Neha Deshpande: 'కాంతార' కోసం ఖాకీ చొక్కా వేసిన నేహా... ఏయే సినిమాలు చేసిందో తెలుసా?

ETV Serial Kantara: ఈటీవీలో ప్రసారమయ్యే సీరియల్ 'కాంతార' కోసం పోలీసుగా మారింది నేహా దేశ్‌పాండే. అన్నట్టు ఈ అమ్మాయి సినిమాలలో హీరోయిన్ రోల్స్ కూడా చేసింది. మరి ఆ సినిమాలు ఏవో తెలుసా!?

'కాంతార' కోసం ఖాకీ చొక్కా వేసిన నేహా... ఏయే సినిమాలు చేసిందో తెలుసా? 

ETV Serial Kantara Cast: ఈటీవీ సీరియల్ 'కాంతార' నటీనటుల లిస్టులో నేహా దేశ్‌పాండే కూడా చేరింది. ఆవిడ పోలీసు రోల్ చేస్తోంది. ఆల్మోస్ట్ రెండు నెలల క్రితమే షూటింగ్ కూడా కంప్లీట్ చేసింది. త్వరలో ఆవిడ క్యారెక్టర్ సీరియల్ లో ఎంటర్ కానుంది.

'కాంతార'లో ఖాకి చొక్కా వేసిన నేహా దేశ్‌పాండే ఒకప్పుడు హీరోయిన్ రోల్స్ చేసింది. స్టార్ హీరోల సినిమాలు చేయలేదు. కానీ, చోటామోటా హీరోల పక్కన ఆల్మోస్ట్ పదికి పైగా సినిమాలు చేసింది. ఏయే సినిమాలు చేసిందో తెలుసా?

'వజ్రాలు కావాలా నాయనా' పేరుతో 2017లో ఒక సినిమా వచ్చింది. అందులో నేహా దేశ్‌పాండే హీరోయిన్. అప్పటికి ఆవిడ మెయిన్ రోల్స్ చేయడం మొదలుపెట్టి మూడేళ్లు. 2014లో 'దిల్ దివానా', 2017లో 'ది బెల్స్' సినిమాలు చేసింది నేహా. ఆ తరువాత 'వాడేనా', 'బిచ్చగాడు మజాకా' వంటి సినిమాల్లోనూ నటించింది.

'తిప్పరా మీసం' అని మరో సినిమాలోని నేహా దేశ్‌పాండే నటించింది. 'సుభద్ర', 'రాజు గారి కోడి పలావ్' వంటి సినిమాలతో పాటు 'లవ్ సెక్స్ అండ్ డెత్' వెబ్ సిరీస్ కూడా చేసింది.

సినిమాలతో నేహా దేశ్‌పాండేకి సక్సెస్ రాలేదు. దాంతో సీరియల్స్ వైపు చూసింది. ఇప్పుడు 'కాంతార' సీరియల్ చేస్తోంది. ఇక నుంచి వరుస పెట్టి సీరియల్స్ చేస్తుందేమో చూడాలి.