New Rules for Aadhaar : ఆధార్ కార్డ్ అప్​డేట్ చేయడానికి ఈ డాక్యుమెంట్స్ చాలా అవసరం.. UIDAI న్యూ రూల్స్

New UIDAI Guidelines for Aadhaar : ఆధార్ కార్డ్ అప్​డేట్ చేసుకోవడానికి ఈసారి కొన్నిడాక్యుమెంట్స్ కచ్చితంగా ఉపయోగించాలని న్యూ రూల్స్ తీసుకొచ్చారు. అవేంటో ఇప్పుడు తెలుసుకుందాం.

ఆధార్ కార్డ్ అప్డేట్స్ (Image Source : Envato)

ఆధార్ కార్డుకు సంబంధించిన ఏదైనా మార్పులు చేయించుకోవాలా? అయితే మీరు మునుపటి కంటే ఎక్కువ జాగ్రత్తగా ఉండాలి. ఎందుకంటే UIDAI కొన్ని కొత్త నిబంధనలను అమలు చేసింది. ఇది ఆధార్ కార్డు హోల్డర్లపై ప్రభావం చూపుతుంది.

ఆధార్ కార్డ్ తయారు చేయించుకోవడం, అప్డేట్ చేయించుకోవడానికి కొన్ని నిబంధనలు వచ్చాయి. ఇకపై ఎవరైనా ఆధార్ కార్డ్ తయారు చేయించుకున్నా లేదా అప్డేట్ చేయించుకున్నా.. దాని కోసం ఏయే డాక్యుమెంట్లు ఉపయోగించాలో ఇప్పుడు తెలుసుకుందాం.

ఈ నిబంధనలు ఇండియాలో ఉండేవారికే కాదు.. ప్రవాస భారతీయిలకు కూడా వర్తిస్తాయి. అంటే OCI కార్డ్ హోల్డర్లు, 5 సంవత్సరాలు పైబడిన పిల్లలు, ఇండియాలో దీర్ఘకాలిక వీసాపై ఉంటున్న వారికి కూడా ఇవి వర్తిస్తాయి.

ఈ నిబంధనల్లో నాలుగు రకాల డాక్యుమెంట్లు ముఖ్యంగా ఉన్నాయి. ఒకటి గుర్తింపు కార్డు(Proof of Identity), అడ్రెస్ ప్రూఫ్ (Proof of Adress), పుట్టిన తేదీ (DOB), సంబంధం రుజువు (POR) ఉన్నాయి. ఈ కేటగిరీల కోసం ఏయే డాక్యుమెంట్లు చెల్లుబాటు అవుతాయో UIDAI వెబ్సైట్, పోర్టల్లో అందుబాటులో ఉన్నాయి.

ఐడెంటీ కార్డు కోసం మీరు పాస్​పోర్ట్, పాన్ కార్డ్, ఓటర్ ఐడీ, డ్రైవింగ్ లైసెన్స్, ప్రభుత్వ ఫోటో ఐడి, జాబ్ కార్డ్, పెన్షనర్ ఐడి, ట్రాన్స్జెండర్ గుర్తింపు కార్డు వంటి డాక్యుమెంట్లు స్వీకరిస్తారు. ఈ-పాన్ కూడా ఉపయోగించవచ్చు.

అడ్రెస్ కోసం కరెంట్ బిల్, నీరు, గ్యాస్ లేదా టెలిఫోన్ రీసెంట్ బిల్స్ సబ్మీట్ చేయొచ్చు. బ్యాంక్ పాస్​బుక్, రేషన్ కార్డు, అద్దె ఒప్పందం పత్రం లేదా ప్రభుత్వం జారీ చేసిన నివాస ధృవీకరణ పత్రాన్ని ఉపయోగించవచ్చు. డాక్యుమెంట్ 3 నెలల కంటే పాతది అవ్వకూడదు.

పుట్టిన తేదీని మార్చుకోవడానికి ఇకపై పాస్‌పోర్ట్, స్కూల్ మార్క్‌షీట్, పెన్షన్ డాక్యుమెంట్లు లేదా ప్రభుత్వం జారీ చేసిన పుట్టిన తేదీ ధృవీకరణ పత్రం వంటి డాక్యుమెంట్లు అవసరం. UIDAI ఈ డాక్యుమెంట్ల ద్వారా ప్రతి వివరాలను ధృవీకరిస్తుంది. తద్వారా ఆధార్‌లో తప్పులు జరిగే అవకాశం దాదాపు ఉండదు.