YouTube Shorts Income vs Instagram Reels Earnings : యూట్యూబ్ షార్ట్స్ VS ఇన్​స్టాగ్రామ్ రీల్స్.. ఇండియాలో వేటినుంచి ఎక్కువ డబ్బులు వస్తాయో తెలుసా?

YouTube Shorts vs Instagram Reels : యూట్యూబ్ షార్ట్స్ వర్సెస్ ఇన్స్టాగ్రామ్ రీల్స్.. ఈ మధ్య ఈ రెండూ బాగా ప్రాచూర్యం. అయితే వీటిలో ఏ షార్ట్ వీడియోల ద్వారా ఎక్కువ సంపాదించవచ్చో తెలుసా?

యూట్యూబ్ షార్ట్.. ఇన్​స్టాగ్రామ్ రీల్స్

యూట్యూబ్ షార్ట్స్​ని గూగుల్ 2021లో ప్రారంభించింది. 100 కంటే ఎక్కువ దేశాలలో ఇది అందుబాటులో ఉంది. యూట్యూబ్ షార్ట్స్ ఫండ్.. తరువాత రెవెన్యూ షేరింగ్ మోడల్​ని ప్రారంభించింది. దీనివల్ల క్రియేటర్స్ నేరుగా యాడ్ రెవెన్యూలో భాగం పొందుతున్నారు.

యూట్యూబ్​లో షార్ట్స్ మధ్యలో ప్రకటనలు వచ్చినప్పుడు.. ఆ ఆదాయంలో దాదాపు 45% క్రియేటర్లకు అందుతుంది. ఒకవేళ ఏదైనా క్రియేటర్ వీడియోలు నిరంతరం వైరల్ అయితే.. వ్యూస్​ లక్షల్లోకి వెళితే.. ప్రతి నెలా 10,000 నుంచి 2 లక్షల రూపాయల వరకు సంపాదించే అవకాశం ఉంది.

అంతేకాకుండా YouTube Monetization ప్రోగ్రామ్ కూడా ఉంది. దీని ద్వారా క్రియేటర్స్ Super Thanks, Membership, Brand Deals ద్వారా కూడా సంపాదిస్తారు. ముఖ్యమైన విషయం ఏమిటంటే.. YouTube Shortsలో దీర్ఘకాలిక ఆదాయానికి అవకాశం ఎక్కువట.

మరోవైపు Instagram Reels కూడా యువతలో బాగా ప్రాచుర్యం పొందాయి. రీల్స్​పై లక్షలాది మంది ఫాలోవర్లను సంపాదించడం అంత సులభం కాదు. కానీ ఎవరైతే సాధిస్తారో వారు పెద్ద బ్రాండ్లతో స్పాన్సర్​షిప్ డీల్స్ ద్వారా మంచి ఆదాయం పొందుతారు. Meta మొదట Reels Bonus Program ప్రారంభించింది. దీనిలో కొన్ని దేశాలలోని క్రియేటర్లకు 50,000 నుంచి 3 లక్షల రూపాయల వరకు లభించేవి. అయితే భారతదేశంలో ఈ ఫీచర్ ఇప్పుడు అందుబాటులో లేదు.

ఇండియాలో రీల్స్ ద్వారా నేరుగా సంపాదన ఉండదు. కానీ బ్రాండ్ ప్రమోషన్, అనుబంధ మార్కెటింగ్ ద్వారా ఆదాయం వస్తుంది. మీకు ఎంత ఎక్కువ మంది ఫాలోవర్లు, ఎంగేజ్‌మెంట్ ఉంటే.. బ్రాండ్‌లు మీ వీడియోలను ప్రచారం చేయడానికి అంత ఎక్కువ డబ్బు ఇస్తాయి. అంటే Instagram లో సంపాదన అనేది ఫాలోవర్లు, బ్రాండ్ విలువపై ఆధారపడి ఉంటుంది. అయితే YouTube లో సంపాదన వ్యూస్, యాడ్స్ నుంచి వస్తుంది.

ఆదాయం పరంగా సంపాదనలో YouTube Shorts బెస్ట్. ఎందుకంటే ఇక్కడ రెవెన్యూ షేరింగ్ మోడల్ ప్రకారం.. ప్రతి వ్యూ, ప్రకటన నుంచి వచ్చే వాటా క్రియేటర్​కు నేరుగా లభిస్తుంది. అదే సమయంలో Instagramలో సంపాదన బ్రాండ్ డీల్స్ లేదా సహకారాలకే పరిమితమైంది.

మీరు కొత్త కంటెంట్ క్రియేటర్ అయితే స్థిరమైన ఆదాయం కోసం.. YouTube Shorts మంచిది. మీ లక్ష్యం రీచ్ కోసం అయితే Instagram Reels మీకు వేగంగా గుర్తింపు ఇవ్వగలుగుతాయి.