Lokesh Sakshi : ఆ పత్రిక నుంచి రూ. 75 కోట్లు డిమాండ్ చేస్తున్న లోకేష్ ! గురువారం విశాఖకు...

తనపై తప్పుడు వార్తలు రాసినందున 75కోట్లు చెల్లించాలని ఓ దినపత్రికపై లోకేష్ న్యాయపోరాటం చేస్తున్నారు. ఈ కేసులో విచారణకు హాజరయ్యేందుకు గురువారం విశాఖ వెళ్లనున్నారు.

గురువారం విశాఖ కోర్టుకు హాజరు కానున్న లోకేష్

తెలుగుదేశం పార్టీ జాతీయ ప్రధాన కార్యదర్శి నారా లోకేష్ ( Nara Lokesh ) గురువారం విశాఖ కోర్టుకు ( Vizag Court ) హాజరుకానున్నారు. తనపై అసత్య ఆరోపణలు ప్రచురించారని ఓ దినపత్రిక ( News Paper )  పై లోకేష్ రూ.75 కోట్లకు విశాఖ 12వ అదనపు జిల్లా జడ్జి కోర్టులో పరువునష్టం దావా వేశారు. 2019 అక్టోబ‌ర్ 22న విశాఖ విమానాశ్రయంలో ( Vizag Air port ) లోకేష్ ప్రజాధనం తో  రూ. 25 లక్షలకు చిరుతిళ్లు తిన్నారని ఓ పత్రికలో కథనం ప్రచురితమైంది. పత్రిక ప్రచురించిన తేదీల్లో తాను విశాఖలో లేనని ప్రభుత్వం ఆహ్వానం మీద వచ్చే అతిధుల మర్యాదల కోసం వెచ్చించే ప్రోటోకాల్ ఖర్చును తనపై అసత్యాలతో ప్రచురించారంటూ లోకేష్ వివరణ ఇచ్చారు. క్షమాపణలు చెప్పాలని నోటీసులు ఇచ్చారు. ఆ వార్తను ప్రచురించిన కొన్ని పత్రికలు క్షమాపణలు చెప్పాయి. 

అయితే ఓ తెలుగు ప్రముఖ దినపత్రిక ( Telugu News Paper ) మాత్రం క్షమాపణ చెప్పేందుకు నిరాకరించింది. దీంతో ఆయన కోర్టులో పిటిషన్ వేశారు.  రూ. 75 కోట్లకు పరువు నష్టం కేసు దాఖలు చేశారు. ఈ కేసు విచారణకు సంబంధించి  విశాఖ కోర్టుకు లోకేష్ ( Vizag ) స్వయంగా హాజరుకావాలని నిర్ణయించుకున్నారు.ఆ పత్రిక ఏపీ అధికార పార్టీకి ( Ruling Party ) సంబంధించిన వారిది కావడంతో ప్రత్యేకంగా లోకేష్‌ను టార్గెట్ చేసుకుని ఎన్నో కథనాలు రాస్తోందని అలా వదిలేస్తే పెద్ద ఎత్తున అసత్య కథనాలతో విరుచుకుపడుతుందని అందుకే న్యాయపోరాటం ద్వారా బుద్ది చెప్పాలని నిర్ణయించుకున్నామని టీడీపీ ( TDP ) వర్గాలు చెబుతున్నాయి. 

ఈ కేసు విచాణరకు ఆ పత్రిక ప్రతినిధులు హాజరవుతారో లేదో స్పష్టత లేదు. కానీ అయితే క్షమాపణ చెప్పాలి లేకపోతే నష్టపరిహారం చెల్లించాలన్న పట్టుదలగా లోకేష్ న్యాయపోరాటం చేయాలని నిర్ణయించుకున్నారు. నిజానికి ఆ పత్రిక రాసిన కథనం తప్పు అని పూర్తి డాక్యుమెంట్లతో టీడీపీ నేతలు ఇప్పటికే ఆ వార్త రాసిన పత్రికలన్నింటికీ పంపారు. దీంతో వార్త ప్రచురించిన వారు క్షమాపణలు కూడా చెప్పారు. దీంతో న్యాయపోరాటం ద్వారా ఆ పత్రికతో క్షమాపణలు అయినా చెప్పించుకోవడం లేదా నష్టపరిహారం అయినా వసూలు చేయడం ఖాయమని లోకేష్ సన్నిహితులు ధీమాతో ఉన్నారు.