Team India: 2022 బెస్ట్‌ పెర్ఫార్మర్లు వీరే! కిర్రాక్‌ పెట్టించిన సూర్య, పంత్‌, స్మృతి!

Team India: 2022లో వివిధ ఫార్మాట్లలో రాణించిన క్రికెటర్ల పేర్లను బీసీసీఐ విడుదల చేసింది. ఈ మధ్యే ప్రమాదానికి గురైన రిషభ్ పంత్‌ టెస్టుల్లో బెస్ట్‌ పెర్ఫార్మర్‌గా నిలవడం గమనార్హం.

టీమ్‌ఇండియా

పొట్టి క్రికెట్లో సూర్యకుమార్‌, భువీ అత్యుత్తమ ప్రదర్శన చేశారు. సూర్య 31 మ్యాచుల్లో 1164 పరుగులు, 2 సెంచరీలు కొట్టాడు. భువీ 32 మ్యాచుల్లో 6.98 ఎకానమీ, 19.56 సగటుతో 37 వికెట్లు పడగొట్టాడు.

అమ్మాయిల టీ20ల్లో స్మృతి మంధాన, దీప్తి శర్మ అగ్రస్థానంలో నిలిచారు. స్మృతి 23 మ్యాచుల్లో 594 రన్స్‌ చేయగా, దీప్తి 25 మ్యాచుల్లో 29 వికెట్లు పడగొట్టింది.

వన్డేల్లో శ్రేయస్‌ 17 మ్యాచుల్లో 724 రన్స్‌ కొట్టాడు. మహ్మద్‌ సిరాజ్‌ 15 మ్యాచుల్లో 24 వికెట్లు పడగొట్టాడు.

అమ్మాయిల వన్డేల్లో హర్మన్‌ప్రీత్‌ 17 మ్యాచుల్లో 754 రన్స్‌ చేయగా, రాజేశ్వరీ గైక్వాడ్‌ 17 మ్యాచుల్లో 24 వికెట్లు సాధించింది.

టెస్టుల్లో రిషభ్‌ పంత్‌, జస్ప్రీత్‌ బుమ్రా బెస్ట్ పెర్ఫార్మర్లు. పంత్‌ 7 మ్యాచుల్లో 680 కొట్టగా బుమ్రా 5 మ్యాచుల్లో 22 వికెట్లు తీశాడు. (All Images @bcci)