
• ఉద్యోగులకు మిశ్రమ ఫలితాలుంటాయి
• వ్యాపారంలో జాగ్రత్త వహించాలి
• తగిన ప్రణాళికతో ముందుకెళితే విద్యార్థులు సాధిస్తారువ్యవసాయ, తోటల రంగాల వారికి ఆశాజనకంగా ఉంటుంది
• పంట దిగుబడి, గిట్టుబాటు ధర లభిస్తాయి
• వ్యాపారాలు సామాన్యంగా సాగుతాయి, నూతన వ్యాపారాలు కలసిరావు, హోల్ సేల్ వ్యాపారులు, స్టాక్ మార్కెట్ వారికి కొత్త సమస్యలు ఎదురవుతాయి
• ఆధ్యాత్మికతపై ఆసక్తి పెరుగుతుంది

మొత్తంమీద  ఈ రాశివారికి ఈ ఏడాదంతా పరీక్షాకాలమే అన్నట్టుంటుంది. గ్రహబలం అస్సలు లేకపోవడంతో దైవబలం, మనోబలంతో ముందుకు సాగాలి....

నోట్: పండితుల సూచనలు, కొన్ని పుస్తకాల ఆధారంగా రాసిన విషయాలివి...వీటిని ఎంతవరకూ విశ్వసించాలి అనేది పూర్తిగా మీ వ్యక్తిగతం

ఏబీపీ దేశం వ్యూయర్స్ అందరకీ శ్రీ శుభకృత్ నామ సంవత్సరం శుభాకాంక్షలు.