Hidden Camera : హోటల్ గదిలో రహస్య కెమెరా ఉందా? ఇలా సులభంగా తెలుసుకోండి

Secret Camera : హోటల్ గదిలో హిడెన్ కెమెరా ఉందనే అనుమానం వస్తే జాగ్రత్తగా ఉండాలి. మీ గోప్యతను కాపాడుకోవడానికి కొన్ని సులభమైన మార్గాలు తెలుసుకోండి.

సీక్రెట్ కెమెరాను ఇలా గుర్తించండి

సాంకేతికత అభివృద్ధి పెరిగే కొద్ది.. చిన్న కెమెరాలు కూడా మార్కెట్లో సులభంగా లభిస్తున్నాయి. వీటిని ఎక్కడైనా అమర్చవచ్చు. ఎదుటివ్యక్తికి తెలియకుండానే వీటిని హైడ్ చేసి పెట్టొచ్చు. హోటల్ వంటి ప్రదేశాలలో కూడా ఈ సీక్రెట్ కెమెరాలను ఉయోగిస్తున్నారు.

అనేక సందర్భాల్లో హోటల్ గదుల్లో హిడెన్ కెమెరాను గుర్తించినట్లు వార్తలు వచ్చాయి. మీరు హోటల్‌కు వెళ్తే.. మీ గదిలో ఏదైనా హిడెన్ కెమెరా ఉందో లేదో ఇలా చెక్ చేసేయండి.

హిడెన్ కెమెరాలు సాధారణంగా టీవీ దగ్గర, స్మోక్ డిటెక్టర్లు, ఛార్జింగ్ పాయింట్లు, అలారం గడియారాలు లేదా గోడపై అలంకరణ వస్తువుల్లో పెడతారు. కాబట్టి ముందుగా హోటల్‌కు వెళ్లిన తర్వాత ముందుగా విషయాలను జాగ్రత్తగా పరిశీలించాలి.

మొబైల్ ఫోన్​తో కూడా వీటిని గుర్తించుకోవచ్చు. దీనికోసం గదిలోని లైట్ ఆఫ్ చేసి ఫోన్ కెమెరాను ఆ ప్రదేశాలలో తిప్పండి. ఎక్కడైనా ఎరుపు రంగు కాంతి కనిపిస్తే అక్కడ లెన్స్ దాగి ఉండవచ్చు. దీనితో పాటు కొన్ని ప్రత్యేక యాప్​లు కూడా ఉన్నాయి. ఇవి హిడెన్ డివైజ్ లను గుర్తించడంలో సహాయపడతాయి.

మిర్రర్స్ కూడా చెక్ చేసుకోవాలి. కొన్నిసార్లు టూ-వే అద్దాల వెనుక కెమెరాలను అమరుస్తారు. ఇది తెలుసుకోవడానికి.. అద్దంపై వేలు పెట్టండి. మీ వేలి ప్రతిబింబం నేరుగా తాకినట్లయితే, అనుమానించాలి. సాధారణ అద్దంలో వేలికి, ప్రతిబింబానికి మధ్య కొంచెం ఖాళీ కనిపిస్తుంది.

గదిలో ఏదైనా అనుమానాస్పదంగా అనిపిస్తే వెంటనే హోటల్ మేనేజ్‌మెంట్‌కు ఫిర్యాదు చేయండి. అవసరమైతే పోలీసులను సంప్రదించండి. గోప్యత అనేది ప్రతి ఒక్కరి హక్కు. కాబట్టి హోటల్‌కు వెళ్లినప్పుడల్లా అప్రమత్తంగా ఉండాలి.