అన్వేషించండి

Chadalavada Srinivas Rao: 'రికార్డ్ బ్రేక్' రిలీజుకు బిచ్చగాడు తరహాలో ప్లాన్ రెడీ - చదలవాడ శ్రీనివాసరావు

చదలవాడ శ్రీనివాసరావు దర్శకత్వం వహించిన పాన్ ఇండియా మూవీ 'రికార్డ్ బ్రేక్' ఈ శుక్రవారం విడుదల కానుంది. ఈ సందర్భంగా ఆయన ఇచ్చిన ఇంటర్వ్యూ విశేషాలు

Written By : Satya Pulagam | Updated at : 06 Mar 2024 02:24 PM (IST)

చదలవాడ శ్రీనివాసరావు

1/6

తాను జీవించి ఉండగా పెద్ద హీరోలతో సినిమాలు చేయనని ప్రముఖ నిర్మాత చదలవాడ శ్రీనివాసరావు చెప్పారు. ఇప్పుడు తాను ఇంత ఆరోగ్యంగా ఉండటానికి కారణం పెద్ద బడ్జెట్, పెద్ద హీరోలతో సినిమాలు చేయకపోవడమేనని పేర్కొన్నారు. ఆయన దర్శకత్వం వహించిన సినిమా 'రికార్డ్ బ్రేక్'. సహజ నటి జయసుధ కుమారుడు నిహిర్ కపూర్ ఓ హీరోగా నటించిన చిత్రమిది. ఈ శుక్రవారం (మార్చి 8న) సినిమా విడుదల కానున్న సందర్భంగా చదలవాడ శ్రీనివాసరావు మీడియాతో ముచ్చటించారు.

2/6

'రికార్డ్ బ్రేక్'లో కంటెంట్ మీద నమ్మకంతో కొత్త హీరోలతో భారీగా ఖర్చు చేసి ఈ సినిమా తీశామని చదలవాడ శ్రీనివాసరావు చెప్పారు. ఇంకా ఆయన మాట్లాడుతూ ''ఇంతకు ముందు హీరో హీరోయిన్ల రెమ్యూనరేషన్ తక్కువ ఉండేది. అప్పట్లో దర్శక నిర్మాతలు ఇంతమంది లేదు. ఇప్పుడు పరిస్థితులు మారాయి. 'బిచ్చగాడు' తర్వాత కంటెంట్ ఉంటే ప్రేక్షకులు ఏ చిత్రానికైనా విజయాన్ని కట్టబెడతారని అనిపించింది. అందుకే, ప్రేక్షకుల మనసుకు హత్తుకునే విధంగా భారీ ఖర్చుతో ఈ సినిమా చేశా'' అని చెప్పారు.

3/6

'రికార్డ్ బ్రేక్'కు, ముఖ్యంగా ఆ పతాక సన్నివేశాలకు అంత ఖర్చు అవుతుందని మేం ముందే అనుకున్నామని చదలవాడ శ్రీనివాసరావు చెప్పారు. ఇంకా ఆయన మాట్లాడుతూ... ''మా సినిమా ట్రైలర్ విడుదల చేసినప్పుడు మంచి రెస్పాన్స్ వచ్చింది. శనివారం వేసిన ప్రీమియర్ షోలకు కూడా మంచి స్పందన వచ్చింది. దాంతో హ్యాపీగా ఉన్నాను. ప్రజెంట్ హీరోల్లో అంత బాడీ ఉన్నవాళ్లు, వెయిట్ లిఫ్ట్ చేయగలిగిన వాళ్లు ఎవరూ లేరు. అందుకని నిహిర్ కపూర్ తో పాటు మరొకరిని తీసుకున్నా. ఆ కాలానికి రామారావు, కృష్ణంరాజు గారు తరహాలో, ఈ కాలానికి వీళ్లు సెట్ అయ్యారు'' అని చెప్పారు.

4/6

తక్కువ థియేటర్లలో సినిమాను విడుదల చేయాలని అనుకుంటున్నట్లు చదలవాడ శ్రీనివాసరావు చెప్పారు. ''థియేటర్లు ఎక్కువ లభించినప్పటికీ... నేనే 'బిచ్చగాడు' లాగా ముందు కొన్ని థియేటర్లలో విడుదల చేసి, సక్సెస్ తర్వాత పెంచుకుందామని అనుకుంటున్నా'' అని చెప్పారు.

5/6

పాన్ ఇండియా రిలీజ్ చేయడానికి గల కారణాన్ని చదలవాడ శ్రీనివాసరావు చెబుతూ ''నేను తెనాలిలో చిన్న కర్రల వ్యాపారం చేసే వాడిని. సినీ కళామతల్లి వల్ల ఇండస్ట్రీలో నిలదొక్కుకున్నా. మంచి మిత్రులు దొరికారు. వాళ్ల మద్దతుతో ఈ స్థాయికి వచ్చా. ఇప్పుడు యూనివర్సల్ కాన్సెప్ట్ తీసుకుని సినిమా చేశాం. అందుకే, ఎనిమిది భాషల్లో సినిమా విడుదల చేస్తున్నాం'' అని చెప్పారు.

6/6

''బిచ్చగాడు'లో తల్లి కోసం బిడ్డ కష్టపడతాడు. ఈ సినిమాలో బిడ్డల కోసం తల్లి ఏం చేస్తుంది? అనేది కాన్సెప్ట్. క్లైమాక్స్ అందర్నీ ఆకట్టుకుంటుంది. రెజ్లింగ్ కోసం చైనా వెళ్లడానికి హీరోలు కష్టపడుతుంటే... తల్లి ఏం చేసింది? లడ్డూల కోసం లవర్ ఏం చేసింది? అనేది స్క్రీన్ మీద చూడాలి'' అని చదలవాడ శ్రీనివాసరావు చెప్పారు. ఈ సినిమా తర్వాత కూడా డైరెక్షన్ కంటిన్యూ చేస్తానని ఆయన వివరించారు.