అన్వేషించండి

Telangana HC Judge Passed Away: తెలంగాణ హైకోర్టు జడ్జి కన్నుమూత.. ఇవాళ కోర్టులన్నింటికీ సెలవు

By : ABP Desam | Updated at : 09 Aug 2021 10:53 AM (IST)

జస్టిస్ పి. కేశవరావు కన్నుమూత (ఫైల్ ఫొటో)

1/3

తెలంగాణ హైకోర్టులో సిట్టింగ్ జడ్జిగా ఉన్న జస్టిస్‌ పొట్లపల్లి కేశవరావు(60) కన్నుమూశారు. ఆరోగ్య సమస్యలతో యశోద ఆస్పత్రిలో చికిత్స పొందుతున్న ఆయన సోమవారం (ఆగస్టు 9) తుదిశ్వాస విడిచారు. జస్టిస్‌ పి.కేశవరావు మరణంతో రాష్ట్రంలోని కోర్టులకు తెలంగాణ హైకోర్టు ఒకరోజు సెలవు ప్రకటించింది. హైకోర్టు న్యాయమూర్తి చనిపోవడం పట్ల తెలంగాణ సీఎం కేసీఆర్‌తో పాటు ప్రణాళికా సంఘం ఉపాధ్యక్షుడు వినోద్‌, పలువురు ప్రముఖులు సంతాపం వ్యక్తం చేశారు. ఈ మధ్యాహ్నం 3 గంటలకు జూబ్లీహిల్స్‌లోని మహాప్రస్థానం శ్మశాన వాటికలో జస్టిస్‌ కేశవరావు అంత్యక్రియలు జరగనున్నాయి.

2/3

వరంగల్ కాకతీయ యూనివర్సిటీలో జస్టిస్ పి.కేశవరావు గ్రాడ్యుయేషన్ పూర్తి చేశారు. ఉమ్మడి ఆంధ్రప్రదేశ్‌లో 1986లో బార్ కౌన్సిల్‌లో సభ్యుడిగా చేరారు. 2017 సెప్టెంబర్‌ 21 నుంచి తెలంగాణ హైకోర్టు న్యాయమూర్తిగా జస్టిస్‌ పి.కేశవరావు సేవలు అందిస్తున్నారు.

3/3

హైకోర్టు న్యాయమూర్తి జస్టిస్‌ పి.కేశవరావు మృతి పట్ల సీఎం కేసీఆర్‌ సంతాపం వ్యక్తం చేశారు. పేదలకు న్యాయమూర్తి అందించిన న్యాయ సేవలను గుర్తు చేసుకున్నారు. జస్టిస్‌ కేశవరావు కుటుంబసభ్యులకు కేసీఆర్ ప్రగాఢ సానుభూతి తెలిపారు.

Published at : 09 Aug 2021 10:49 AM (IST)

Tags :

Telangana High Court Judge P Kesava Rao High Court Judge Death Holiday Telangana High Court