Glow Up this Diwali : దీపావళి స్పెషల్ బ్యూటీ టిప్స్.. నిమిషాల్లో మెరిసే చర్మాన్ని అందించే ఫేస్ ప్యాక్​లు

Diwali beauty tips :దీపావళికి మీరు కూడా దీపంలో మెరిసిపోవాలనుకుంటున్నారా? అయితే స్కిన్​కి హానీ చేయని, కెమికల్స్ లేని ఫేస్ ప్యాక్స్​ ట్రై చేయవచ్చు. ఇంట్లోనే చేసుకోగలిగే ఫేస్ ప్యాక్స్​ ఏంటో చూసేద్దాం.

దీపావళి బ్యూటీ టిప్స్ (Images Spurce : Envato)

కుంకుమ పువ్వుతో ఇన్​స్టాంట్ గ్లో తెప్పించుకోవచ్చు తెలుసా? కొన్ని కుంకుమ పువ్వులను పాలల్లో రాత్రి నానబెట్టాలి. ఉదయాన్నే దానిలో తేన కలిపి ముఖానికి అప్లై చేయాలి. దీనిని పావు గంట ఉంచి.. గోరువెచ్చని నీటితో కడిగితే మెరిసే చర్మం మీ సొంతమవుతుంది.

పసుపుతో ఎన్నో స్కిన్ కేర్ ప్రయోజనాలు పొందవచ్చు. ఇది స్కిన్​ టోన్​ని మెరుగుపరుస్తుంది. పిగ్మెంటేషన్​ను తగ్గిస్తుంది. శనగపిండిలో పసుపు, పెరుగు వేసి చిక్కని పేస్ట్​గా చేసుకోవాలి. దీనిని ముఖానికి అప్లై చేసి పావు గంట తర్వాత చల్లని నీటితో కడిగేయాలి.

రోజ్ వాటర్​ స్కిన్​ కేర్​ రోటీన్​లో ఉపయోగిస్తే మంచి బెనిఫిట్స్ ఉంటాయి. ఇది సహజమైన టోనర్​గా పనిచేస్తుంది. రోజ్​ వాటర్​ను కాటన్ పాడ్​ను ముంచి ముఖాన్ని క్లెన్సింగ్ చేసుకోవాలి. ఇది స్కిన్​ని క్లియర్ చేసి ఫ్రెష్ ఫీలింగ్ ఇస్తుంది.

బాదం నూనెలో విటమిన్ ఈ ఉంటుంది. దీనిలోని ఫ్యాటీ యాసిడ్స్ చర్మాన్ని లోపలి నుంచి హైడ్రేట్ చేస్తాయి. చర్మాన్ని మృదువుగా చేస్తాయి. కొంచెం బాదం నూనెను చేతుల్లో తీసుకుని.. దానిని ముఖంపై మసాజ్ చేసుకోవాలి. రాత్రుళ్లు నిద్రపోయే ముందు ఇలా చేస్తే ఉదయాన్నే మంచి గ్లో వస్తుంది.

గంధం పొడిని ఎన్నో ఏళ్లుగా స్కిన్​ కేర్​ కోసం ఉపయోగిస్తున్నారు. ఈ పొడిలో రోజ్ వాటర్ వేసి పేస్ట్​గా చేసి.. దానిని ముఖానికి ప్యాక్​గా వేసుకోవాలి. అది ఆరేవరకు ఉంచి.. అనంతరం గోరువెచ్చని నీటితో కడిగేయాలి. ఇది మెరిసే, క్లియర్ స్కిన్​ని ఇస్తుంది.

మీకు ఓపెన్ పోర్స్ ఉంటే ముల్తానీ మట్టి చాలా మంచిది. దీనిలో రోజ్ వాటర్ వేసి ఆ పేస్ట్​ని ముఖానికి అప్లై చేయాలి. దానిని పావుగంట ఉంచి.. చల్లని నీటితో కడిగేయాలి. ఇది మీకు రిఫ్రెష్ ఫీలింగ్ ఇస్తుంది.

ఈ ఫేస్ ప్యాక్​లను పండుగ సమయంలోనే కాకుండా రెగ్యూలర్​గా ఫాలో అయితే మీ స్కిన్ అందంగా, హైడ్రేటింగ్​గా ఉంటుంది. మెరిసే గ్లోయింగ్ స్కిన్ మీ సొంతమవుతుంది.